agriculture news in marathi, ban may become on sand lift, nagpur, maharashtra | Agrowon

वाळूउपशावर बंदी आणण्याचे महसूलमंत्र्यांचे संकेत

टीम अॅग्रोवन
शुक्रवार, 13 जुलै 2018

नागपूर   : नद्यांचे आटत चाललेले स्रोत आणि पर्यावरणाची हानी लक्षात घेऊन प्लॅस्टिक बंदीप्रमाणे वाळूउपशावर बंदी आणण्याचा विचार सरकारला करावा लागेल, असे सांगत महसूलमंत्री चंद्रकांत पाटील यांनी विधानसभेत नजीकच्या काळात वाळूउपशावर बंदी आणण्याचे संकेत दिले.

वाळूला पर्याय निर्माण होईपर्यंत अशी बंदी घालता येणार नाही. सरकारने वाळूला पर्याय म्हणून स्टोन क्रशिंगला परवानगी दिली आहे. मलेशिया या देशाने महाराष्ट्रासाठी वाळू निर्यात करण्याची तयारी दाखवली आहे. सध्या आंध्र प्रदेश सरकारकडून वाळू आयातीचा प्रयोग सुरू असल्याची माहिती पाटील यांनी दिली.

नागपूर   : नद्यांचे आटत चाललेले स्रोत आणि पर्यावरणाची हानी लक्षात घेऊन प्लॅस्टिक बंदीप्रमाणे वाळूउपशावर बंदी आणण्याचा विचार सरकारला करावा लागेल, असे सांगत महसूलमंत्री चंद्रकांत पाटील यांनी विधानसभेत नजीकच्या काळात वाळूउपशावर बंदी आणण्याचे संकेत दिले.

वाळूला पर्याय निर्माण होईपर्यंत अशी बंदी घालता येणार नाही. सरकारने वाळूला पर्याय म्हणून स्टोन क्रशिंगला परवानगी दिली आहे. मलेशिया या देशाने महाराष्ट्रासाठी वाळू निर्यात करण्याची तयारी दाखवली आहे. सध्या आंध्र प्रदेश सरकारकडून वाळू आयातीचा प्रयोग सुरू असल्याची माहिती पाटील यांनी दिली.

बुधवारी विधानसभेत प्रश्नोत्तराच्या तासात वसई तालुक्यातील उसगाव, चांदीप येथील तानसा नदीपात्रात वाळूउपशामुळे दोन मजुरांचा मृत्यू झाल्याबद्दलचा प्रश्न बोईसरचे आमदार विलास तरे यांनी उपस्थित केला होता. त्या वेळी राष्ट्रवादी काँग्रेसचे नेते अजित पवार यांनी प्लॅस्टिक बंदीप्रमाणे वाळूउपशावर बंदी आणण्याची मागणी केली. त्याला उतार देताना श्री. पाटील यांनी वाळूउपशावर लगेच बंदी घालणे शक्य नसल्याचे सांगितले.

परवानगीपेक्षा जास्त वाळूचा उपसा करायचा, लिलावात एक साठा घ्यायचा आणि बाजूच्या साठ्यातील वाळू काढायची या प्रवृत्तीला आळा बसावा म्हणून पाचपट दंड आकारला जात आहे. अवैध वाळूप्रकरणी गेल्या वर्षभरात २२ कोटी रुपयांपेक्षा जास्त दंड वसूल करण्यात आला आहे, अशी माहिती श्री. पाटील यांनी दिली. रस्ते, धरण यांसारख्या सरकारी कामाला वाळूची अडचण येऊ नये म्हणून त्यांना वाळू लिलावात जाण्याची गरज नाही, असा निर्णय सरकारने घेतला आहे. वैयक्तिक घर बांधणीसाठी परवाना शुल्क भरून दोन ब्रास वाळू घेऊन जाण्याची सध्या तरतूद आहे. ही तरतूद लवकरच पाच ब्रास इतकी केली जाईल. तर दारिद्र्यरेषेखालील कुटुंबाकडून वाळूसाठी परवाना शुल्क आकारले जात नसल्याचे श्री. पाटील यांनी स्पष्ट केले.

