Agriculture news in marathi, Banana up to Rs 1800 per banana | Page 2 ||| Agrowon

बऱ्हाणपुरात केळीला १८०० रुपयांपर्यंत दर

टीम अॅग्रोवन
मंगळवार, 20 ऑगस्ट 2019

जळगाव : खानदेशसह लगतच्या मध्य प्रदेशात केळीच्या दरात मागील पंधरवड्यात क्विंटलमागे सुमारे १५० रुपयांची सुधारणा झाली आहे. मागील आठवड्यात नवती केळीचे दर १४०० रुपये प्रतिक्विंटलपर्यंत स्थिरावले. दरात फारशी घसरण होणार नाही. दर्जेदार केळीचे आगार असलेल्या रावेर, यावल (जि. जळगाव) भागात तुटवडा असल्याचे जाणकारांनी सांगितले. 

जळगाव : खानदेशसह लगतच्या मध्य प्रदेशात केळीच्या दरात मागील पंधरवड्यात क्विंटलमागे सुमारे १५० रुपयांची सुधारणा झाली आहे. मागील आठवड्यात नवती केळीचे दर १४०० रुपये प्रतिक्विंटलपर्यंत स्थिरावले. दरात फारशी घसरण होणार नाही. दर्जेदार केळीचे आगार असलेल्या रावेर, यावल (जि. जळगाव) भागात तुटवडा असल्याचे जाणकारांनी सांगितले. 

नवती केळीचे दर मागील पंधरवड्यात १३७० रुपये प्रतिक्विंटलपर्यंत पोचले होते. नंतर आठवडाभर दर १३७० रुपये प्रतिक्विंटलपर्यंत स्थिर होते. त्यात मागील आठ-१० दिवसांत क्विंटलमागे पुन्हा ३० रुपयांची सुधारणा झाली आहे. सध्या राज्यात श्रावणमास व सणासुदीमुळे केळीला मागणी आहे. जळगाव जिल्ह्यातील फैजपूर, जामनेर, चोपडा येथील व्यापाऱ्यांकडून पुणे, कल्याण, ठाणे, नागपूर या भागांत केळीची पाठवणूक वाढली आहे. दर्जेदार केळीला उत्तरेकडील पंजाब, दिल्ली, जम्मू व उत्तर प्रदेशात मागणी आहे.

काही मोठे खरेदीदार दर्जेदार केळीची क्विंटलमागे १०० रुपये अधिक देऊन रावेर, बऱ्हाणपूर (मध्य प्रदेश) येथून खरेदी करून घेत आहेत. 

रावेर, यावल, मुक्ताईनगर भागांत पिलबाग केळीचे दरही ९०० रुपये प्रतिक्विंटलपर्यंत स्थिर आहेत. रावेर, यावल, मुक्ताईनगर, जामनेर या भागांतील केळीची काढणी संपत आली आहे. या भागात सध्या रोज मिळून २८० ट्रक (एक ट्रक १५ मेट्रिक टन क्षमता) केळीची आवक होत आहे. फैजपूर (ता. यावल), सावदा (ता. रावेर) येथून बॉक्‍समध्ये पॅकिंगच्या केळीसंबंधीचा पुरवठा रखडत सुरू आहे. मध्य प्रदेशातील बऱ्हाणपूर येथील बाजारातही केळीची मागणी अधिक आहे. तेथे दर्जेदार केळीला मागील आठवड्यात लिलावात कमाल १८०० रुपये प्रतिक्विंटलचे दर काही शेतकऱ्यांना मिळाले. तर किमान दर १००० रुपये प्रतिक्विंटलपर्यंत मिळाले. कमी दर्जाच्या केळीचे दरही ८०० रुपये प्रतिक्विंटल एवढे असल्याची माहिती मिळाली. बऱ्हाणपुरात मागील आठवड्यात प्रतिदिन २५० ट्रक केळीची आवक झाली. 

