agriculture news in marathi, bhandardara dam become full, nagar, maharashtra | Agrowon

भंडारदरा धरण दहा दिवस आधीच भरले
टीम अॅग्रोवन
मंगळवार, 24 जुलै 2018

नगर  : धोधो पडणारा पाऊस व सह्याद्रीच्या कडेकपाऱ्यांतून खळाळणारे, ओढे-नाल्यातून वेगाने वाहणारे पाणी शेंडी (ता. अकोले) येथील भंडारदरा धरणात येत आहे. पाटबंधारे विभागाने धरण भरल्याचे अधिकृतरीत्या जाहीर केलेले नसले तरी धरणातून सोडण्यात आलेल्या पाण्याचा विचार करता यंदा साधारण दहा दिवस आधीच भरले आहे. मात्र ३१ जुलैपर्यंत धरणातील पाणीपातळी ९.१७ टीएमसीवर स्थिर ठेवणार आहेत. त्यानंतर धरण भरल्याचे पाटबंधारे विभागाकडून तांत्रिकदृष्ट्या जाहीर केले जाईल.

नगर  : धोधो पडणारा पाऊस व सह्याद्रीच्या कडेकपाऱ्यांतून खळाळणारे, ओढे-नाल्यातून वेगाने वाहणारे पाणी शेंडी (ता. अकोले) येथील भंडारदरा धरणात येत आहे. पाटबंधारे विभागाने धरण भरल्याचे अधिकृतरीत्या जाहीर केलेले नसले तरी धरणातून सोडण्यात आलेल्या पाण्याचा विचार करता यंदा साधारण दहा दिवस आधीच भरले आहे. मात्र ३१ जुलैपर्यंत धरणातील पाणीपातळी ९.१७ टीएमसीवर स्थिर ठेवणार आहेत. त्यानंतर धरण भरल्याचे पाटबंधारे विभागाकडून तांत्रिकदृष्ट्या जाहीर केले जाईल.

अकोले तालुक्‍याच्या पश्‍चिम भागात सध्याही जोरदार पाऊस कोसळत आहे. भंडारदरा धरणही दहा दिवस आधी भरत असल्याने जायकवाडीत पाणी साठवणीसाठी फायदा होणार आहे. या धरणात सध्या दर दिवसाला साधारण अर्धा टीएमसी पाणी येत आहे. सोमवारी (ता.२३) सकाळी धरणाच्या ‘स्पिल-वे’मधून प्रवरा नदीत ११ हजार ६३६ क्‍युसेकने पाण्याचा विसर्ग केला जात होता. दुपारी तो कमी करून ८३६२ क्‍युसेक केला आहे.

नाशिक, ठाणे जिल्ह्याच्या सीमेवर असलेल्या आणि सह्याद्री डोंगराच्या कपारीत असलेल्या भंडारदरा धरणाचा नगर जिल्ह्यातील शेतीला लाभ होतो. धरण भरल्यावर त्यातील पाणी जायकवाडीसाठी सोडले जाते. त्यामुळे नगरसह मराठवाड्यातील लोकांचे या धरणातील पाणीसाठ्याकडे लक्ष असते. दरवर्षी साधारण १५ ऑगस्टपर्यंत हे धरण निश्‍चित भरते. यंदा नगर जिल्ह्याच्या अनेक भागात पुरेसा पाऊस नसला तरी भंडारदरा धरणाच्या पाणलोट क्षेत्रात चांगला पाऊस झाल्याने दहा दिवस आधीच (२१ जुलैला) धरणाच्या ‘स्पिल-वे’मधून मोठा विसर्ग सुरू केल्याने हे धरण भरल्याचे स्पष्ट झाले.

११.०३ टीएमसी एकूण क्षमता असलेल्या भंडारदरा धरणामध्ये ३१ जुलैपर्यंत ९.१७ टीएमसीवर पाणीपातळी स्थिर ठेवली जाणार असून त्यानंतर धरण भरल्याचे तांत्रिकदृट्या जाहीर केले जाणार आहे. असे असले तरी आतापर्यंत धरणातून दीड टीएमसीपेक्षा अधिक पाण्याचा विसर्ग झालेला आहे.

