agriculture news in marathi, Bhanwala says, 65 crore rupees for irrigation project, Maharashtra | Agrowon

सिंचन प्रकल्पांसाठी ६५ हजार कोटी : भानवाला
वृत्तसेवा
मंगळवार, 18 सप्टेंबर 2018

केंद्राने प्रस्तावित केलेले सर्व सिंचन प्रकल्प पूर्ण करण्यासाठी आवश्यक त्या आर्थिक सुविधा उपलब्ध आहेत. राज्य सरकार त्यांच्या वाट्याचा निधी कधी उपलब्ध करून देते आणि केंद्रीय पाणी संसाधन मंत्रालयाची यामधील सक्रिय भूमिका यावर हे प्रकल्प कधी पूर्ण होतील हे अवलंबून आहे. सध्या १८ प्रकल्प पूर्ण झाले असून, सात प्रकल्प पूर्ण होण्याच्या मार्गावर आहे.
- एच. के. भानवाला, अध्यक्ष, ‘नाबार्ड’

नवी दिल्ली ः देशातील सिंचन प्रकल्पांचा विकास करण्यासाठी राष्ट्रीय कृषी आणि ग्रामीण विकास बॅंकेने (नाबार्ड) पंतप्रधान सिंचन योजनेंतर्गत महत्त्वाच्या ९३ सिंचन प्रकल्पांसाठी ६५ हजार ६३५ कोटी रुपयांची कर्जे उपलब्ध करून दिली आहेत. या निधीच्या माध्यमातून प्रकल्पांचा विकास करून सिंचन सुविधा वाढविण्याचा उद्देश आहे, असे ‘नाबार्ड’चे अध्यक्ष एच. के. भानवाला यांनी सांगितले. 

देशातील ९९ सिंचन प्रकल्पांचा विकास करण्यासाठी ‘नाबार्ड’मार्फत दीर्घकालीन कर्जे उपलब्ध करून देण्यात येत आहे. यात केंद्र आणि राज्यांच्या हिस्सा समाविष्ट असतो. हे प्रकल्प २०१९ पर्यंत पूर्ण करण्यासाठी ७० हजार कोटींचा निधी उपलब्ध करून देणे आवश्यक आहे.
‘नाबार्ड’ त्यादृष्टीने कर्जे उपलब्ध करून देत आहे.
 
‘‘ केंद्राने प्रस्तावित केलेले सर्व सिंचन प्रकल्प पूर्ण करण्यासाठी आवश्यक त्या आर्थिक सुविधा उपलब्ध आहेत. या कामात सध्या प्रगती आहे. राज्य सरकार त्यांच्या वाट्याचा निधी कधी उपलब्ध करून देते आणि केंद्रीय जल संसाधन मंत्रालयाची यामधील सक्रिय भूमिका, यावर हे प्रकल्प कधी पूर्ण होतील हे अवलंबून आहे. सध्या १८ प्रकल्प पूर्ण झाले असून सात प्रकल्प पूर्ण होण्याच्या मार्गावर आहे. हे सिंचन प्रकल्प राज्य सरकारांकडून पूर्ण करण्यात येत आहेत. अनेक प्रकल्पांसाठीचा केंद्राचा हिस्सा उपलब्ध झाला आहे. परंतु, राज्यांचा हिस्सा मिळण्यात वेळ लागत आहे. त्यामुळे काम पाहिजे त्या प्रमाणात प्रगतीपथावर नाही,’’ असेही भानवाला म्हणाले. 

सर्वाधिक प्रकल्प उत्तर प्रदेशातील
भानवाला म्हणाले, की निधी मिळालेले सर्वाधिक प्रकल्प उत्तर प्रदेशातील आहेत. हे प्रकल्प पूर्ण करण्यासाठी उत्तर प्रदेश सरकारने अर्थसंकल्पात सात हजार कोटींची तरतूद करणे आवश्यक आहे. तसेच महाराष्ट्र, तेलंगणा आणि मध्य प्रदेशात मोठे सिंचन प्रकल्प मंजूर करण्यात आले आहेत. केंद्राने मंजूर केलेले ९९ सिंचन प्रकल्प पूर्ण झाल्यास देशातील जवळपास ८० लाख हेक्टरवरील क्षेत्रावर सिंचन सुविधा उपलब्ध होणार आहे. 

