agriculture news in marathi, barriers to starting mhaisal irrigation scheme, sangli, maharashtra | Agrowon

म्हैसाळ उपसा सिंचन योजना सुरू होण्यात अडथळे
टीम अॅग्रोवन
गुरुवार, 27 सप्टेंबर 2018

सांगली  ः म्हैसाळ उपसा सिंचन योजनेच्या लाभक्षेत्रात सहा साखर कारखाने आहेत. या साखर कारखान्यांनी सहकार्य केल्यास ही योजना सुरळीत चालू शकते. मात्र, या साखर कारखान्यांनी पाणीपट्टी भरण्यासाठी पुढाकार घेत नसल्याने ही योजना सुरू होण्यासाठी अडथळे निर्माण होत आहेत.

सांगली  ः म्हैसाळ उपसा सिंचन योजनेच्या लाभक्षेत्रात सहा साखर कारखाने आहेत. या साखर कारखान्यांनी सहकार्य केल्यास ही योजना सुरळीत चालू शकते. मात्र, या साखर कारखान्यांनी पाणीपट्टी भरण्यासाठी पुढाकार घेत नसल्याने ही योजना सुरू होण्यासाठी अडथळे निर्माण होत आहेत.

म्हैसाळ उपसा सिंचन योजनेचा मिरज, तासगाव, कवठेमहांकाळ आणि जत तालुक्‍यातील शेतीला लाभ होतो. यामुळे या भागात द्राक्ष, डाळिंब आणि उसाच्या क्षेत्रात वाढ झाली आहे. मात्र, पाणीपट्टी आणि वीजबिल थकबाकीमुळे ही योजना सुरू होण्यासाठी अडथळे निर्माण होतात. पाणीपट्टी वसुलीसाठी पाटबंधारे विभागात अधिकारी संख्या कमी असल्याने वसूली होत नाही. यामुळे थकबाकीत वाढ होते आहे. 

म्हैसाळ उपसा सिंचन योजनेचे २०१८ अखेर वीजबिल आणि पूर्वीची थकबाकी रक्कम ३० कोटी ९४ लाख ३० हजार इतकी झाली आहे. ही थकबाकी वाढीस कारखाना कारणीभूत आहे. लाभ क्षेत्रात या योजनेचे पाणी जाते. सभासद कारखान्यास ऊस गाळपाला देतात. मात्र, पाणीपट्टी वसूल करण्यासाठी साखर कारखाने पुढे येत नाहीत. त्यामुळे जे शेतकरी पैसे भरून पाणी घेतात, त्यांना पाणी मिळत नाही.

दरम्यान, म्हैसाळ उपसा सिंचन योजनेच्या लाभक्षेत्रात गेल्या काही वर्षांपासून उसाच्या क्षेत्रात वाढ होऊ लागली आहे. याचा फायदा येथील साखर कारखान्यांनी होतो आहे. लाभ क्षेत्रातील ऊस सहा साखर कारखान्यांना दिला जातो. कारखान्यांकडून शेतकऱ्यांकडून पाणीपट्टीची कपात करून घेण्यासाठी खोडा घातल्याने शाश्‍वत वसुली होत नाही. गतवर्षी या कारखान्यांकडून लाभ क्षेत्रातील सुमारे ३० लाख मेट्रिक टन उसाचे गाळप केले आहे. जर टनाला शंभर रुपये कपात करून घेतली तर कोणतीच अडचण येणार नाही.

