औरंगाबाद, जालना, परभणी, हिंगोली जिल्ह्यांत कर्जपुरवठ्याच्या गतीला बॅंकांची खीळ

औरंगाबाद : औरंगाबाद, जालना, परभणी व हिंगोली जिल्ह्यांत सोमवारअखेर (ता. ८) उद्दिष्टाच्या तुलनेत केवळ १४.२८ टक्‍के खरीप पीककर्ज पुरवठा झाला आहे. कर्जपुरवठ्याच्या गतीला बॅंकांचे अनास्था धोरण कारणीभूत असल्याची स्थिती आहे. 

औरंगाबाद जिल्ह्यात यंदाच्या खरीप हंगामासाठी जिल्हा मध्यवर्ती सहकारी, व्यापारी व ग्रामीण बॅंकांना १२३२ कोटी १ लाख रुपये कर्जवाटपाचे उद्दिष्ट देण्यात आले होते. त्यापैकी बॅंकांनी ५३ हजार ८८५ सभासदांना ३१५ कोटी ३१ लाख ९९ हजार रुपये कर्जवाटप करून २५.९९ टक्‍के उद्दिष्ट गाठले. 

जालना जिल्ह्यासाठी १०४६ कोटी ९१ लाख रुपये उद्दिष्ट होते. त्यापैकी केवळ २९ हजार २७५ शेतकऱ्यांना १८६ कोटी ५ लाख ३८ हजार रूपये कर्जवाटप झाले. केवळ १७.७७ टक्‍केच उद्दिष्ट झाले. परभणी जिल्ह्यासाठी १४७० कोटी ४४ लाख २३ हजार रूपयांच्या उद्दिष्टापैकी २२ हजार ९२९ सभासदांना १२१ कोटी १५ लाख १९ हजार रूपये कर्जवाटप झाले. बॅंकांनी ८.२४ टक्‍केच उद्दिष्ट गाठले.

हिंगोली जिल्ह्यात ११६१ कोटी ९६ लाख ७७ हजार रुपयांचे उद्दिष्ट होते. त्यापैकी १५ हजार ७२९ सभासदांना ७८ कोटी ५७ लाख ७४ हजाराचे कर्जवाटप झाले. 

बॅंकांचे उद्दिष्ट आणि कर्जवाटप