जळगाव जिल्ह्यातील चोपडा, पाचोरा, भडगाव, जळगाव भागांतील कांदेबाग केळीची काढणी दिवाळीनंतर सुरू होईल. नंदुरबार जिल्ह्यातील शहादा, तळोदा व अक्कलकुवा भागांतही नवती केळीची काढणी जवळपास आटोपली आहे. शहादामधील ब्राह्मणपुरी, जवखेडा, खेडदिगर भागातही केळीची काढणी संपली आहे. मध्य प्रदेशातील नर्मदा काठानजीकच्या बडवानी व परिसरातही नवती केळीची काढणी संपण्याच्या स्थितीत आहे, अशी माहिती मिळाली.


इतर ताज्या घडामोडी
अकोल्याचे अखर्चित कोट्यवधी रुपये परत...अकोला : कोरोनामुळे राज्याची आर्थिक घडी विस्कळीत...
उजनीतून आष्टी तलावामध्ये पाणी सोडा,...सोलापूर ः उजनी धरणातून सध्या कालवा आणि बोगद्यात...
सेंद्रिय शेती गटांसाठी वाशीममध्ये अर्ज...वाशीम : राष्ट्रीय शाश्वत शेती अभियानाअंतर्गत...
नागपूर : दीड लाख रुपयांचा एचटीबीटी साठा...नागपूर ः मौदा तालुक्‍यातील अरोली पोलिस...
कृषी सेवा केंद्रधारकांकडून होणारी...अमरावती ः लॉकडाऊनच्या परिस्थितीचा फायदा घेत कृषी...
सातारा जिल्ह्यात साडेसात हजार...सातारा  ः ‘कोरोना’च्या पार्श्वभूमीवर...
पुणे जिल्ह्यात खरिपासाठी १ लाख १९ हजार...पुणे  ः खरीप हंगामात शेतकऱ्यांना खतांचा...
नामंजूर वनहक्क दाव्यांसंदर्भात विभागीय...मुंबई  : राज्यपाल भगतसिंह कोश्यारी यांनी...
प्रत्यक्ष खर्चाचे आणि कर्जाचे पॅकेज...मुंबई : पात्र नसणाऱ्या आणि उचल न घेतलेल्या...
पुणे जिल्हा परिषदेच्या शाळांमध्ये १४...पुणे  : ‘कोरोना’चा प्रादुर्भाव झाल्यानंतर...
निशिगंध लागवडीचे नियोजनलागवड केल्यापासून निशिगंध पीक २ ते ३ वर्षे त्याच...
चिखलगावच्या जिनिंगमध्ये कापसाला भीषण आग...अकोला ः येथील पातूर मार्गावर चिखलगाव जवळ असलेल्या...
सांगा साहेब, खरीप कसा पेरू? शेतकऱ्याने...नाशिक : मागील खरिपाच्या हंगामात अतिवृष्टीची...
जैविक शेती मिशनद्वारे यूट्यूब चॅनलच्या...अमरावती ः कमी खर्चाच्या जैविक शेतीला प्रोत्साहन...
मका पिकाची हेक्टरी उत्पादकता वाढवा ः...बुलडाणा ः शासनाने यावर्षी पाऊस चांगला असताना...
समृद्धी महामार्गाच्या धुळीमुळे नुकसान...कारंजालाड, जि. वाशीम : समृद्धी महामार्गाच्या...
बुलडाण्यात पीकविमा बचत खात्यात जमा...बुलडाणा ः जिल्ह्यातील बऱ्याच शेतकऱ्यांचा पीकविमा...
म्हैसाळ योजनेतून तलाव भरून देण्याची...सांगली ः म्हैसाळ उपसा योजना सुरू होऊन महिन्याचा...
शेतकऱ्यांनो पीक कर्जासाठी ऑनलाइन मागणी...औरंगाबाद : ‘‘कोरोनाच्या पार्श्‍वभूमीवर होणाऱ्या...
जळगावात ज्वारी खरेदीसाठी स्वस्त धान्य...जळगाव : जिल्ह्यात भरडधान्याच्या साठवणुकीसाठी...