agriculture news in Marathi Betel nut in trouble due to rain Maharashtra | Agrowon

सुपारी फळगळीचे संकट

टीम अॅग्रोवन
गुरुवार, 17 सप्टेंबर 2020

मुसळधार झालेला पाऊस आणि सतत ढगाळ वातावरण यामुळे जिल्ह्यातील सुपारी बागांना फळगळीने ग्रासले आहे. परिपक्व होण्याआधीच सुपारीची फळे गळून पडत असून बागांमध्ये फळांचा खच साचला आहे.

सिंधुदुर्ग: मुसळधार झालेला पाऊस आणि सतत ढगाळ वातावरण यामुळे जिल्ह्यातील सुपारी बागांना फळगळीने ग्रासले आहे. परिपक्व होण्याआधीच सुपारीची फळे गळून पडत असून बागांमध्ये फळांचा खच साचला आहे. सलग दुसऱ्यावर्षी बागायतदारांना फळगळीचा सामना करावा लागत असून बागायतदारांची चिंता वाढली आहे. फळगळीने बागायतदारांचे लाखोंचे नुकसान होत आहे.

जिल्ह्यात सांवतवाडी, दोडामार्ग, वेंगुर्ला आणि मालवण तालुक्यांतील काही भागांत व्यापारी दृष्टिकोनातून सुपारीची लागवड केलेली आहे. सावंतवाडी आणि दोडामार्ग तालुक्यातील अनेक शेतकऱ्यांचे सुपारी हेच मुख्यपीक आहे. त्या कुटुंबाचा उदरनिर्वाहच सुपारी बागांवर चालतो. परंतु अनेक कुटुंबाचा आधार असलेले सुपारीचे पीकच फळगळीमुळे धोक्यात आल्यामुळे बागायतदार हवालदिल झाले आहेत.

मुसळधार पाऊस आणि सतत ढगाळ वातावरण यामुळे बुरशीचा प्रादुर्भाव सुपारीवर दिसून येत आहे. बुरशीमुळे जिल्ह्यातील झोळंबे, तळकट, कोलझर, असनिये या गावांसह परिसरातील अनेक गावांमध्ये सध्या फळगळ मोठ्या प्रमाणात दिसून येत आहे. 

प्रत्येक सुपारी बागायतदारांच्या बागांमध्ये फळांचा ढीग साचला आहे. पडलेली फळे साठविण्यासाठी बागायतदारांना घरातील जागा कमी पडत आहे. सुपारीच्या देखभालीवर मोठा खर्च बागायतदारांना करावा लागतो. परंतु यावर्षी खर्चही बागांमधून वसूल होणार नाही, अशी स्थिती सध्या पाहायला मिळत आहे. सलग दुसऱ्या वर्षी सुपारीचे नुकसान झाल्यामुळे यापूर्वी सुरक्षित मानले गेलेले सुपारी पीक देखील इतर पिकांप्रमाणेच बेभरवशाचे बनले आहे. बागायतदारांनी आपल्याकडे असलेली पुंजी बागांवर खर्च केली. आता उदरनिर्वाहाचा प्रश्न त्यांच्यासमोर आहे.

गेल्यावर्षी नुकसान झाले असले तरी यावर्षी सुपारीला चांगला दर होता. त्यामुळे गेल्यावर्षीचे नुकसान भरून येईल अशी अपेक्षा बागायतदारांना होती. परंतु हे वर्ष देखील वाया गेले आहे. सध्या बागायतदारांमध्ये निराशा असून पडलेली फळे गोळा करण्याचे काम बागायतदार करीत आहेत. या फळांना अगदी नगण्य असा दर मिळतो आहे. परंतु गोळा करण्याव्यतिरिक्त बागायतदारांच्या हातात दुसरा कोणताही पर्याय राहिलेला नाही.

