agriculture news in Marathi, ban on fishing through LED light, Maharashtra | Agrowon

एलईडी लाइटद्वारे मासेमारीला प्रतिबंध करावा ः किरण कुरुंदकर
टीम अॅग्रोवन
रविवार, 15 एप्रिल 2018

मुंबई: समुद्रामध्ये एलईडी लाइटद्वारे मासेमारी संपूर्णत: बंद करण्यासाठी तातडीने अधिसूचना जारी करण्यासह त्याची प्रभावी अंमलबजावणी करण्यात यावी. तसेच अवैध मासेमारीला प्रतिबंध घालण्यासाठी उपाय योजना राबवाव्यात, असे निर्देश पशुसंवर्धन, दुग्धविकास व मत्स्य व्यवसाय विभागाचे सचिव किरण कुरुंदकर यांनी दिले.

मुंबई: समुद्रामध्ये एलईडी लाइटद्वारे मासेमारी संपूर्णत: बंद करण्यासाठी तातडीने अधिसूचना जारी करण्यासह त्याची प्रभावी अंमलबजावणी करण्यात यावी. तसेच अवैध मासेमारीला प्रतिबंध घालण्यासाठी उपाय योजना राबवाव्यात, असे निर्देश पशुसंवर्धन, दुग्धविकास व मत्स्य व्यवसाय विभागाचे सचिव किरण कुरुंदकर यांनी दिले.

सागरी क्षेत्रातील एलईडी लाइटद्वारे होणाऱ्या मासेमारीस आळा घालण्यासाठी कठोर कारवाई करण्याचे निर्देश मुख्यमंत्री देवेंद्र फडणवीस यांनी दिले आहेत. त्यानुसार करावयाच्या उपाययोजनांच्या अनुषंगाने श्री. कुरुंदकर यांनी मत्स्य व्यवसाय विभाग व वन विभागाच्या मँग्रूव्ह सेल यांच्या समवेत बैठक आयोजित करून हे निर्देश दिले. या बैठकीस मत्स्य व्यवसाय आयुक्त अरुण विधले, वन विभागाच्या मँग्रूव्ह सेलचे मुख्य वनसंरक्षक श्री. वासुदेवन, मत्स्य व्यवसाय उपसचिव विजय चौधरी, मत्स्य व्यवसाय सहआयुक्त राजेंद्र जाधव याप्रसंगी उपस्थित होते.

या वेळी श्री. कुरुंदकर म्हणाले, परप्रांतीय मच्छीमार सिंधुदुर्ग व रत्नागिरी या जिल्ह्यांमध्ये येऊन महाराष्ट्राच्या सागरी हद्दीमध्ये मासेमारी करतात. त्यांना प्रतिबंध करून महाराष्ट्र सागरी मासेमारी नियमन अधिनियमानुसार कडक कारवाई करण्यासाठी सिंधुदुर्ग व रत्नागिरी जिल्ह्यांसाठी अजून दोन गस्ती नौका भाड्याने घेण्यासाठी मँग्रूव्ह सेलची मदत घेण्यात यावी. मँग्रूव्ह सेलमधील अधिकाऱ्यांसमवेत गस्त घालण्यात यावी, तसेच डॉल्फिन, सागरी कासव आदी दुर्मिळ प्रजातींचे संरक्षण करण्यात यावे.

‘‘राज्यातील ट्रॉलनेटद्वारे मासेमारी करणाऱ्या सर्व जाळ्यांचा खोला (कॉडएंड) ४० मिलिमीटर करण्यात यावा. त्यामुळे मासळीच्या छोट्या पिल्लांचे संरक्षण होऊन मासळीचे उत्पन्न वाढण्यात मदत होते. या कॉडएंडचे जाळे खरेदी करण्यासाठी रीतसर ई-टेंडर प्रक्रिया राबवून लाभार्थ्यांना तत्काळ ४० मिलिमीटर कॉडएंडच्या जाळ्या बदलून द्याव्यात. १२ नॉटिकल माईलच्या पुढे पर्ससीन व ट्रॉलिंग मासेमारी करणाऱ्या सर्व नौकांना व्हेसल ट्रॅफिक सर्व्हिसेस- ‘व्हीटीएस’ (एआयएस) लावण्यासाठी मँग्रूव्ह फाउंडेशनच्या सहकार्याने योजना तयार करावी,’’ अशा सुचना त्यांनी मत्स्य व्यवसाय आयुक्तांना केल्या.

