Agriculture news in Marathi Berari goat needs to be saved through public participation: Dr. Begging | Page 2 ||| Agrowon

लोकसहभागातून बेरारी शेळीचे जतन गरजेचे ः डॉ. भिकाने

टीम अॅग्रोवन
बुधवार, 31 मार्च 2021

बेरारी शेळी पैदासकारांची संघटना स्थापन केल्यास संघटनेच्या माध्यमातून राजमान्यता मिळालेल्या शेळीस लोकमान्यता मिळेल, असे आवाहन सहयोगी अधिष्ठाता प्रा. डॉ. अनिल भिकाने यांनी केले.

अकोला ः विदर्भाच्या उष्ण वातावरणात तसेच पूर्व विदर्भातील अतिपावसाच्या भागात तग धरून राहण्याची क्षमता असणाऱ्या ‘बेरारी’ या जातीच्या शेळीस राष्ट्रीय पातळीवर शेळीची २३ वी जात म्हणून २०१२  मध्ये मान्यता मिळाली आहे. परंतु या भागातील पशुपालक या जातीबद्दल अजूनही अनभिज्ञ आहेत. त्यामुळे ते शेळीपालनासाठी राज्याच्या इतर भागातून अथवा परराज्यांतून शेळ्या आणतात. म्हणून बेरारी या शेळीच्या जातीचा प्रचार व प्रसार होणे गरजेचे आहे. हे काम लोक सहभागातून शक्य आहे. यासाठी बेरारी शेळी पैदासकारांची संघटना स्थापन केल्यास संघटनेच्या माध्यमातून राजमान्यता मिळालेल्या शेळीस लोकमान्यता मिळेल, असे आवाहन सहयोगी अधिष्ठाता प्रा. डॉ. अनिल भिकाने यांनी केले.

बेरारी शेळीपालकाना व्हॉट्सअॅप ग्रुपच्या माध्यमातून एकत्र आणून बेरारी शेळी पैदासकारांची संघटना स्थापण्यासाठी पुढाकार घेत असल्याची माहितीही त्यांनी दिली. स्थानिक स्नातकोत्तर पशुवैद्यक आणि पशुविज्ञान संस्थेच्या वतीने बेरारी शेळी पैदासकारांचा नुकताच ऑनलाइन मेळावा घेण्यात आला. या वेळी अध्यक्षस्थानावरून डॉ. भिकाने बोलत होते.

बेरारीचे संशोधक तथा पशुआनुशवंशिकी व पैदासशास्त्र विभागाचे प्रमुख प्रा. डॉ. शैलेंद्र कुरळकर यांनी बेरारी शेळीचे उगमस्थान, पैदास, गुणवैशिष्ट्ये व महत्त्व सांगितले. बेरारी शेळी काटक असून, या जातीत जुळे देण्याचे प्रमाण ६० टक्के असल्याचे संशोधनात दिसून आल्याचे म्हणाले.

कार्यक्रमात महाराष्ट्रातील विविध भागांतून विशेषत: विदर्भातून मोठ्या संख्येने शेळीपालक, तज्ज्ञ, पशुवैद्यक सहभागी होते. चर्चेत सजल कुलकर्णी, नरेश देशमुख, अविल बोरकर, अंजिक्य शहाणे, नानू माहुले, राजरत्न वानखडे, तन्मय गिरी, अरविंद कोटे, रामेश्‍वर चव्हाण, पुरुषोत्तम ढबाले आदींनी सहभाग घेतला. डॉ. गिरीश पंचभाई यांनी सूत्रसंचालन केले. डॉ. प्रवीण बनकर यांनी आभार मानले.


इतर ताज्या घडामोडी
खानदेशात कापसाची आठ लाख हेक्टरवर लागवडजळगाव ः  खानदेशात कापूस प्रमुख पीक आहे. यंदा...
भीमा-नीरा नदी काठांवरील गावांनी सतर्क...सोलापूर : ‘‘भीमा-नीरा खोऱ्यात होत असलेल्या...
मराठवाड्यात पाऊस कायम; जोर कमीऔरंगाबाद : मराठवाड्यात शनिवारी (ता. २३)...
नाशिक जिल्ह्यात खासगी पशुसेवकांचे काम...येवला : खासगी पशुसेवक ग्रामीण भागात मोठ्या...
मुगावर ‘लिफ क्रिंकल’ प्रादुर्भावअकोला : गेल्या हंगामात लिफ क्रिंकल विषाणूजन्य...
परभणी जिल्ह्यात मोठ्या, मध्यम...परभणी ः पाणलोट क्षेत्रात जोरदार पाऊस झाला....
लिंबूवर्गीय पिकातील आंबिया बहर फळगळ...सद्यःस्थितीत आंबिया बहराची फळे ही विकसनशील...
नीरा देवघर धरणक्षेत्रात सर्वाधिक २५५...पुणे : कमी दाबाच्या क्षेत्रामुळे पश्चिम पट्यात...
‘एफआरपी’ वाटपात राज्याची आघाडी : शेखर...पुणे ः साखर उद्योगाचा गाळप हंगाम यंदा आव्हानात्मक...
विमा लाभापासून शेतकऱ्यांना वंचित...नगर : नैसर्गिक आपत्ती, अन्य कारणाने नुकसान होऊनही...
साताऱ्यात पावसाचा जोर कमी झालासातारा : जिल्ह्यातील प्रमुख धरणांच्या पाणलोट...
केळी उत्पादकांना वादळ नुकसानभरपाईची...अकोला : जिल्ह्यात अकोट तालुक्यात १५ मे २०२० रोजी...
अतिवृष्टिग्रस्तांना अन्नधान्य,...नाशिक : आपत्तीग्रस्त आणि पूरग्रस्तांना मदत म्हणून...
हलक्‍या ते मध्यम स्वरूपाच्या पावसाचा...महाराष्ट्रावरील हवेच्या दाबात वाढ होत असून, उत्तर...
मराठवाड्यात पावसाचा जोर ओसरलाऔरंगाबाद : मराठवाड्यात गुरूवारच्या (ता.२२) तुलनेत...
औरंगाबाद जिल्ह्यात हमीभावातील ज्वारी,...औरंगाबाद : जिल्ह्यात आधारभूत दराने खरेदी केंद्र...
नांदेड जिल्ह्यात खरीप पिके पाण्याखालीनांदेड : जिल्ह्यात बुधवारनंतर गुरुवारी झालेल्या...
खानदेशात कांद्याच्या रोपवाटिका...जळगाव : खानदेशात कांदा रोपवाटिकांमध्ये रोपे...
अतिवृष्टीचा हिंगोलीतील ७१ गावांत दणकाहिंगोली ः जिल्ह्यात यंदाच्या पावसाळ्यात जुलै...
चिपळूणमधील दीड हजार जणांना पुरातून...रत्नागिरी : अतिवृष्टीचा तडाखा चिपळूण, खेड,...