agriculture news in marathi, banana plantation decrease, nanded, maharashtra | Agrowon

नांदेड, हिंगोली, परभणी जिल्ह्यांत होणार केळी लागवड क्षेत्रात घट 
टीम अॅग्रोवन
सोमवार, 12 ऑगस्ट 2019

दरवर्षी १५ हजार केळी रोपांची लागवड करत असतो. परंतु यंदा विहिरीला पाणी उपलब्ध नसल्यामुळे केवळ २ हजार केळी रोपांची लागवड केली आहे. येत्या काळात पाण्याच्या उपलब्धतेवरच केळी लागवडीचे भवितव्य अवलंबून आहे.
- शिवाजीराव देशमुख, बारड, ता. मुदखेड, जि. नांदेड

नांदेड  : गतवर्षीची दुष्काळी स्थिती आणि यंदाच्या पावसाळ्यात आजवर पुरेसा पाऊस न झाल्यामुळे सिंचनासाठी पाणी उपलब्ध नाही. त्यामुळे यंदा नांदेड, परभणी, हिंगोली या जिल्ह्यांतील मृगबाग केळीच्या लागवड क्षेत्रात घट होणार आहे. येत्या काळात पाण्याच्या उपलब्धतेवर केळी लागवडीचे भवितव्य अवलंबून आहे. पाणी उपलब्ध झाले तर सप्टेंबर, ऑक्टोबर महिन्यांत कांदेबाग केळी लागवड होऊ शकेल.

नांदेड, परभणी, हिंगोली जिल्ह्यांत केळीचे क्षेत्र १६ ते १८ हजार हेक्टरपर्यंत आहे. नांदेड जिल्ह्यातील अर्धापूर, मुदखेड, नांदेड या तालुक्यांसह हदगाव, भोकर या तालुक्यांतील काही भागांत केळीचे लागवड क्षेत्र आहे. परभणी जिल्ह्यातील परभणी, पाथरी, मानवत तालुक्यात केळीचे क्षेत्र आहे. हिंगोली जिल्ह्यातील वसमत, कळमनुरी तालुक्यात केळी लागवड केली जाते. जून ते जुलै या कालावधीत मृगबाग केळीची लागवड केली जाते. परंतु गेल्या दोन ते तीन वर्षांपासून दुष्काळी स्थिती असल्यामुळे सिंचनासाठी पाणी उपलब्ध होत नाही. त्यामुळे केळी लागवडीखालील क्षेत्रात दरवर्षी घट होत आहे.

गतवर्षी नांदेड जिल्ह्यातील केळी उत्पादक पट्ट्यात पाणी उपलब्ध होते. त्यामुळे मृगबाग केळी लागवड झाली होती. इसापूर धरणाच्या कालव्याचे पाणीदेखील यंदाच्या उन्हाळ्यापर्यंत मिळाले होते. यंदा अद्याप इसापूर धरणामध्ये पुरेसा पाणीसाठा उपलब्ध झालेला नाही. विहिंरीनादेखील पाणी नाही. त्यामुळे केळी लागवडीचे प्रमाण कमी आहे. मुबलक पाणी असलेल्या शेतकऱ्यांनी केळी लागवड केली असली तर क्षेत्र कमी केले आहे.

इसापूर कालव्याच्या पाण्याचा लाभ हिंगोली जिल्ह्यातील डोंगरकडा, गिरगाव, कुरुंदा या भागांतील केळी उत्पादकांना झाला. परंतु सिंचनासाठी पाणी पुरसे असूनसुद्धा तापमानवाढीमुळे केळी होरपळल्याने उत्पादकांचे नुकसान झाले. मृगबाग केळी लागवडीचा कालावधी संपला आहे. त्यामुळे केळीच्या क्षेत्रात घट होणार आहे.

