agriculture news in marathi, banana rate | Agrowon

नऊशे रुपयांवर केळीदर गेलेच नाही

टीम अॅग्रोवन
गुरुवार, 16 नोव्हेंबर 2017

केळी उत्पादकांना प्रचलित दरांपेक्षा कमी दर देऊन जे व्यापारी फसवणूक करीत आहेत त्यांच्या तक्रारी बाजार समितीकडे कराव्यात. बाजार समिती केळी खरेदीसंबंधीच्या तपासणीसाठी गावोगावी मोहीमही सुरू करणार आहे.
- कैलास छगन चौधरी, प्रभारी सभापती, कृषी उत्पन्न बाजार समिती, जळगाव

जळगाव : जिल्ह्यात नवती व कांदेबाग केळीला मागील दोन महिन्यांत एक हजार रुपये प्रतिक्विंटलवर दर मिळालेच नाहीत. यातच मध्यंतरी दर 800 रुपये प्रतिक्विंटलपर्यंत खाली आले होते. याचा फटका केळी उत्पादकांना बसला असून, व्यापारी लॉबी जाहीर दरांपेक्षा आणखी कमी दरात खरेदी करून केळी उत्पादकांची लूट करीत आहे.

जिल्ह्यात सर्वाधिक 22 हजार हेक्‍टर केळी लागवड रावेर येथे झाली आहे. यापाठोपाठ यावल, चोपडा, भडगाव, मुक्ताईनगर, जामनेर व जळगाव तालुक्‍यांत लागवड आहे. सध्या चोपडा, जळगाव व भडगाव परिसरात कांदेबाग कापणी सुरू आहे. तर यावल, रावेर, मुक्ताईनगर, जामनेर भागांत जुनारी केळी कापणी सुरू आहे.

तीन दर आणि फसवणूक
केळीचे तीन दर रोज जाहीर होतात. त्यात कांदेबाग, जुनारी व वापसी (दुय्यम दर्जा, आखूड) असे तीन प्रकार असून, कांदेबागाला मागील दोन महिन्यांत एक हजार रुपयांवर दर जाहीर झालेला नाही. रावेर (जि. जळगाव) येथील कृषी उत्पन्न बाजार समितीतर्फे दर जाहीर केले जातात. व्यापाऱ्यांनी या दरात केळी खरेदी करणे बंधनकारक आहे, परंतु हे बंधन न पाळता आखूड केळी, कमी दर्जा, अशी वेगवेगळी कारणे सांगून केळीची एक क्विंटलमागे जाहीर दरापेक्षा 150 ते 200 रुपये कमी देऊन सर्रास खरेदी सुरू आहे. अर्थातच कांदेबागाला 900 रुपये दर असला तर त्याची 700 ते 750 रुपयांत, जुनारीला 800 दर असेल तर त्याची 600 ते 650 रुपयांत खरेदी केली जात आहे.

बाजार समितीचे मौन
जळगाव, चोपडा बाजार समितीने मध्यंतरी केळीची जाहीर किंवा प्रचलित दरांपेक्षा कमी दरात खरेदी केली जाऊ नये, अशी सूचना दिली होती. तशी बैठकही मागील वर्षी दोन्ही बाजार समित्यांनी घेतली. तसेच शेतकऱ्यांना तक्रार करायचे आवाहन केले होते. पण कुण्या शेतकऱ्याने तक्रार केली नाही व बाजार समितीने कुठली कारवाईची मोहीम दोषी व्यापाऱ्यांविरुद्ध राबविली नाही. आता तर रावेर बाजार समिती दर जाहीर करते म्हणून त्यांनीच कारवाईचेही बघावे, शासनाशी पत्रव्यवहार करावा, अशी भूमिका जळगाव, चोपडा बाजार समितीने घेतली आहे.


इतर बातम्या
सोलापूर जिल्ह्यात दमदार पाऊस सोलापूर : जिल्ह्यात गेल्या दोन दिवसांपासून...
नगर जिह्यात पावसाने पिकांचे अतोनात...नगर  : जिल्ह्याच्या बहुतांश भागात...
सोनी गावामध्ये आहेत २८८ शेततळीसोनी (ता. मिरज,जि.सांगली) या गावात  कृषी...
मराठवाड्यात जोरदार पावसाचा पिकांना फटकाऔरंगाबाद, परभणी : औरंगाबाद, जालना, बीड, लातूर,...
कर्नाळा बँकेत ३६ ग्रामपंचायतींचे पैसे...मुंबई : ‘शेकाप’चे माजी आमदार विवेक पाटील यांच्या...
मराठवाड्याच्या विकासासाठी शासन कटीबध्द...औरंगाबाद : मराठवाड्याच्या सर्वांगिण विकासासाठी...
केंद्राच्या कांदा निर्यातबंदी विरोधात...नाशिक : केंद्र सरकारने कुणाचीही ओरड नसताना, अन्न...
औरंगाबादमधील नुकसानग्रस्त पिकांचे...औरंगाबाद : ‘‘जिल्ह्यात अतिवृष्टीमुळे नुकसान...
खानदेशातील पपई पिकाला अतिपावसाचा फटकाजळगाव : खानदेशात पपई पिकाला अतिपावसाचा फटका बसला...
हजारो टन कांदा निर्यातीच्या प्रतीक्षेतमुंबई/नाशिक : देशभरात कांदा निर्यातबंदी...
नांदेडमध्ये ३८ हजार हेक्टर पिकांचे...नांदेड : अतिवृष्टी व पूरामुळे जिल्ह्यातील ३८१...
‘म्हैसाळ’मधून पावणेदोन टीएमसी पाणी उचललेसांगली  ः कृष्णा नदीला आलेल्या पूराचे पाणी...
कांदा निर्यातबंदीविरूध्द कॉंग्रेसचे...रत्नागिरी : कांदा निर्यातीबाबतचा निर्णय...
बीटी वांग्याच्या दुसऱ्या टप्प्यातील...पुणे : देशभरात चर्चेत असलेल्या बीटी वांग्याच्या...
मुसळधार पावसामुळे पिके भुईसपाटपुणे ः राज्यातील अनेक भागांत कमीअधिक स्वरूपात...
तुरळक ठिकाणी जोरदार पावसाची शक्यतापुणे ः बंगालचा उपसागर व उत्तर तामिळनाडूच्या...
दूध सल्लागार समिती कागदावरचपुणे : राज्यस्तरीय दूध सल्लागार समितीची एकही बैठक...
पानपिंपरी पिकाला विम्याचे कवच द्याअकोला ः जिल्ह्यात पानपिंपरी या वनौषधीवर्गीय...
सीमाभाग आणि बंदरातील कांदा सोडा; अन्यथा...नाशिक : टाळेबंदी शिथिल झाल्यानंतर शेजारील...
कोल्हापुरात ‘गोकूळ’चे दूध रोखण्याचा...कोल्हापूर : मराठा आरक्षणाला स्थगिती दिल्याच्या...