Agriculture news in Marathi The bear is still thirsty | Agrowon

धरणे अद्याप तहानलेलीच

टीम अॅग्रोवन
मंगळवार, 14 सप्टेंबर 2021

राज्यात ७ सप्टेंबरअखेरपर्यंत राज्यातील धरणांत गेल्या वर्षीच्या तुलनेत १५ टक्के तूट झाली आहे. चालू महिन्यात पुरेसा पाऊस न झाल्यास आगामी काळात पाणी टंचाईचे संकट गडद होण्याचे संकेत देण्यात आले आहेत.

पुणे : जून, जुलै महिन्यात पावसाने धुमाकूळ घातल्यानंतर राज्यातील धरणांमधील पाणीसाठ्यात वाढ झाली. मात्र, ऑगस्टमध्ये दिलेल्या ओढीने धरणांतील पाणीपातळीत फारशी वाढ झाली नाही. राज्यात ७ सप्टेंबरअखेरपर्यंत राज्यातील धरणांत गेल्या वर्षीच्या तुलनेत १५ टक्के तूट झाली आहे. चालू महिन्यात पुरेसा पाऊस न झाल्यास आगामी काळात पाणी टंचाईचे संकट गडद होण्याचे संकेत देण्यात आले आहेत.

राज्यातील बहुतांश भागात पावसाने धुमाकूळ घातला आहे. कोकण, घाटमाथा, मराठवाडा विदर्भात अनेक ठिकाणी अतिवृष्टीसदृश्य पाऊस पडत आहे. गेल्या तीन महिन्यांत पाण्याची नव्याने बऱ्यापैकी आवक झाली आहे. सध्या एकूण तीन हजार २६७ प्रकल्पांमध्ये सुमारे ९२२ टीएमसी (२६१२२.५५ दशलक्ष घनमीटर) एवढा म्हणजेच सरासरी ६४ टक्के पाणीसाठा झाला आहे. गेल्यावर्षी याच काळात तब्बल ७९ टक्के पाणीसाठा उपलब्ध होता. त्यातुलनेत यंदा मोठी घट झाल्याने धरणात अजूनही पुरेसा पाणीसाठा झालेला नाही. जून महिन्यात पाण्याची मागणी वाढल्याने धरणातील पाणीसाठा झपाट्याने कमी झाला होता. मात्र, ५ ते २० जून या कालावधीत चांगला पाऊस बरसला. त्यानंतर ७ ते २२ जुलैपर्यत पावसाने धुमाकूळ घातला होता. ऑगस्टमध्ये ओढ देत कमी पाऊस झाला. त्यामुळे पश्चिम महाराष्ट्र, मराठवाडा व विदर्भातील धरणातील पाणी पातळीत फारशी वाढ झालेली नाही. काही धरणे भरली असली अनेक धरणांत अजूनही ७० टक्क्याच्या आतच पाणीसाठा आहे.

मोठ्या प्रकल्पात ७६ टक्के साठा 
कोयना, जायकवाडी, वारणा, उजनी, मुळा, पवना अशी जवळपास १४१ मोठी धरणे आहेत. या धरणाच्या पाणलोट क्षेत्रात सुरुवातीला कमी पाऊस झाला होता. सध्या मोठ्या प्रकल्पात ७८६ टीएमसी म्हणजेच सरासरी ७६ टक्के पाणीसाठा उपलब्ध आहे. गेल्या वर्षी या प्रकल्पात तब्बल ९० टक्के पाणीसाठा उपलब्ध होता. त्यातुलनेत चालू वर्षी १४ टक्क्यांनी घट झाली आहे. यंदा अमरावती विभागातील धरणांत ७१.९४ टीएमसी म्हणजेच ८६ टक्के, औरंगाबाद विभागातील धरणांत ९९.९५ टीएमसी म्हणजेच ६२ टक्के, पुणे विभागातील धरणांत ३६७ टीएमसी म्हणजेच ८३ टक्के, कोकणातील धरणांत ८१.६३ टीएमसी म्हणजेच ९४ टक्के,  नागपूर विभागातील धरणांत ७४.०८ टीएमसी म्हणजेच ६० टक्के, नाशिक विभागातील धरणांत ९१.२१ टीएमसी म्हणजेच ६९ टक्के पाणीसाठा उपलब्ध आहे.
 
कोकणातील धरणांत मुबलक पाणीसाठा
यंदा कोकणात सुरुवातीपासून चांगला पाऊस पडला. सिंधुदुर्ग जिल्ह्यात पावसाने चांगलाच धुमाकूळ घातला होता. चालू महिन्यातही कोकणातील बहुतांश भागात अतिवृष्टीसदृश्य पाऊस झाला. त्यामुळे नद्या, ओढे भरून वाहत होते. धरणात नवीन पाण्याची आवक होऊन चांगलाच पाणीसाठा झाला आहे. रायगड, रत्नागिरी, घाटमाथ्यावरही पावसाच्या चांगल्याच सरी कोसळल्या होत्या. कोकणातील लहान मोठ्या असलेल्या एकूण १७६ प्रकल्पांत १०४.४१ टीएमसी उपयुक्त पाणीसाठा झाला आहे. सरासरी ८४ टक्के पाणीसाठा झाला आहे. गेल्या वर्षी या काळात कोकणातील धरणांत ८१.९३ टक्के पाणीसाठा झाला होता. गेल्या वर्षीच्या तुलनेत यंदा तीन टक्क्यांनी जास्त पाणीसाठा झाला आहे.