प्रतिक्रिया

दरवर्षी केळी लागवड करत असतो. गतवर्षी सहा एकरांवर लागवड केली होती. परंतु पाणी कमी पडल्याने चार एकरावरील केळीची झाडे मोडून टाकली. पाणी नसल्यामुळे केळी लागवड करता येत नाही. 
- माणिकराव सूर्यवंशी, सिंगणापूर, जि. परभणी

जुन-जुलै महिन्यांत मृगबाग केळीची लागवड केली जाते. परंतु यंदा पाऊसमान कमी आहे. सिंचनासाठी पाणी उपलब्ध नाही. त्यामुळे केळी लागवड क्षेत्रात घट होणार आहे. येत्या काळात पाणी उपलब्ध झाले तर ऑक्टोबर-नोव्हेंबर महिन्यात कांदेबाग केळी लागवड होऊ शकेल.
- प्रा. आर. व्ही. देशमुख, प्रभारी अधिकारी, केळी संशोधन केंद्र, नांदेड

इतर ताज्या घडामोडी
राजकीय अस्थिरतेमुळे पूरग्रस्तांना मदतीस...कोल्हापूर: महापुरात नुकसानग्रस्त शेतकऱ्यांना...
नवनवीन प्रपत्र, जिओ टॅगिंगच्या...बुलडाणा  ः अवकाळी पावसामुळे झालेल्या...
दुष्काळग्रस्त शेतकऱ्यांच्या प्रश्नी ‘...अकोला ः राज्यातील दुष्काळग्रस्त शेतकऱ्यांना एकरी...
शरद पवार करणार विदर्भातील पीक नुकसानीची...नागपूर ः राज्यात सत्तास्थापनेचे गुऱ्हाळ सुरू...
महाशिवआघाडीत सत्तास्थापनेसाठी वाटाघाटी...मुंबई ः राज्यात भाजपला वगळून शिवसेना, राष्ट्रवादी...
शेतकऱ्यांवर रब्बी ज्वारीचे पीक...औरंगाबाद : मकानंतर आता रब्बी ज्वारीवर लष्करी...
दौंड बाजार समितीत ज्वारीला ४३०० रुपये दरदौंड, जि. पुणे : दौंड बाजार समितीमध्ये ज्वारीची...
खानदेशात रब्बीसाठी प्रकल्पांमध्ये...जळगाव  ः खानदेशात रब्बी हंगामाची शेतकरी...
पुणे : हरभरा उत्पादनवाढीसाठी ४००...पुणे ः हरभरा उत्पादनवाढीसाठी रब्बी हंगामात अकरा...
मांजरपाडा प्रकल्पग्रस्तांची पूल...नाशिक  : दिंडोरी तालुक्यातील मांजरपाडा वळण...
खारपाण पट्ट्यातील कापूस हंगामही अडचणीतअकोला ः सततच्या पावसाने खरिपातील सर्वच...
पुणे : पंचनाम्यापासून अद्यापही १५ हजार...पुणे ः पुणे जिल्ह्यात नुकसान झालेल्या पिकांचे...
कोल्हापूर जिल्ह्यात केवळ पाच टक्के...कोल्हापूर : पावसाचा फटका खरीप हंगामात बसल्याने...
जालना जिल्ह्यात खरेदी केंद्रांना मिळेना...जालना : जिल्ह्यातील सोयाबीन, मूग, उडीद, मक्याची...
हिंगोली : पावणेदोन कोटीचे कृषी...हिंगोली : जिल्ह्याचा २०२०-२१ या वर्षीचा संभाव्य...
सांगलीत ९९ हजार हेक्टरवर पिकांचे पंचनामेसांगली : ऑक्टोबरमधील पावसामुळे जिल्ह्यात शेतीचे...
सोलापूर जिल्ह्यात नुकसानीचे पंचनामे...सोलापूर : ऑक्‍टोबर महिन्यात मॉन्सुनोत्तर पावसाने...
गहू पिकावरील किडींचे वेळीच करा नियंत्रणगहू पिकांच्या उत्पादनात घट येण्यामध्ये किडींचा...
हळद पिकातील प्रमुख रोगांचे नियंत्रणसध्या हळद लागवड होऊन तीन ते चार महिन्यांचा...
नाशिकमध्ये ढोबळी मिरची ३२५० ते ६२५०...नाशिक : येथील कृषी उत्पन्न बाजार समितीमध्ये ढोबळी...