agriculture news in marathi, bamboo company will be formed, mumbai, maharashtra | Agrowon

बांबू क्षेत्राच्या सशक्तीकरणासाठी कंपनी

टीम अॅग्रोवन
बुधवार, 8 ऑगस्ट 2018

मुंबई  : राज्यातील बांबू क्षेत्राचे सशक्तीकरण करण्यासाठी अनेक एजन्सीचा समावेश करून ‘बांबू प्रवर्तन प्रतिष्ठान, महाराष्ट्र’ या कंपनीची स्थापना करण्याचा निर्णय राज्य मंत्रिमंडळाच्या मंगळवारी (ता. ७) झालेल्या बैठकीत घेण्यात आला.

मुंबई  : राज्यातील बांबू क्षेत्राचे सशक्तीकरण करण्यासाठी अनेक एजन्सीचा समावेश करून ‘बांबू प्रवर्तन प्रतिष्ठान, महाराष्ट्र’ या कंपनीची स्थापना करण्याचा निर्णय राज्य मंत्रिमंडळाच्या मंगळवारी (ता. ७) झालेल्या बैठकीत घेण्यात आला.

गत काही काळापासून राज्यात बांबू क्षेत्राला अधिक मजबूत करण्यासाठी अनेक धोरणात्मक निर्णय घेण्यात आले आहेत. प्रामुख्याने चंद्रपूर जिल्ह्यातील चिचपल्ली येथे बांबू संशोधन व प्रशिक्षण केंद्र सुरू करण्यात आले असून बांबू कारागिरांसाठी अनेक अल्पावधीचे अभ्यासक्रम सुरू करण्यात आले आहेत. यासाठी त्रिपुरा येथील केन आणि बांबू सेंटरचे तांत्रिक सहाय्य घेण्यात येत आहे.

बांबू क्षेत्राच्या सर्वांगीण विकासासाठी धोरण ठरविण्यासाठी कृती आराखडा तयार करण्याच्या दृष्टीने समितीची स्थापना करण्यात आली आहे. या समितीने शासनाला अहवाल सादर केला असून शासनाने समितीच्या शिफारसीसुद्धा स्वीकारल्या आहेत. राज्यात बांबू क्षेत्रास सक्षम करण्यासाठी समितीने राज्य सरकार, ट्रस्ट, खासगी कंपन्या, बँका आणि इतर चांगल्या संघटना एकत्रित येऊन महाराष्ट्र बांबू प्रमोशन कंपनी अर्थात बांबू प्रवर्तन प्रतिष्ठान सुरू करावे, असे सूचविले आहे. हे प्रतिष्ठान कंपनी कायद्याच्या कलम ८ अन्वये नफ्यासाठी असणार नाही, असेही स्पष्ट करण्यात आले आहे. ही कंपनी राज्य शासन व इतर संस्थांकडून प्रारंभी कॉर्पस फंडाने सुरवात करता येईल तसेच सीएसआर निधीचाही वापर करता येईल, नंतर ही कंपनी स्वत:च्या उत्पन्नातून आणि विविध प्रकल्पाची अंमलबजावणी करून चालू शकेल, अशी शासनाची भूमिका आहे.

यासाठी राज्यातील बांबू क्षेत्राचे सशक्तीकरण करण्यासाठी शासनासह इतर एजन्सींचा समावेश करून नफा पायाभूत नसलेल्या कंपनीची म्हणजेच ‘बांबू प्रवर्तन प्रतिष्ठान, महाराष्ट्र’ या कंपनीची स्थापना करण्यास मान्यता देणे, प्रस्तावित कंपनीच्या संचालक मंडळामध्ये संचालक आणि अध्यक्ष म्हणून शासनाच्या प्रतिनिधींना नियुक्तीसह मान्यता देणे, या कंपनीची सुरवात करण्यासाठी २०१८-१९ या आर्थिक वर्षात २० कोटींचे एकवेळ अनुदान मंजूर करण्यास मान्यता देणे, या कंपनीमध्ये सहभागी होण्यासाठी आवश्यक असोसिएशन ऑफ आर्टिकल्समधील शासन अटी व पात्रता पूर्ण करणाऱ्या इच्छूक नामांकित कंपन्यांना सहसभासद म्हणून भविष्यात समाविष्ट करून घेण्यात येईल. अशा आशयाच्या वनविभागाच्या प्रस्तावाला मंत्रिमंडळाने मान्यता दिली आहे. संघटित बांबू बाजाराला चालना देणे ही कंपनीच्या कामाची प्राथमिकता असून या माध्यमातून बांबू क्षेत्राच्या विकासासाठी मोठा हातभार लागणार असल्याचे सांगण्यात आले.


