Agriculture news in Marathi, Beneficial for citrus dryland: Agriculture Minister Bonde | Agrowon

सीताफळ कोरडवाहू क्षेत्रासाठी लाभदायी ः कृषिमंत्री बोंडे

टीम अॅग्रोवन
सोमवार, 16 सप्टेंबर 2019

अमरावती ः सीताफळ हे कोरडवाहू क्षेत्राला तारून नेणारे आहे. त्यामुळे सीताफळाच्या विविध वाणांवर संशोधनासह प्रक्रिया, साठवणूक व विपणनासाठी संशोधन केंद्राने पूरक प्रयत्न करावे, असे निर्देश कृषिमंत्री डॉ. अनिल बोंडे यांनी दिले.

अमरावती ः सीताफळ हे कोरडवाहू क्षेत्राला तारून नेणारे आहे. त्यामुळे सीताफळाच्या विविध वाणांवर संशोधनासह प्रक्रिया, साठवणूक व विपणनासाठी संशोधन केंद्राने पूरक प्रयत्न करावे, असे निर्देश कृषिमंत्री डॉ. अनिल बोंडे यांनी दिले.

डॉ. पंजाबराव देशमुख कृषी विद्यापीठाच्या सीताफळ संशोधन केंद्राचे उद्‍घाटनानंतर आयोजित कार्यक्रमात ते बोलत होते. कुलगुरू डॉ. विलास भाले, विद्यापीठ कार्यकारी परिषदेचे सदस्य मोरेश्‍वर वानखडे, संशोधन संचालक डॉ. विलास खर्चे, सीताफळ उत्पादक संघाचे अध्यक्ष श्‍याम गट्टाणी, गजानन कृपाळ, केंद्रप्रमुख एस. एस. निचळ, फळशास्त्र विभागप्रमुख डॉ. शशांक भराड यांची या वेळी उपस्थिती होती.  

कृषिमंत्री पुढे म्हणाले, ‘‘शेतकऱ्यांनी कमी उत्पादन खर्च, कमी पाण्यात येणाऱ्या व चांगले उत्पन्न देणाऱ्या पिकांकडे वळले पाहिजे. सीताफळ हे कोरडवाहू क्षेत्रात येणारे व चांगले उत्पन्न देणारे पीक आहे. त्यावर प्रक्रिया करून गराची साठवणूक करता येणे शक्‍य आहे. विविध खाद्यपदार्थांमध्ये सीताफळ गराला मागणी आहे. त्यामुळे केंद्राने वाण संशोधनासह प्रक्रिया व विपणनासाठी तंत्रज्ञान विकसीत करावे.’’

सीताफळ हे एकरी दीड लाख रुपये उत्पन्न देणारे पीक असून, त्यावरील प्रक्रिया व्यवसायातून रोजगारही निर्माण होईल. त्यामुळे जिल्ह्यात सीताफळ हब निर्माण करण्याचा प्रयत्न आहे, असे डॉ. भाले यांनी सांगितले. 

फलोत्पादनाचा वृद्धिदर गत चार वर्षात ५.४ टक्‍क्‍यांपर्यंत वाढला असून, सीताफळाचा वृद्धीदर २३ टक्‍क्‍यांपर्यंत पोचला आहे. भारतातील सीताफळ उत्पादनापैकी सुमारे ३१ टक्‍के उत्पादन महाराष्ट्रात होते. केंद्राने तीन हजार झाडांची लागवड केली असून, काढणीपश्‍चात तंत्रज्ञान, गर साठवणूक, छाटणी तंत्रज्ञान विकसीत केले आहे, असे डॉ. निचळ यांनी सांगितले. मत्स्यविक्रीसाठी मत्स्यगंधा वाहनाचे वाटपही या वेळी करण्यात आले.


इतर बातम्या
उगाव येथे सामूहिक पातळीवर दशपर्णी अर्क...नाशिक: निफाड तालुक्यातील उगाव येथील श्री. श्री....
संगमनेर तालुका संघाकडून ५० टक्के...नगर: संगमनेर तालुका सहकारी दूध संघाने दूध...
दुधाला दर नसल्याने, दुभती जनावरे ...सोलापूर ः दुधाला मागणी असूनही केवळ योग्य तो दर...
कोविड-१९ रुग्णांच्या वास, चव संवेदनांवर...कोविड १९ च्या आजारातून बरे झाल्यानंतरही सुमारे ९०...
किसान क्रेडिट कार्डवर बिनव्याजी कर्ज...नाशिक: शेतकऱ्यांना शेतीकामासाठी आर्थिक मदत करणे...
अमरावतीत बियाणे कंपनीकडून ९०१ बॅग, २२...अमरावती : जिल्ह्यात सोयाबीन बियाणे उगवणीबाबत १...
नगर जिल्ह्यात एक लाख १७ हजार हेक्टरवर...नगर  ः जिल्ह्यात यंदा जुलैच्या पहिल्याच...
पुणे बाजार समितीसह उपबाजार ...पुणे  ः ‘कोरोना’च्या फैलावामुळे शहरातील...
सातारा जिल्ह्यात खरिपाच्या ८२.८५ टक्के...सातारा  ः पावसाचा काहीसा जोर वाढल्याने...
नगर : मक्‍याला हमीभावापेक्षा कमी दर...नगर ः रब्बी हंगामामध्ये शासनाच्या किमान आधारभूत...
कोल्हापूर बाजार समिती नोकर भरतीविरोधात...कोल्हापूर: येथील कृषी उत्पन्न बाजार समितीत...
जळगावमधील सिंचन प्रकल्पांची कामे...जळगाव  ः जिल्ह्यात तापी व गिरणा नदीवर...
मराठा समाजाला विश्वासात घेणार : अशोक...मुंबई : मराठा आरक्षणाच्या न्यायालयीन लढाईत राज्य...
खानदेशात दुबार पेरणीसाठी ताग, बाजरी,...जळगाव  ः खानदेशात दुबार पेरणी आटोपली आहे....
बॅंकांनी पीककर्ज प्रकरणे तत्काळ मार्गी...वर्धा  ः जिल्ह्यात पात्र शेतकऱ्यांपैकी एकही...
पुण्यात शेतमाल पुरवठा देखील बंद पुणे: कोरोनाची उफाळून आलेली साथ रोखण्यासाठी...
निकृष्ट बियाणेप्रकरणी सर्व कंपन्यांवर...नगर: जिल्ह्यात गेल्या एक महिन्याच्या कालावधीत...
देशाच्या सूत निर्यातीत मोठी घट जळगाव ः कोरोना व इतर संकटांमध्ये देशातील सूत...
गोंदिया जिल्ह्यात युरियाची टंचाईगोंदिया  ः पावसामुळे धान रोवणीला वेग आल्याने...
रत्नागिरी जिल्ह्यात भात, नाचणी पिकासाठी...रत्नागिरी  : रत्नागिरी जिल्ह्यात भात, नाचणी...