राज्य सरकारने २१०० पुलांचे ऑडिट पूर्ण केल्याची माहिती सार्वजनिक बांधकाम राज्यमंत्री प्रवीण पोटे-पाटील यांनी अन्य एका प्रश्नाच्या उत्तरात दिली. इगतपुरी तालुक्यातील अस्वली स्टेशन जवळच्या ब्रिटिशकालीन दगडी पुलाच्या पुनर्बांधणीबाबत  राजाभाऊ वाजे यांनी प्रश्न विचारला होता. त्यावर पोटे-पाटील यांनी अतिधोकादायक पुलांच्या बांधणीचे काम लवकरच हाती घेणार असल्याचे सांगितले.


इतर ताज्या घडामोडी
पुणे विभागात गव्हाचा १ लाख ६८ हजार...पुणे  ः पुणे विभागात गव्हाच्या पेरण्या...
खासदार औद्योगिक महोत्सवाच्या माध्यमातून...नागपूर  ः खासदार औद्योगिक महोत्सवाच्या...
अकोला कृषी विद्यापीठात विद्यार्थ्यांचे...अकोला  : ‘कृषी’चे पदव्युत्तर शिक्षण हे...
तीन जिल्ह्यांत तूर विक्रीसाठी २९...नांदेड  ः मराठवाड्यातील नांदेड, परभणी,...
आळसंद येथील पशुवैद्यकीय दवाखाना उद्‌...आळसंद, जि. सांगली : आळसंद (ता. खानापूर) येथे...
तीन जिल्ह्यांत सतरा लाख ४१ हजार क्विंटल...नांदेड  ः नांदेड, परभणी, हिंगोली जिल्ह्यांत...
जावळी तालुक्यात वन्यप्राण्यांकडून... मेढा, जि. सातारा : जावळी तालुक्‍यात...
कातळावरील गोड्या पाण्यातील मत्स्यशेतीचा...सिंधुदुर्ग : जिल्ह्यातील कांदळगाव (ता. मालवण)...
सुरक्षित प्रवासासाठी प्रवाशांना सुविधा...नाशिक : प्रवाशांना अधिकाधिक सुविधा देऊन त्यांचा...
महाशिवरात्रीनिमित्त पुण्यात रताळी,...पुणे  ः गुलटेकडी येथील पुणे कृषी उत्पन्न...
बदलत्या हवामानात कृषी जैवविविधतेचे...संयुक्त राष्ट्रसंघाच्या कृषी जैवविविधता आणि अन्न...
हरितगृह वायू कोणते?मागील लेखामध्ये हरितगृह परिणाम म्हणजे काय, ते आपण...
जागतिक तापमानवाढीवर हरितगृह वायूंचा...सध्या सर्वत्र तापमानवाढीची चर्चा असली, तरी...
गिरणा परिसरात कांदा लागवडीकडे कलमेहुणबारे, जि. जळगाव  ः चाळीसगाव तालुक्‍यात...
घराघरांत पोचणार नळ कनेक्‍शन, बसणार मीटर...जळगाव  : जिल्ह्यात ग्रामीण भागातील जनतेला...
जळगाव जिल्ह्यात कर्जमुक्ती योजनेतून...जळगाव : राज्यातील महाविकास आघाडी शासनाने महात्मा...
शेतकऱ्यांना सन्मानपूर्वक कर्जमुक्तीचा...अकोला ः शेतकरी कर्जदार नसून तो भूमीचा राजा आहे....
केंद्राच्या पथकाकडून लासलगावला कांदा...नाशिक  : कांद्याचे घसरते बाजार भाव पाहता...
`रेशीम प्रकल्पाच्या मंजुरीसाठी...औरंगाबाद : राज्यातील रेशीम उद्योगाच्या एकूणच...
अमरावती येथे जिल्हा परिषद अधिकाऱ्यांना...अमरावती ः जिल्हा परिषदेत आठवड्यातील दोन दिवस...