मोठ्या प्रकल्पात अवघा ७६ टक्के पाणीसाठा 
राज्यात कोयना, जायकवाडी, वारणा, उजनी, मुळा, पवना अशी जवळपास १४१ मोठी धरणे आहेत. या धरणाच्या पाणलोट क्षेत्रात सुरुवातीला कमी पाऊस झाला होता. त्यामुळे धरणात फारशी नवीन पाण्याची आवक झालेली नसल्याने पाणीपातळीत वाढ झालेली नव्हती. परंतु गेल्या काही दिवस चांगला पाऊस झाल्याने सध्या मोठ्या प्रकल्पात ७८६ टीएमसी म्हणजेच सरासरी ७६ टक्के पाणीसाठा उपलब्ध आहे. गेल्या वर्षी या प्रकल्पात तब्बल ९० टक्के पाणीसाठा उपलब्ध होता. त्यातुलनेत चालू वर्षी १४ टक्क्यांनी घट झाली आहे. यंदा अमरावती विभागातील धरणांत ७१.९४ टीएमसी म्हणजेच ८६ टक्के, औरंगाबाद विभागातील धरणांत ९९.९५ टीएमसी म्हणजेच ६२ टक्के, पुणे विभागातील धरणांत ३६७ टीएमसी म्हणजेच ८३ टक्के, कोकणातील धरणांत ८१.६३ टीएमसी म्हणजेच ९४ टक्के,  नागपूर विभागातील धरणांत ७४.०८ टीएमसी म्हणजेच ६० टक्के, नाशिक विभागातील धरणांत ९१.२१ टीएमसी म्हणजेच ६९ टक्के पाणीसाठा उपलब्ध आहे.


इतर अॅग्रो विशेष
जोरदार वारे, मेघगर्जना, विजांसह पावसाचा...पुणे : राज्यात पुढील दोन दिवस जोरदार वारे,...
पुण्यात साकारतेय देशी गाय संशोधन आणि...पुणे ः देशी गायींच्या संवर्धनातून त्यांची...
विमा कंपन्यांना आठ हंगामांत १२ हजार...पुणे ः देशातील खासगी विमा कंपन्यांनी गेल्या आठ...
द्राक्ष हंगामात नियोजन आणि बाजारपेठेचे...अधिक परतावा देणारी पिके म्हणजे जोखीमही मोठी असते...
मागणीमुळे हरभरा दर हमीभावाच्या वर टिकूनपुणे : गेल्या आठवडाभरात हरभऱ्याला चांगली मागणी...
महुद ग्रामस्थांची एकजूट कौतुकास्पद :...सोलापूर ः वसुंधरा आणि पृथ्वीच्या रक्षणासाठी...
उच्चशिक्षित दांपत्याची पोल्‍ट्रीत...वाशीम जिल्हयात मुठ्ठा या छोट्या गावात नीलेश व...
भरीताच्या वांग्यासह केळी अन कांद्याची...नशिराबाद (ता.. जि.. जळगाव) येथील लालचंद व यशवंत...
मध केंद्र योजनेंतर्गत साहित्य  स्वरूपात...नाशिक : महाराष्ट्र राज्य खादी व ग्रामोद्योग...
ठिबक अनुदान वाटपाच्या  प्रक्रियेवर...पुणे : प्रधानमंत्री कृषी सिंचन योजनेतून अनुदान...
राज्यात पावसाला पोषक हवामान पुणे : राज्यात उघडीप दिलेल्या पावसाला पोषक हवामान...
खानदेशात अतिपावसाने  कापूस पीकस्थिती...जळगाव : खानदेशात पूर्वहंगामी कापूस पिकाची स्थिती...
खाद्यतेल आयात शुल्क  कपातीचा ग्राहकांना...पुणे : केंद्र सरकारने देशांतर्गत वाढत्या...
सौरकृषी पंपाच्या  कुसुम योजनेला अखेर...पुणे : उच्च न्यायालयाने स्थगिती दिल्यामुळे गेली...
पीक नुकसान तक्रारीसाठी धडपड औरंगाबाद : मराठवाड्यात अतिवृष्टीमुळे झालेल्या पीक...
पंधरा हजार एकरवर बांबू लागवडनगर ः जगात सगळ्यात वेगाने वाढणाऱ्या परंतु...
कोकण, विदर्भात पावसाची शक्यतापुणे : राज्यात उघडीप दिलेल्या पावसाला पोषक हवामान...
मराठवाड्यात २०० मेगावॉटचा सौर प्रकल्प ः...औरंगाबाद ः मराठवाड्यात येत्या वर्षात २००...
विदर्भ, मराठवाड्यात कमी पावसाचा अंदाजपुणे : कोकण, घाटमाथा, उत्तर महाराष्ट्र आणि...
महावितरणच्या वीजग्राहकांसाठी रूफटॉपमुंबई : महावितरणच्या घरगुती वर्गवारीतील...