प्रतिक्रिया
गेल्यावर्षी सुपारीची फळगळ झाली होती. त्याचा अनुभव असल्यामुळे यावर्षी सुपारी बागांवर फळगळ रोखण्यासाठी कृषितज्ज्ञांच्या सल्ल्याने फवारण्या घेतल्या. परंतु तरीदेखील फळगळ थांबली नाही. आतातरी सरकारने बागायतदारांचा विचार करून त्यांना आधार देण्याच्या दृष्टीने पाऊल उचलावे.
- विश्वनाथ सखाराम गवस, बागायतदार, झोळंबे, ता. दोडामार्ग

फळगळीने सुपारी बागायतदार हैराण झाले असून त्यांचे मोठ्या प्रमाणात नुकसान झाले आहे. नुकसानीचे पंचनामे करण्याची मागणी तहसीलदारांकडे करण्यात आली आहे. नुकसानभरपाईसाठी सर्वांनी एकत्रित प्रयत्न करण्याची गरज आहे.
- सौ.धनश्री गवस, उपसभापती, पंचायत समिती, दोडामार्ग,


इतर बातम्या
सोलापूर जिल्ह्यात मराठा आरक्षणासाठी...सोलापूर  : मराठा समाजाला आरक्षण...
मुक्त विद्यापीठात कृषीविषयक अभ्यासक्रम...नाशिक : ‘‘यशवंतराव चव्हाण महाराष्ट्र मुक्त...
खानदेशातील सिंचन प्रकल्प भरलेजळगाव : खानदेशात या महिन्यातील जोरदार पावसाने...
सोलापूर जिल्ह्यात दहा हजार हेक्‍टरवर...सोलापूर : जिल्ह्यात गेल्या तीन-चार दिवसांपासून...
सोलापूर जिल्हा बॅंक देणार अल्प मुदतीचे...सोलापूर : सोलापूर जिल्हा मध्यवर्ती सहकारी...
परभणी, हिंगोलीत ओल्या दुष्काळाचे सावटपरभणी : परभणी, हिंगोली जिल्ह्यातील अनेक मंडळांत...
जळगाव जिल्ह्यात उडीद, मूग खरेदीची...जळगाव : शासकीय उदीद, मूग खरेदीसंबंधीची प्राथमिक...
मराठवाड्यात कपाशी काळवंडली, सोयाबीन...औरंगाबाद : सततच्या पावसाने औरंगाबाद, जालना, बीड...
खानदेशातील कांदेबाग केळी काढणीला वेगजळगाव : खानदेशात कांदेबाग केळी काढणी सुरू झाली...
परभणीत भरपाईसाठी ‘स्वाभिमानी’ची पिकांसह...परभणी : अतिवृष्टीमुळे शेती पिकांचे अतोनात नुकसान...
नाशिक जिल्ह्यात खरिपासह भाजीपाला पिके...नाशिक : जिल्ह्याच्या सर्वदूर भागात शनिवारी (...
`औरंगाबाद जिल्ह्यातील नुकासानग्रस्त...औरंगाबाद : सतत सुरू असलेल्या पावसाने कोणत्या...
ऊसतोडणी दर ठरविताना उत्पादकांवरील बोजा...पुणे : दहा लाख ऊसतोडणी कामगारांच्या वतीने विविध...
शेती विधेयकांविरोधात शुक्रवारी बंदपुणे ः केंद्र सरकारने लोकसभेत पास केलेल्या...
मराठा आरक्षणावरील अंतरिम स्थगिती उठवावीमुंबई : मराठा आरक्षणासंदर्भात सर्वोच्च...
राहुरी कृषी विद्यापीठासाठी नव्या...पुणे: महात्मा फुले राहुरी कृषी विद्यापीठाच्या...
‘मुळा’तून विसर्ग बारा हजार क्युसेकवर...नगर ः नगर जिल्ह्यातील मुळा धरणाच्या पाणलोटात पाऊस...
शेतकऱ्यांना कॉर्पोरेट कंपन्यांच्या...कोल्हापूर : पाशवी बहुमताच्या बळावर भलेही तुम्ही...
कांदा बियाण्याची टंचाईनगरः गेल्यावर्षी पाऊस व बदलत्या वातावरणामुळे...
मोताळा तालुक्यात वादळी पावसाने नुकसानबुलडाणा ः जिल्ह्यात शनिवारी (ता. १९) वादळी...