Agriculture news in Marathi, Banana rate up to Rs 2300 rupees per quintal | Page 2 ||| Agrowon

बऱ्हाणपुरात केळीला २३०० रुपयांपर्यंत दर

टीम अॅग्रोवन
शुक्रवार, 4 ऑक्टोबर 2019

जळगाव ः मध्य प्रदेशात केळीची काढणी जवळपास संपली आहे. परिणामी, बाजारातील आवक ऑगस्ट महिन्याच्या तुलनेत निम्म्याने घटली असून, बऱ्हाणपूर (मध्य प्रदेश) येथील बाजारात केळीला लिलावात कमाल २३०० रुपये प्रतिक्विंटलचा दर या आठवड्यात मिळाला आहे. दर्जेदार केळीची पाठवणूक या बाजारातून दिल्ली, उत्तर प्रदेश व मध्य प्रदेशातील महत्त्वाच्या शहरांमध्ये होत आहे.

जळगाव ः मध्य प्रदेशात केळीची काढणी जवळपास संपली आहे. परिणामी, बाजारातील आवक ऑगस्ट महिन्याच्या तुलनेत निम्म्याने घटली असून, बऱ्हाणपूर (मध्य प्रदेश) येथील बाजारात केळीला लिलावात कमाल २३०० रुपये प्रतिक्विंटलचा दर या आठवड्यात मिळाला आहे. दर्जेदार केळीची पाठवणूक या बाजारातून दिल्ली, उत्तर प्रदेश व मध्य प्रदेशातील महत्त्वाच्या शहरांमध्ये होत आहे.

दुर्गोत्सवामुळे सध्या केळीची उत्तर भारतात मागणी अधिक आहे. बऱ्हाणपूरचा बाजार केळीसाठी प्रसिद्ध आहे. या बाजारात जळगाव जिल्ह्यातील मुक्ताईनगर, रावेर, यावल भागांतील अनेक शेतकरी केळी लिलावात विक्रीसाठी पाठवतात. ऑगस्टमध्ये या बाजारात केळीची प्रतिदिन आवक ४०० ट्रक (एक ट्रक १५ मेट्रिक टन क्षमता) पर्यंत राहिली. सप्टेंबरमध्ये ही आवक कमी होऊ लागली. कारण, मध्य प्रदेशातील बऱ्हाणपूरसह लगतच्या भागातील केळीची काढणी ऑगस्टअखेर जवळपास संपली. सप्टेंबरमध्ये यावल, रावेर व मुक्ताईनगरमधून या बाजारात केळीची पाठवणूक सुरू होती. परंतु सध्या यावल, रावेर व मुक्ताईनगरात काही पिलबाग वगळता केळी हवी तेवढी काढणीवर नाही. यामुळे बऱ्हाणपूरच्या बाजारात केळीची आवक निम्म्याने कमी होऊन ती २०० ते २५० ट्रकपर्यंत राहिली आहे. 

या बाजारात दर्जेदार केळीला चांगले दर मिळत आहेत. तर कमी दर्जाच्या केळीला कमाल ८०० रुपये प्रतिक्विंटलपर्यंतचे दर मिळत आहेत. बऱ्हाणपूर येथील बाजारातील दरांबाबतच्या घडामोडींचा सकारात्मक प्रभाव जळगावच्या बाजारातही होत असून, जळगावच्या बाजारातील दर १६०० रुपये प्रतिक्विंटलपर्यंत पोचले आहेत. जळगाव जिल्ह्यात सध्या केळीची काढणी चोपडा, जळगाव व रावेरातील केऱ्हाळे, रसलपूर, धामोडी भागांत सुरू आहे. 

या केळीची खरेदी फैजपूर (ता. यावल) व सावदा (ता. रावेर) येथील एजंट करीत असून, ही केळी बऱ्हाणपूर येथील मोठ्या खरेदीदारांच्या माध्यमातून उत्तरेकडे पाठविली जात आहे. केळीची आवक आणखी महिनाभर कमीच राहील. तर मागणीदेखील कायम राहील. कारण, हिवाळ्यात उत्तरेकडे अधिक उठाव असतो. यामुळे बऱ्हाणपूरसह जळगावच्या बाजारात दर टिकून राहतील, असा अंदाज केळी बाजाराचे जाणकार सुधाकर चव्हाण यांनी व्यक्त केला.


इतर बाजारभाव बातम्या
बाजरीची आवक घटली, दरात सुधारणाजळगाव ः खानदेशातील बाजार समित्यांमध्ये बाजरीची...
राज्यात मिरची १५०० ते ५००० रुपये...सांगलीत प्रतिक्विंटल २५०० ते ३००० रुपये सांगली ः...
जळगावात गवार ३२०० ते ४६०० रुपये...जळगाव  ः कृषी उत्पन्न बाजार समितीमध्ये...
नाशिकमध्ये डाळिंबाच्या आवकेत वाढ, दरही...नाशिक : नाशिक कृषी उत्पन्न बाजार समितीमध्ये चालू...
औरंगाबादेत लिंबूच्या दरात किंचित सुधारऔरंगाबाद : येथील कृषी उत्पन्न बाजार समितीमध्ये...
सोलापुरात वांगी, टोमॅटो, ढोबळी मिरचीला...सोलापूर ः सोलापूर कृषी उत्पन्न बाजार समितीच्या...
पुण्यात भाजीपाल्याच्या आवकेत दहा ट्रकने...पुणे ः कोरोना टाळेबंदीनंतर सुरू झालेल्या पुणे...
औरंगाबादमध्ये हिरवी मिरची १००० ते ३२००...औरंगाबाद : येथील कृषी उत्पन्न बाजार समितीमध्ये...
परभणीत जांभूळ ८००० ते १२००० रुपये...परभणी : येथील पाथरी रस्त्यावरील फळे, भाजीपाला...
पुण्यातील फूलबाजारात फुलांची अत्यल्प आवकपुणे : लॉकडाउनच्या पार्श्वभूमीवर सुमारे तीन...
राज्यात वांगी १००० ते ४००० रुपये क्विंटलपुणे : पुणे कृषी उत्पन्न बाजार समितीमध्ये...
सोलापुरात वांगी, हिरवी मिरचीला उठावसोलापूर : सोलापूर कृषि उत्पन्न बाजार समितीच्या...
नागपुरात मोसंबीच्या दरात चढ-उतार कायम नागपूर  ः मोसंबीची आवक होत असून दर क्‍...
नाशिकमध्ये वालपापडी, घेवड्याच्या आवकेत...नाशिक : नाशिक कृषी उत्पन्न बाजार समितीमध्ये चालू...
औरंगाबादमध्ये मिरची, फ्लॉवर व...औरंगाबाद : येथील कृषी उत्पन्न बाजार समितीमध्ये गत...
सोलापुरात कोथिंबिर, मेथीला उठाव,...सोलापूर : सोलापूर कृषि उत्पन्न बाजार समितीच्या...
पुणे बाजार समितीत भाजीपाल्याची ७० ट्रक...पुणे : पुणे कृषी उत्पन्न बाजार समितीच्या...
औरंगाबादमध्ये लसूण २४०० ते ६५०० रूपये...औरंगाबाद : येथील कृषी उत्पन्न बाजार...
नगर जिल्ह्यात कांदा आवक कमीच; अपेक्षित...नगर  ः ‘कोरोना’चा प्रादुर्भाव वाढल्यामुळे...
परभणीत कैरी २००० ते ४००० रुपये...परभणी : येथील पाथरी रस्त्यावरील फळे, भाजीपाला...