हिंगोली जिल्ह्यात एक लाख कुटुंबांना अारोग्य योजनेचा लाभ

एक लाख कुटुंबांना मिळणार अारोग्य योजनेचा लाभ
एक लाख कुटुंबांना मिळणार अारोग्य योजनेचा लाभ

हिंगोली ः केंद्र शासनाची महत्त्वाकांक्षी आयुष्मान भारत-पंतप्रधान जनआरोग्य योजनेअंतर्गत हिंगोली जिल्ह्यातील १ लाख ७ हजार २८ कुटुंबांना मोफत उपचाराचा लाभ मिळणार असल्याचे प्रतिपादन जिल्ह्याचे पालकमंत्री दिलीप कांबळे यांनी केले.

जिल्हाधिकारी कार्यालयातील डी. पी. सी. सभागृहात आयोजित ‘आयुष्मान भारत-प्रधानमंत्री जनआरोग्य योजने’चा प्रारंभ पालकमंत्री दिलीप कांबळे यांच्या हस्ते झाला, या वेळी ते बोलत होते. या वेळी आमदार तान्हाजी मुटकुळे, आमदार डॉ. संतोष टारफे, नगराध्यक्ष बाबाराव बांगर, जिल्हा परिषदेचे उपाध्यक्ष अनिल पतंगे, जिल्हाधिकारी अनिल भंडारी, अप्पर जिल्हाधिकारी जगदीश मिनियार, जिल्हा शल्यचिकित्सक डॉ. किशोरप्रसाद श्रीवास यांची प्रमुख उपस्थिती होती.

श्री. कांबळे पुढे म्हणाले की, आयुष्मान भारत जनआरोग्य योजनेसोबतच राज्य शासनाची ‘महात्मा फुले जन आरोग्य योजना’ ही एकत्रितपणे राबविण्यात येणार आहे. आयुष्यमान जनआरोग्य योजनेअंतर्गत १ हजार ३०० हून अधिक गंभीर आजारांवर लाभार्थ्यांना ५ लाखांपर्यंत मोफत उपचार देण्यात येणार आहे. देशातील कोणत्याही शासकीय किंवा मान्यताप्राप्त खासगी रुग्णालयांमध्ये करता येणार आहे. दुसऱ्या टप्प्यात खासगी रुग्णालयांना देखील सहभागी करून घेतले जाणार असून हेल्थ ॲण्ड वेलनेस सेंटर सुरू करण्यात येणार आहे.

श्री. भंडारी म्हणाले की, आयुष्मान जनआरोग्य योजनेंतर्गत २०११ च्या सामाजिक, आर्थिक आणि जातनिहाय जनगणनेनुसार कुटुंबांची निवड करण्यात आली आहे. अधिक माहितीकरिता १४५५५ या हेल्पलाइन क्रमांकावर संपर्क साधावा. याकरिता आता लाभार्थ्यांना शिधापत्रिका किंवा कोणत्याही ओळखपत्राची आवश्यकता लागणार नाही. आतापर्यंत हिंगोली जिल्ह्यातील ११७ लाभार्थ्यांची या योजनेअंतर्गत नोंद झाली आहे. या योजनेअंतर्गत राज्यातील पहिले ई-कार्ड हे हिंगोली जिल्ह्यात तयार झाल्याची माहिती डॉ. श्रीवास यांनी प्रास्ताविकात दिली. या वेळी आयुष्यमान भारत योजनेसोबतच महात्मा ज्योतिबा फुले जनआरोग्य योजना एकत्रितरीत्या राबविल्या जाणाऱ्या या योजनेचा या वेळी निवडक लाभार्थ्यांना मान्यवरांच्या हस्ते ‘ई-कार्ड’चे वाटप करण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com