भंडारदरा धरण ३० वर्षांत २५ वेळा भरले
भंडारदरा धरण गेल्या तीस वर्षांत आतापर्यंत २५ वेळा भरले. १९८७, १९८९, १९९५, २०००, २०१५ या वर्षी मात्र धरण पूर्ण क्षमतेने भरले नाही. त्यातही जुलै महिन्यात धरण भरण्याची ही तिसरी वेळ आहे. पडणाऱ्या पावसाचा अंदाज घेऊन धरणातील पाणीपातळी स्थिर ठेवली जाते.

भंडारदरा परिसरात सुरू असलेल्या जोरदार पावसामुळे भातखाचरे तुडुंब भरली आहेत. सर्वत्र पाणी वाहत आहे. त्यामुळे परिसरात पर्यटकांची गर्दी वाढली आहे. धरण परिसर आणि आजूबाजूचे धबधबे पाहण्यासाठी पर्यटक मोठ्या प्रमाणात दाखल होत आहेत. यंदा धरण लवकर भरल्याने यापुढे सुट्यांच्या काळात पर्यटकांची अधिक गर्दी असेल.

इतर ताज्या घडामोडी
पुण्यात टोमॅटो, फ्लॉवरची आवक कमी; दरात...पुणे ः गुलटेकडी येथील कृषी उत्पन्न बाजार...
अमेरिकन लष्करी अळीविषयी जागृती,...मक्यावरील लष्करी अळी (शा. नाव - स्पोडोप्टेरा...
संजीवकांचा वापर संतुलितपणेच व्हावानाशिक : द्राक्षबागेत आवश्यकतेनुसार रासायनिक...
‘महावितरण’कडून शेतकऱ्यांना अंदाजपंचे...नाशिक : अंबड परिसरात महावितरणकडून कृषी पंपाचे...
खरीप पीकविमा योजनेत शेतकऱ्यांचा सहभाग...जळगाव ः जिल्ह्यात खरिपातील पीकविमा योजनेला चांगला...
खानदेशातील अनेक सिंचन प्रकल्प भरलेजळगाव ः खानदेशातील अवर्षणप्रवण भागातील काही...
निष्पक्ष निवडणुकीसाठी यंत्रणा सज्जअकोला ः विधानसभा निवडणुकीच्‍या अनुषंगाने जिल्‍हा...
मेळघाटातील शेतकऱ्यांना जाणून घ्यायचेय...औरंगाबाद : मेळघाटातील शेतकरी मराठवाडा आणि...
निकृष्ट बंधाऱ्याप्रकरणी तिघांवर गुन्हे...गडचिरोली ः चार महिन्यांपूर्वी बांधण्यात...
अनुदानावरील पशुखाद्य पुरवठ्यासाठी उद्या...नागपूर ः पशुखाद्याच्या तुटवड्यामुळे अडचणीत...
पूर्वहंगामी कापूस पिकाला पावसाचा फटकाजळगाव ः खानदेशातील पूर्वहंगामी कापूस पिकाला सततचा...
रयतच्या योगदानातून इतिहास घडेल ः शरद...सातारा: त्यागाचा विचार तत्कालीन पिढीत घडविण्यात...
सरकार सातत्याने शेतकरी विरोधी भूमिका...नगर  ः दोन वेळचा घास भरवणाऱ्या...
साहित्य संमेलनाच्या अध्यक्षपदी दिब्रिटो...लातूर :  उस्मानाबाद येथे होणाऱ्या आगामी...
केळीच्या पिल बागेतील सिगाटोका रोगाचे...केळी पिकावर दरवर्षी पिवळा करपा म्हणजेच ‘सिगाटोका...
गव्हावरील किडीच्या नियंत्रणासाठी सहजीवी...मोंटाना राज्य विद्यापीठातील कृषी महाविद्यालयातील...
साताऱ्यातील तीन तालुक्यांत पाणीटंचाई...सातारा : गेल्या दोन दिवसांत माण, खटाव, फलटण या...
चाळीसगाव तालुक्‍यात अद्यापही टॅंकर सुरूचजळगाव  ः जिल्ह्यात यंदा पावसाने नाबाद ११५.५...
पुणे जिल्ह्यात अतिवृष्टीमुळे ४२ कोटींचे...पुणे : गेल्या जुलै व ऑगस्ट महिन्यांत...
नाशिक जिल्ह्यात लाल कांद्याची लागवड...नाशिक  : महाराष्ट्रात होणारी खरीप कांद्याची...