खानदेशात कांदेबाग केळी जोमात

जळगाव ः खानदेशात कांदेबाग केळीची लागवड सुमारे एक हजार हेक्टरने वाढली आहे. मध्यंतरी ढगाळ व प्रतिकूल वातावरणाचा फटका या पिकाला बसला.
Bananas flourish in Khandesh
Bananas flourish in Khandesh

जळगाव ः खानदेशात कांदेबाग केळीची लागवड सुमारे एक हजार हेक्टरने वाढली आहे. मध्यंतरी ढगाळ व प्रतिकूल वातावरणाचा फटका या पिकाला बसला. यात वाढ खुंटणे, करपा रोगाचा प्रादुर्भाव अशा समस्या होत्या. त्यावर मात करण्यासाठी शेतकऱ्यांनी खते व पाण्याच्या व्यवस्थापनावर भर दिला. 

कांदेबाग केळीची लागवड जळगाव जिल्ह्यात सुमारे सहा हजार हेक्टरवर झाली आहे. तर धुळ्यातही सुमारे दीड हजार हेक्टरवर कांदेबाग केळी आहे. जळगाव जिल्ह्यात यंदा लागवड पाऊस लांबल्याने लागवड उशिरापर्यंत झाली. ही लागवड डिसेंबरच्या पहिल्या आठवड्यातही सुरू होती. जिल्ह्यात चोपडा, जळगाव, पाचोरा व यावल तालुक्यातही कांदेबाग केळी आहे. धुळ्यात शिरपूर तालुक्यात कांदेबाग केळी अधिक आहे. 

या आठवड्यात ढगाळ वातावरण काहीसे दूर होताना दिसत आहे. परंतु दुपारी मध्येच अंशत ढगाळ वातावरण तयार होते. त्यात शेतकरी आपल्या कांदेबाग केळीला खते व पाण्याचे वेळापत्रकानुसार व्यवस्थापन करीत आहेत. अनेकांनी वारे अवरोधक म्हणून बागेभोवती सजीव कुंपण तयार केले आहे. त्यासाठी संकरित, उंच वाढणाऱ्या गवताची लागवड केली आहे. 

सध्या पिकाचे सिंचन रात्रीच्या वेळेस करण्यावर शेतकऱ्यांचा भर आहे. यामुळे रात्रीच्या वेळेस बागेची प्रतिकारक्षमता वाढविण्यास मदत होते. तसेच काही शेतकरी बागेभोवती शेकोट्यादेखील पेटवत आहेत. यामुळे बागेला ऊब देण्याचा प्रयत्न शेतकरी करीत आहेत. अनेक शेतकऱ्यांनी बागेत बुरशीनाशकांची फवारणी घेतली. 

ड्रीपद्वारे खते

कमाल शेतकरी बागेला ड्रीपद्वारे खते देत आहेत. यातून खतांवरील खर्च कमी होत असतानाच खतांची कार्यक्षमताही वाढते. पिकाची स्थिती सध्या बरी आहे. कोरड्या व स्वच्छ सूर्यप्रकाशीत वातावरणाची पिकाला गरज असल्याचे शेतकऱ्यांचे म्हणणे आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com