इतर ताज्या घडामोडी
खानदेशात कांदेबाग केळी लागवडीची तयारी...जळगाव : खानदेशात कांदेबाग केळी लागवडीची तयारी...
औरंगाबाद, जालना, परभणीत बहुतांश मंडळांत...औरंगाबाद : औरंगाबाद, जालना, परभणी या तीनही...
नाशिक बाजार समितीतील कर्मचारी...नाशिक : नाशिक कृषी उत्पन्न बाजार समितीच्या...
सोलापूर जिल्हा परिषदेत सेसफंड, करनिधी...सोलापूर  ः कोरोनामुळे कधी नव्हे, ती सहा-सात...
नगर जिल्ह्यात शेततळ्यांच्या कामांची...नगर ः दुष्काळी परिस्थितीत शेततळ्याच्या पाण्यावर...
पूर्णा नदी काठच्या गावांना सतर्कतेचा...हिंगोली  ः ‘‘जिल्ह्यातील पूर्णा नदीवरील...
वाखारी येथे शेतकरी, शेतमजुरांना कौशल्य...पुणे ः कृषी तंत्रज्ञान व्यवस्थापन यंत्रणा व...
नांदेड, परभणी, हिंगोली जिल्ह्यात १४२...नांदेड : नांदेड, परभणी, हिंगोली जिल्ह्यातील १४२...
दहिवडीत शेतीकामांच्या मजुरीदरांसह...नाशिक : कोरोनाच्या पार्श्वभूमीवर शेतीव्यवस्था...
औरंगाबाद, जालना जिल्ह्यात दीड लाख...औरंगाबाद  : दोन जिल्ह्यांतील साडेचार हजारावर...
उजनीची पाणीपातळी २८ टक्केवर सोलापूर  ः पुणे जिल्ह्यातील पावसाच्या...
वरखेडीतील पशुधनाचा बाजार उद्यापासून...पाचोरा, जि.जळगाव  ः वरखेडी (ता.पाचोरा) येथील...
जळगाव जिल्ह्यात शेतकऱ्यांवर लिंबं...भडगाव, जि.जळगाव  ः जिल्ह्यात लिंबू पिकासाठी...
कृषी महाविद्यालयाच्या जागेचा प्रश्न...भंडारा : कृषी महाविद्यालयाच्या प्रस्तावित...
परभणी जिल्ह्यात कपाशी बियाण्याच्या साडे...परभणी : जिल्ह्यात यंदा खरीप हंगामात विविध...
सिंधुदुर्ग जिल्ह्यातील ७०...वैभववाडी, जि. सिंधुदुर्ग ः ऑगस्ट महिन्यात मुदत...
चंद्रपूर जिल्ह्यात कापूस कोंडीत भर...चंद्रपूर : येत्या  हंगामातील कापूस खरेदीसाठी...
पंधरा शेतकऱ्यांच्या सौरकृषी पंपात...चंद्रपूर : मुख्यमंत्री सौर कृषी पंप योजनेअंतर्गत...
जलालखेडा येथील दीडशे शेतकरी...नागपूर : खरीप कर्जाचे वाटप शनिवार (ता. १५) पर्यंत...
सांगली जिल्ह्यात डाळिंब संकटांच्या...सांगली ः वातावरणातील बदलाने डाळिंबावर तेलकट डाग...