कारखान्यांकडून प्रतिटनाला शंभर रुपये घ्या
गेल्या पंधरा दिवसांत पाटबंधारे विभागात कारखाना प्रतिनिधी, शेतकरी आणि पाटबंधारे विभागाच्या अधिकाऱ्यांची बैठक झाली होती. त्यामध्ये पाटबंधारे विभागाच्या अधिकाऱ्यांनी प्रतिटनाला शंभर रुपये पाणीपट्टी जमा केली तर थकबाकीचा प्रश्‍नच उरणार नाही, असे सुचवले होते. मात्र, कारखान्याचे प्रतिनिधी म्हणाले, तुमच्या अधिकाऱ्यांकडूनदेखील पाणीपट्टीची वसुली होतेच; मग आम्ही ऊस उत्पादकांकडून पाणीपट्टीसाठी प्रतिटन शंभर रुपये जमा केले तर, ऊस उत्पादक शेतकरी आमच्याकडे गाळपाला ऊस देत नाहीत. त्यामुळे तुमच्या पातळीवर पाणीपट्टी वसुलीचे धोरण राबवा, असे सांगून साखर कारखानदारांनी आपली जबाबदारी झटकून दिली. त्यामुळे पुन्हा पाणीपट्टी वसुलीचा प्रश्‍न गंभीर बनला आहे.
 
 

म्हैसाळ उपसा सिंचन योजनेची जूनअखेरची थकबाकी (रुपये - कोटी)
वीजबिल   ३०.९४
पाणीपट्टी २५.००
एकूण  ५५.९४

 

इतर ताज्या घडामोडी
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...
राज्यातील ३४ जिल्हा परिषद अध्यक्षपदाची...मुंबई ः राज्यातील ३४ जिल्हा परिषद अध्यक्षपदाची...
भारत 'या' देशाला देणार कापूस...नागपूर ः मुस्लिम बहूल असलेल्या अझरबैजान देशातील...
कांदा घेऊन जाणाऱ्या ट्रक ड्रायव्हरची...नाशिक : परराज्यांत होणाऱ्या कांद्याच्या...
हमीभाव खरेदी केंद्रावर आली वजनकाटे...अकोला ः शासनाने या हंगामात सुरु केलेल्या आधारभूत...
मराठवाड्यात रब्बी पेरणीला मिळेना गती लातूर : मराठवाड्यातील रब्बी पेरणीची गती...
परभणी जिल्ह्यात कापूस वेचणीसाठी...परभणी : जिल्ह्यात यंदाच्या हंगामात सद्य:स्थितीत...
अरुणा प्रकल्पग्रस्तांनी मांडले...सिंधुदुर्ग : आयुक्त कार्यालयावर ‘दे धडक बेधडक’...
पाण्याच्या निचऱ्यासाठी गादीवाफ्यावर धान...भंडारा ः‘पावसाच्या पाण्याचा योग्य निचरा...
अस्मानीमुळे नुकसान सोसवेना, चालविली...नाशिक : अगदी प्रतिकूल परिस्थितीत भांडवल जमा करून...
अचूक सांख्यिकीमुळे शेती उत्पन्न वाढविणे...नवी दिल्ली: बदलत्या हवामानाच्या आव्हानावर...
पुणे जिल्हा परिषदेत येणार ‘महिला राज’पुणे  : जिल्हा परिषदेच्या नवीन अध्यक्ष...
पुणे बाजार समितीत रताळ्यांची २० टन आवक...पुणे  ःकार्तिकी एकादशीनिमित्ताने पुणे बाजार...
कशामुळे घटले साताऱ्यातील स्ट्राॅबेरीचे...सातारा  ः जिल्ह्यात अतिपावसाचा फटका...
साताऱ्यात पुढील वर्षी सहकारी संस्थांची...सातारा  : आगामी वर्ष हे सहकारातील विविध...
नगर जिल्हा परिषदेतही वाहताहेत...नगर ः राज्यात एकीकडे भाजपला सत्तेपासून दूर...
थकीत पीकविम्यासाठी किसान सभेचा पुण्यात...पुणे  ः बीडमधील शेतकऱ्यांना थकीत पीकविम्याची...
किसान सभेचे सोमवारपासून राज्यभर आंदोलन...पुणे  ः अतिवृष्टीने पिकांचे नुकसान झाले. या...
महाराष्ट्रातील राजकीय घडामोडींचे केंद्र...मुंबई  : भाजपला सत्तेपासून दूर ठेवण्यावर...
भारतीय मक्याचे पुढे काय होते ? जाणून...मका हे एक महत्त्वाचे तृणधान्य आहे. जगातील चार...