agriculture news in marathi, banana rates increase, jalgaon, maharashtra | Agrowon

नवती केळी दरात सुधारणा

टीम अॅग्रोवन
मंगळवार, 16 जुलै 2019

जळगाव  ः खानदेशात दर्जेदार नवती केळीच्या दरात मागील आठवड्यात क्विंटलमागे ५० रुपयांनी सुधारणा झाली असून, दर १२४० रुपये क्विंटलपर्यंत पोचले आहेत. रावेरात केळीची आवक काहीशी कमी झाली असतानाच उत्तर भारतातून उठाव कायम आहे. 

जळगाव  ः खानदेशात दर्जेदार नवती केळीच्या दरात मागील आठवड्यात क्विंटलमागे ५० रुपयांनी सुधारणा झाली असून, दर १२४० रुपये क्विंटलपर्यंत पोचले आहेत. रावेरात केळीची आवक काहीशी कमी झाली असतानाच उत्तर भारतातून उठाव कायम आहे. 

जूनमध्ये केळीचे दर दबावात होते. उठाव कमी होता. यामुळे जाहीर दरांच्या तुलनेत २०० ते ३०० रुपये कमी देऊन यावल, पाचोरा, जामनेर भागांत केळी खरेदी केली जात होती. उष्णतेमुळे केळीचा दर्जाही खालावला होता. या महिन्यात पावसानंतर केळीचा दर्जा सुधारला असून, उत्तर भारतातून मागणी कायम आहे. यातच जुलै महिन्यात रावेरातील तापी काठ व मध्य रावेरात लागवड केलेल्या केळी बागांमधील काढणी पूर्ण झाली आहे.

सध्या रावेरमधील केऱ्हाळे, रसलपूर, ऐनपूर, धामोडी भागांत केळीची काढणी सुरू आहे. यावल व मुक्ताईनगर भागांतील केळीची काढणीही पूर्ण होत आली आहे. केळीची आवक मागील आठवड्यात कमी होऊन ती प्रतिदिन २८५ ट्रक (एक ट्रक १५ मेट्रिक टन क्षमता) एवढी राहिली. यामुळे केळीच्या दरात सुधारणा झाली आहे. उत्तर भारतासह राज्यातील पुणे, कल्याण, ठाणे, नागपूर येथून केळीला बऱ्यापैकी मागणी आहे. सावदा (ता. रावेर) व फैजपूर (ता. यावल) येथील मध्यस्थ उत्तर भारतात बॉक्‍समध्ये पॅकिंग करून केळी पाठवत आहेत. 

खानदेशातील नंदुरबार जिल्ह्यातील अक्कलकुवा, तळोदा व शहादा भागांतही केळीची काढणी जवळपास पूर्ण झाली आहे. शहादामधील ब्राह्मणपुरी, सुलतानपूर, तळोदामधील मोड, आमलाड, बोरद भागांत दर्जेदार केळी कमी उपलब्ध आहे. ब्राह्मणपुरी येथील केळीची काढणी ९० टक्के आटोपल्याने तेथील मध्यस्थांद्वारे होणारी आखातातील केळीची निर्यात बंद झाली आहे.

जळगाव जिल्ह्यातील रावेरलगत असलेल्या बऱ्हाणपूर (मध्य प्रदेश) येथील बाजारात केळीची आवक सुमारे ३० ते ३५ ट्रकने कमी झाली. तेथे दर्जेदार केळीला रविवारी (ता. १४) १४०० रुपये क्विंटल दर मिळाला. पिलबाग केळीला ११३० रुपये क्विंटल तर कमी दर्जाच्या केळीला ७७० रुपये क्विंटल दर मिळाला.  जळगाव जिल्ह्यात सध्या चोपडा, जळगाव तालुक्‍यांत केळीची काढणी सुरू नाही. या भागातील कांदेबाग केळीची काढणी दिवाळी सणाला सुरू होईल. ही सगळी स्थिती लक्षात घेता केळी दर टिकून राहतील, असे सांगितले जात आहे.


इतर बातम्या
अकोल्यात कोरोना बाधितांची संख्या...अकोला ः जिल्ह्यात कोरोनाचा संसर्ग वेगाने होत आहे...
दापोली कृषी विद्यापीठातर्फे बांधावर...रत्नागिरी ः दापोली कृषी विद्यापीठाच्या विस्तार...
मालेगाव बाजार समितीची मुख्यमंत्री...वाशीम ः कोरोनाविरुद्ध उपाययोजना करण्यास मदत...
सिंधुदुर्ग जिल्ह्यात ३७ हजार क्विंटल...सिंधुदुर्ग ः जिल्ह्यात २०१९-२० या वर्षात ३६ हजार...
अकोल्यात अकरा कोटींच्या निविष्ठा...अकोला ः आगामी हंगामासाठी शेतकऱ्यांना बांधावर...
भंडारा जिल्ह्यात ५० हजारांवर मजुरांना...भंडारा ः लॉकडाऊन काळात आर्थिक आधार म्हणून...
खानदेशात केळीचे दर पुन्हा दबावात जळगाव : खानदेशात केळीचे दर पुन्हा दबावात आले आहेत...
जळगाव जिल्ह्यात राष्ट्रीयीकृत बॅंकांची...जळगाव ः खरीप हंगाम तोंडावर आल्याने...
यंत्रमागाद्वारे रोजगाराचा प्रश्न सुटेल...मालेगाव, जि. नाशिक : ‘‘प्रतिबंधित...
खानदेशातील टंचाईग्रस्त भागात बऱ्यापैकी...जळगाव : खानदेशात टंचाईच्या झळा बसणाऱ्या धुळ्यातील...
अटीशर्तीविना मका खरेदी करा खासदार डॉ....नाशिक : केंद्र सरकारच्या आधारभूत किंमत खरेदी...
परभणीत सोयाबीन बियाण्यांचे नापासाच्या...परभणी  ः सोयाबीनमध्ये बियाणे नापासाचे प्रमाण...
जालन्यात १२ हजारावर शेतकऱ्यांनी तपासली...जालना : कृषी विभागातर्फे जिल्ह्यात एकाच दिवशी...
शेतकऱ्यांनो कृषी निविष्ठांची पावती...नांदेड : शेतकऱ्यांनी येत्या खरीप हंगामासाठी खते,...
नगर जिल्ह्यात ९३ टॅंकरव्दारे पाणीपुरवठानगर  ः नगर जिल्ह्यात उन्हाची तीव्रता...
नगरमध्ये उद्योग सुरू; पण मजुरांची वानवानगर  ः लॉकडाउन शिथिल करताना केंद्र व राज्य...
नांदेड जिल्ह्यात ७० हजार क्विंटलवर...नांदेड : किमान आधारभूत किंमत खरेदी योजनेंतंर्गंत...
हिंगोली जिल्ह्यात मोठ्या खरेदीदारांकडून...हिंगोली : जिल्ह्यातील बाजार समित्यांतील हळदीच्या...
नगर, पारनेर, नेवासेत कांदा लिलाव बंदचनगर  ः ‘कोरोना’च्या पार्श्वभूमीवर लॉकडाऊन...
अंबडमध्ये कापूस खरेदीसाठी दोन...अंबड, जि. जालना : येथील मे सुरज ॲग्रोटेकच्या...