पुणे जिल्ह्यातील तूर खरेदीसाठी बारामतीत केंद्र

पुणे  : जिल्ह्यातील तूर खरेदीसाठी बारामतीमध्ये केंद्र सुरू करण्यात आले आहे. जिल्ह्यातील तुरीच्या हेक्टरी उत्पादकतेनुसार शेतकऱ्यांकडून जास्तीत जास्त प्रति एकरी १९६ किलो तूर खेरदी करण्यात येणार आहे. बारामती येथील नीरा कॅनॉल खरेदी-विक्री संघाला तूर खरेदीची परवानगी देण्यात आली आहे. तूर उत्पादक शेतकऱ्यांनी १४ फेब्रुवारीपर्यंत नावनोंदणी करण्याचे आवाहन करण्यात आले आहे.  यापूर्वी एका शेतकऱ्याच्या नावावर २५ क्विंटल तूर खरेदी केली जात होती. त्यासाठी प्रतिक्विंटल ५७५० रुपयांचा दर देण्यात आला होता. मात्र यंदा जिल्ह्याच्या हेक्टरी तूर उत्पादकतेनुसार एका शेतकऱ्याच्या नावावर एकरी १९६ किलो (हेक्टरी ४९१ किलो) तूर खरेदी होणार आहे. राज्य सरकारकडून अद्याप खरेदीचे दर निश्चित झाले नसून, खरेदीच्या सूचना आलेल्या नाहीत. मात्र तूर खरेदीसाठी १४ फेब्रुवारीपर्यंत नोंदणी करण्याच्या सूचना देण्यात आल्या आहेत. नावनोंदणीसाठी आवश्यक कागदपत्रे