समुद्रामधील कासव, डॉल्फिन आदी दुर्मिळ प्रजाती मासेमारांच्या जाळ्यात आल्यास त्यांना पुन्हा समुद्रात सोडण्यासाठी मच्छीमारांना जाळी कापावी लागते. त्यामुळे मच्छीमारांच्या जाळ्यांचे नुकसान होते. अशा मच्छीमारांच्या नुकसानभरपाईसाठीची योजना मँग्रूव्ह सेलसमवेत चर्चा करून तत्काळ तयार करून शासनास सादर करावी. तसेच काही मच्छीमार अशा दुर्मिळ प्रजाती पकडत असल्यास त्यांच्याविरुद्ध वन्यजीव संरक्षण कायद्यांतर्गत कडक कारवाई करण्यात यावी व याकरिता संयुक्तरीत्या गस्त घालण्यात यावी. याबाबीस आळा घालण्यासाठी मच्छीमारांमध्ये व आजूबाजूच्या परिसरात जास्तीत जास्त प्रचार, प्रसार व जनजागृती करण्यात यावी,  अशाही सूचना श्री. कुरुंदकर यांनी या वेळी दिल्या.

इतर अॅग्रो विशेष
श्रमशक्तीच्या जागरातून घडवूया समृद्ध...कितीही प्रगती झाली तरी मानवी जीवन, निसर्ग आणि...
शेतकऱ्यांच्या ‘महारोषा’चे काय?मुख्यमंत्री देवेंद्र फडणवीस यांच्या नेतृत्वाखालील...
खानदेशात लष्करी अळीकडून ४० टक्के मका...जळगाव  ः खानदेशात मका पिकावर अमेरिकन लष्करी...
नाशिक जिल्ह्यात मका लष्करी अळीच्या...नाशिक  : जिल्ह्यात यंदा अमेरिकन लष्करी अळीचा...
शेतकऱ्यांसाठी 'इर्मा' लागू करण्याचा...पुणे : राज्यात शेतकऱ्यांसाठी इर्मा अर्थात ‘‘इनकम...
दसरा-दिवाळीपर्यंत अभूतपूर्व 'कांदाटंचाई'पुणे : राज्यातील बाजार समित्यांत दोन दिवसांत...
कोकण, मध्य महाराष्ट्रात जोरदार पावसाची...पुणे : कर्नाटक, गोवा, अरबी समुद्र, कोकण आणि...
ठिकठिकाणी पावसाची हजेरीपुणे ः कमी दाबाचे क्षेत्र सक्रिय झाल्याने...
पाच कीटकनाशकांवर अमरावती विभागात दोन...मुंबई : कीटकनाशकांच्या वापरामुळे शेतकरी व...
मज चंद्र हवास्थळ बंगळूर, सात सप्टेंबरची मध्यरात्र, वेळ १...
विविधतेतच एकताहिंदी भाषा दिनानिमित्त केंद्रीय गृहमंत्री अमित...
एकत्रित प्रयत्नांमधून झाले लष्करी अळी...नाशिक येथील के. के. वाघ कृषी महाविद्यालयाने...
पुरंदर, सासवडच्या सीताफळांची परराज्यात...पुणे जिल्ह्यातील पुरंदर, सासवडचे नाव काढताच...
कापडे, हळनोर, कांबळे यांना यंदाचा ‘डॉ....पुणे ः ‘सकाळ माध्यम समूहा’तील ‘ॲग्रोवन’चे...
जल ‘अ’नीतीया वर्षी महापूर आणि दुष्काळ या दोन्ही समस्यांचा...
‘लष्करी अळी’बाबत सरकार उदासीनच!देशातील वीसपेक्षा जास्त राज्यांमध्ये आणि एक कोटी...
मराठवाड्यात २६ तालुक्‍यांत...औरंगाबाद  : मराठवाड्यातील आठही जिल्ह्यांतील...
दरकवाडीच्या दावणीला चाराप्रश्‍नाने...औरंगाबाद : आधी दुष्काळ मग खरिपातील चारा पिकांवर...
शेतकऱ्यांच्या समुपदेशनासाठी राज्यात ...नागपूर : शेतकऱ्यांना पेरणी ते काढणीपर्यंत...
आधुनिक शेती तंत्रज्ञानाच्या जोरावर कडदे...पुणे जिल्ह्यात मावळ तालुक्यातील कडदे येथील...