Agriculture news in Marathi Ban on mustard futures | Agrowon

खाद्यतेलाच्या वाढत्या दरामुळे मोहरीच्या वायद्यांवर बंदी

टीम अॅग्रोवन
शनिवार, 9 ऑक्टोबर 2021

खाद्यतेलाच्या वाढत्या दर आणि स्पेक्यूलेशनवर नियंत्रणासाठी सरकारने एनसीडीईएक्सवरील मोहरीच्या वायद्यांवर बंदी घातली. काही दिवसांपूर्वी व्यापाऱ्यांनी याची मागणी केली होती.

पुणे : खाद्यतेलाच्या वाढत्या दर आणि स्पेक्यूलेशनवर नियंत्रणासाठी सरकारने एनसीडीईएक्सवरील मोहरीच्या वायद्यांवर बंदी घातली. काही दिवसांपूर्वी व्यापाऱ्यांनी याची मागणी केली होती. मात्र मोहरीची कमी उपलब्धता आणि आंतरराष्ट्रीय बाजारात खाद्यतेलाचे दर वाढलेले असताना वायद्यांवर बंदी घालून मोहरी तेलाचे दर खरच कमी होणार का? हे तर येणारा काळच ठरवेल. बंदी घातल्यानंतर सुरुवातीच्या दोन ते तीन दिवसांत बाजार दबावात येईल, मात्र त्यानंतर पुन्हा दर वाढतील, असा अंदाज जाणकारांनी व्यक्त केला आहे. 

यापूर्वी सरकारने हरभऱ्याच्या वायद्यांवरही बंदी घातली. याचा परिणाम शेतकऱ्यांना भोगावा लागला होता. एनसीडीईएक्सवर डिसेंबरनंतरचा वायदा पुढील आदेश येईपर्यंत उघडला जाणार नाही, असे आदेश सेबीने दिले आहेत. वायद्यांवर बंदी घातल्याने मोहरी बाजार मागणी आणि पुरवठ्यावर चालेल, असा अंदाज व्यक्त केला जात आहे. व्यापारातील सूत्रांच्या माहितीनुसार देशात फेब्रुवारीपासून सप्टेंबरपर्यंत ६३.२५ लाख टन मोहरीचे गाळप झाले आहे. म्हणजेच महिन्याला सरासरी ७.९ लाख टनांचे गाळप झाले. आता देशात १८.५ लाख टन मोहरीचा साठा आहे. हा साठा गाळपासाठी अडीच महिने पुरेल. त्यातच नवीन माल येण्यास जवळपास ५ महिन्यांचा कालावधी आहे. त्यामुळे मिलर्सला कच्चा माल मिळविण्यासाठी कसरत करावी लागणार आहे. 

या निर्णयामुळे शुक्रवारी (ता. ८) बाजार ऑक्टोबरच्या करारात ३५५ रुपये आणि नोव्हेंबरच्या करारात १७४ रुपयांच्या घसरणीसह उघडला. तर ऑक्टोबरचे वायदे ८३७६ रुपयांवर आणि नोव्हेंबरचे वायदे ८४३४ रुपयांवर बंद झाले.

एनसीडीईएक्स हे कृषी उत्पादनांचा मोठा वायदा बाजार आहे. मात्र, तूर, हरभऱ्यानंतर आता मोहरीच्या वायद्यांवर बंदी आणली आहे. यामुळे हा एक्स्चेंज प्लॅटफॉर्मच्या मूळ हेतूलाच हरताळ फासण्यासारखं आहे. राष्ट्रीय आणि आंतरराष्ट्रीय बाजारातील पुरवठ्यातील मोठी तुटीचा वेध घेण्यासाठी वायदे बाजार हे महत्त्वाचे साधन आहे. पेरणीच्या वेळी शेतकरी वायद्यांमुळे दराचा अंदाज घेऊन पेरणीचा निर्णय घेता येतो. त्यामुळे वायदेबंदी घालणे सयुक्तिक नाही.
- दीपक चव्हाण, शेतीमाल बाजार अभ्यासक


इतर अॅग्रोमनी
बाजारातील असंतुलनामुळे सोयाबीनची दरवाढपुणे ः जागतिक बाजारात सध्या सोयाबीन दरात झालेली...
कापूस आवक वाढूनही दर स्थिरावले जळगाव ः  कापड उद्योगातील वाढती महागाई व...
सोयाबीनमधील तेजी कायम पुणे ः आवक कमी मात्र मागणी जास्त असल्याने देशातील...
सोयाबीन दरात सुधारणा पुणे ः सोयाबीन उत्पादक शेतकऱ्यांनी यंदा...
आयात उडदाला ग्राहक मिळेना पुणे : देशात यंदा उडीद उत्पादनात घट झाली मात्र...
तुरीचे दर स्थिरावले; नवीन तूर पुढील...पुणे : देशातील नवीन तूर डिसेंबरपासून बाजार येणार...
खानदेशात कापसाच्या खेडा खरेदी दरात वाढजळगाव : खानदेशात कापसाची किमान ८६०० व कमाल ९२००...
कापूस उत्पादक देशांमध्ये पुरवठा २०...जळगाव : जगात कापसाचा मोठा तुटवडा तयार होत आहे....
कंटेनर्सची टंचाई पुढील वर्षीही...पुणे : चालू वर्षीत शेतीमालासह इतर वस्तूंच्या...
धनत्रयोदशीला जळगावात ३० किलो सोने विक्रीजळगाव : जळगावची केळी व अस्सल सोन्यासाठी सुवर्ण...
जगभरात कापसाचे दर चढेच राहतीलपुणे : जागतिक कापूस वापरात होणारी वाढ, कमी शिल्लक...
तुरीला हवा हमीभाव खरेदीचा आधारपुणे : पुढील महिन्यापासून नवीन तुरीची बाजारात आवक...
दिवाळीमुळे हळदीला उठावपुणे : दिवाळीमुळे हळदीच्या मागणीत वाढ झाली आहे....
गुजरातमधून गुळाला मागणी वाढलीकोल्हापूर : यंदा गुजरातमधून गुळाला मागणी वाढत आहे...
खाद्यतेलाच्या दराऐवजी सोयाबीन दरात मोठी...पुणे : निवडणुका आणि सणांच्या पार्श्‍वभूमीवर...
मोदीजी, तुमच्यासारख्या व्यक्तीकडून ही...अहमदाबाद, गुजरात : खरिपातील तेलबिया बाजारात...
मागणीमुळे कापसाला यंदा दराची झळाळीपुणे : कोरोनानंतरच्या काळात वाढलेली मागणी आणि...
खाद्यतेलाच्या वाढत्या दरामुळे मोहरीच्या...पुणे : खाद्यतेलाच्या वाढत्या दर आणि...
देशांतर्गत कडधान्य उत्पादनवाढ गरजेचीपुणे : गेल्या तीन दशकांत कडधान्य लागवड आणि...
भारतीय साखरेसाठी यंदा ‘फिलगुड’गेल्या महिन्याच्या कालावधीत साखर उद्योगासाठी...