बीड, उस्मानाबादमध्ये चारा छावण्यांत ३९ हजारांवर जनावरे

बीड, उस्मानाबादमध्ये चारा छावण्यांत ३९ हजारांवर जनावरे
बीड, उस्मानाबादमध्ये चारा छावण्यांत ३९ हजारांवर जनावरे

उस्मानाबाद, बीड : पावसाची अवकृपा कायम असल्याने मराठवाड्यातील बीड व उस्मानाबाद जिल्ह्यांत अजूनही जनावरांच्या चारा व पाण्याचे संकट सुटलेले नाही. या दोन्ही जिल्ह्यांत अजूनही ६१ चारा छावण्यांमध्ये ३९ हजार ४२० जनावरे चारा व पाण्यासाठी आश्रयाला असल्याची स्थिती आहे.  

मराठवाड्यात पावसाने निराशा केली आहे. आधी दुष्काळ व आता पावसाची समाधानकारक नसलेली हजेरी, यामुळे मराठवाड्यातील पशुधनाची परवड अजून संपलेली नाही. चारा व पाण्याच्या संकटामुळे बीड व उसमानाबाद जिल्ह्यांत अनुक्रमे ४६ व १५ चारा छावण्या अजूनही सुरू आहेत. बीड जिल्ह्यात तर अपेक्षित पावसाच्या तुलनेत ५० टक्‍केही पाउस झाला नाही. त्यामुळे येथील परिस्थिती अजूनच गंभीर आहे. बीड, आष्टी, वडवणी, गेवराई या चार तालुक्‍यांतील जनावरांच्या चारा, पाण्याचा प्रश्‍न  सुटलेला नाही. 

बीड तालुक्‍यातील एका चारा छावणीत ७८० जनावरे दावणीला आहेत. दुसरीकडे आष्टी तालुक्‍यात तब्बल ३९ चारा छावण्यांत सर्वाधिक २१ हजार ६४५ जनावरांनी चारा, पाण्यासाठी आश्रय घेतला आहे. वडवणी तालुक्‍यातील एका चारा छावणीत ८५५, तर गेवाराई तालुक्‍यातील ५ चारा छावण्यांमध्ये ४२२० जनावरे आहेत. 

उस्मानाबाद जिल्ह्यातील भूम, परांडा, वाशी तालुक्‍यांत जनावरांच्या चारा व पाण्याचे संकट गंभीर आहे. भूम तालुक्‍यातील ५ चारा छावण्यांत ३९३१ जनावरांनी आश्रय घेतला आहे. परंडा तालुक्‍यातील ८ चारा छावण्यांमध्ये ५७६८, तर वाशी तालुक्‍यातील २ चारा छावण्यांमध्ये २२२१ लहान, मोठ्या जनावरे आहेत.

चारा-पाण्याची वानवा  

दुष्काळाच्या पार्श्‍वभूमीवर मराठवाड्यात उन्हाळ्यात ११५३ चारा छावण्यांना मंजुरात देण्यात आली होती. त्या तुलनेत बीडमध्ये सर्वाधिक, तर त्यापाठोपाठ जालना, परभणी, उस्मानाबाद व औरंगाबाद जिल्ह्यांत चारा छावण्या सुरू झाल्या होत्या. जसजसा पाऊस होत गेला, तसतसे पेरणी व शेती मशागतीच्या कामानिमीत्ताने शेतकऱ्यांनी छावण्यांमधील जनावरे घरी नेली. परंतु त्यानंतर पुन्हा एकदा पावसाने ओढ दिल्याने चारा व पाण्याचा प्रश्‍न बिकट होत आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com