agriculture news in marathi, banana rates increase, jalgaon, maharashtra | Page 2 ||| Agrowon

नवती केळी दरात सुधारणा

टीम अॅग्रोवन
मंगळवार, 16 जुलै 2019

जळगाव  ः खानदेशात दर्जेदार नवती केळीच्या दरात मागील आठवड्यात क्विंटलमागे ५० रुपयांनी सुधारणा झाली असून, दर १२४० रुपये क्विंटलपर्यंत पोचले आहेत. रावेरात केळीची आवक काहीशी कमी झाली असतानाच उत्तर भारतातून उठाव कायम आहे. 

जळगाव  ः खानदेशात दर्जेदार नवती केळीच्या दरात मागील आठवड्यात क्विंटलमागे ५० रुपयांनी सुधारणा झाली असून, दर १२४० रुपये क्विंटलपर्यंत पोचले आहेत. रावेरात केळीची आवक काहीशी कमी झाली असतानाच उत्तर भारतातून उठाव कायम आहे. 

जूनमध्ये केळीचे दर दबावात होते. उठाव कमी होता. यामुळे जाहीर दरांच्या तुलनेत २०० ते ३०० रुपये कमी देऊन यावल, पाचोरा, जामनेर भागांत केळी खरेदी केली जात होती. उष्णतेमुळे केळीचा दर्जाही खालावला होता. या महिन्यात पावसानंतर केळीचा दर्जा सुधारला असून, उत्तर भारतातून मागणी कायम आहे. यातच जुलै महिन्यात रावेरातील तापी काठ व मध्य रावेरात लागवड केलेल्या केळी बागांमधील काढणी पूर्ण झाली आहे.

सध्या रावेरमधील केऱ्हाळे, रसलपूर, ऐनपूर, धामोडी भागांत केळीची काढणी सुरू आहे. यावल व मुक्ताईनगर भागांतील केळीची काढणीही पूर्ण होत आली आहे. केळीची आवक मागील आठवड्यात कमी होऊन ती प्रतिदिन २८५ ट्रक (एक ट्रक १५ मेट्रिक टन क्षमता) एवढी राहिली. यामुळे केळीच्या दरात सुधारणा झाली आहे. उत्तर भारतासह राज्यातील पुणे, कल्याण, ठाणे, नागपूर येथून केळीला बऱ्यापैकी मागणी आहे. सावदा (ता. रावेर) व फैजपूर (ता. यावल) येथील मध्यस्थ उत्तर भारतात बॉक्‍समध्ये पॅकिंग करून केळी पाठवत आहेत. 

खानदेशातील नंदुरबार जिल्ह्यातील अक्कलकुवा, तळोदा व शहादा भागांतही केळीची काढणी जवळपास पूर्ण झाली आहे. शहादामधील ब्राह्मणपुरी, सुलतानपूर, तळोदामधील मोड, आमलाड, बोरद भागांत दर्जेदार केळी कमी उपलब्ध आहे. ब्राह्मणपुरी येथील केळीची काढणी ९० टक्के आटोपल्याने तेथील मध्यस्थांद्वारे होणारी आखातातील केळीची निर्यात बंद झाली आहे.

जळगाव जिल्ह्यातील रावेरलगत असलेल्या बऱ्हाणपूर (मध्य प्रदेश) येथील बाजारात केळीची आवक सुमारे ३० ते ३५ ट्रकने कमी झाली. तेथे दर्जेदार केळीला रविवारी (ता. १४) १४०० रुपये क्विंटल दर मिळाला. पिलबाग केळीला ११३० रुपये क्विंटल तर कमी दर्जाच्या केळीला ७७० रुपये क्विंटल दर मिळाला.  जळगाव जिल्ह्यात सध्या चोपडा, जळगाव तालुक्‍यांत केळीची काढणी सुरू नाही. या भागातील कांदेबाग केळीची काढणी दिवाळी सणाला सुरू होईल. ही सगळी स्थिती लक्षात घेता केळी दर टिकून राहतील, असे सांगितले जात आहे.


इतर बातम्या
राज्यसभेच्या निवडणुकीसाठी २६ मार्चला...मुंबई ः राज्यसभेच्या ५५ जागांसाठी येत्या २६ मार्च...
नगर : चारा उत्पादनाबाबत मिळतेय अंदाजे...नगर ः खरीप, रब्बी हंगामासह चारापिके, कुरण, जंगल...
कर्जमाफीची दुसरी यादी उद्यासोलापूर : महाविकास आघाडीने महात्मा जोतिराव फुले...
सातारा जिल्ह्यात अवघे ३२ टक्के कर्जवाटपसातारा ः जिल्ह्यातील कर्जमाफीत अडकलेल्या...
नाशिक विभागात पहिल्या टप्प्यात होणार ७१...नगर  ः राज्यात ५० कोटी वृक्षलागवडीचे...
खानदेशात कापसाची खेडा खरेदी मंदावलीजळगाव  ः खानदेशात कापसाची बाजारातील आवक कमी...
मुली, स्त्रियांमध्ये अजूनही...जळगाव  : मुली, स्त्रियांमध्ये अजूनही...
सांगलीत तूर खरेदी ठप्पसांगली ः जिल्ह्यात हेक्टरी २५७ किलोच तूर खरेदी...
राज्यात गारठा वाढलापुणे  : उत्तरेकडून थंड वाऱ्यांचे प्रवाह...
चीनला द्राक्ष निर्यात सुरूसांगली ः जिल्ह्यात गेल्या वर्षी झालेल्या...
दोडामार्ग : साडेतीन हजार केळी झाडांचे...सिंधुदुर्ग  ः जिल्ह्यातील वीजघर, बांबर्डे (...
‘लिंकिंग’बाबत कंपन्यांना नोटिसापुणे  : रासायनिक खतांच्या बाजारपेठेत होत...
बाजार समित्यांच्या निवडणुका होणार...मुंबई  ः राज्यातील कृषी उत्पन्न बाजार...
पवनारमधील शेती कसण्यासाठी करावा लागतोय...वर्धा  ः धाम नदीच्या दुसऱ्या बाजूस शेती...
कांद्यावरील निर्यातबंदी हटविली;...नवी दिल्ली : चार महिन्यापूर्वी कांद्यावर...
पुणे विद्यापीठात पश्चिम विभागीय औषधी...पुणे  ः केंद्र सरकारच्या आयुष...
शिर्डीतील सामुदायिक विवाह सोहळ्यासाठीची...शिर्डी, जि. नगर  : साई सिद्धी चॅरिटेबल...
माळेगाव कारखान्यात सत्तापरिवर्तन;...माळेगाव, जि. पुणे  ः राज्यात लक्षवेधी...
नगर जिल्ह्यातील सहा केंद्रांवर तूर...नगर  ः जिल्ह्यात हमीभावाने तूर खरेदीसाठी आठ...
कर्जमाफीवरून विरोधक दुसऱ्या दिवशीही...मुंबई  ः भाजपने शेतकरी कर्जमाफी आणि महिला...