निधी उपलब्ध
‘नाबार्ड’ने ९९ पैकी ९३ सिंचन प्रकल्पांसाठी ६५ हजार ६३४.९३ कोटींचा निधी उपलब्ध करून दिला आहे. त्यापैकी ८६ प्रकल्पांसाठी जवळपास २३ हजार ४०२.७२ कोटी रुपये वितरित करण्यात आले आहेत. यामध्ये केंद्राचा हिस्सा १५ हजार २४२ कोटी रुपये आहे आणि राज्यांचा हिस्सा ८ हजार १६०.७० कोटी रुपये आहे. हे ९३ प्रकल्प लवकर पूर्ण व्हावेत, यासाठी हा निधी वेळेत उपलब्ध करून देण्यात आला आहे. 

इतर अॅग्रो विशेष
रत्नागिरी : गतवर्षीच्या तुलनेत भात...रत्नागिरी ः अतिवृष्टीमुळे कोकणातील शेतकरी चांगलाच...
दक्षिण आफ्रिकेतील 'मालावी हापूस'...पुणे  ः दक्षिण आफ्रिकेतील मालावी प्रांतात...
सांगली जिल्ह्यात द्राक्षबागांना आता...सांगली ः गेल्या पंधरा ते वीस दिवसांपूर्वी...
राज्यात रब्बीसाठी सव्वासहा हजार शेतीशाळापुणे : रब्बी हंगामात राज्यात सव्वासहा...
केंद्र सरकारकडून एक लाख टन कांदा...पुणे: मॉन्सूनचा वाढलेला मुक्काम, अतिवृष्टी,...
बाजार समित्या बरखास्त करणार : केंद्रीय...नवी दिल्ली : बाजार समित्यांची कार्यपद्धती आणि...
राज्य झाले टॅंकरमुक्त; केवळ बुलडाण्यात...पुणे: मॉन्सून आणि मॉन्सूनोत्तर काळात राज्यात...
केसर आंब्याचे उत्पादन ४५ टक्के घटणार;...औरंगाबाद : गंध आणि चवीसाठी केसर आंब्याची आपली...
किमान तापमानात चढ-उतारपुणे: मॉन्सूनोत्तर पावसाने उघडीप दिल्यानंतर...
अवर्षणग्रस्त माळरानावर फुलवली प्रगतशील...नगर जिल्ह्यात कायम अवर्षणग्रस्त कर्जत तालुक्यातील...
साठ देशी गायींच्या संवर्धनाचा आदर्शपुणे जिल्ह्यातील मंचर येथील सोनेचांदीचे पारंपरिक...
साखर निर्यातीला डिसेंबरपर्यंत मुदतवाढकोल्हापूर : पावसाळी स्थितीमुळे निर्यात न होऊ...
काजू उत्पादन ३० टक्क्यांनी घटणारसिंधुदुर्ग : जुलै, ऑगस्टमध्ये झालेली अतिवृष्टी,...
द्राक्ष बागांचे पंचनामे करताना दिशाभूलनाशिक  : द्राक्ष बागांचे पंचनामा केल्यास...
कृषी कौशल्य प्रशिक्षणांद्वारे उभी...केंद्र शासनाची प्रधानमंत्री कौशल्य विकास योजना २....
गारठा वाढला; नगर येथे नीचांकी तापमानपुणे  : उत्तरेकडून येणारे थंड वारे,...
पावसाने द्राक्ष शेतीचे ९ हजार कोटींवर...पुणे : सततच्या पावसामुळे सर्व अवस्थांमधील द्राक्ष...
दक्षिण महाराष्ट्रातील कारखान्यांना...कोल्हापूर: कर्नाटकने झोनबंदी केल्याने सीमाभागातून...
पीक नुकसानीचा अंतिम अहवाल लांबण्याची...पुणे : राज्यात अतिपावसामुळे झालेल्या पिकांच्या...
शासकीय खरेदीसाठी उडीद, सोयाबीनची...परभणी: किंमत समर्थन मूल्य योजनेअंतर्गत...