मराठवाड्यात भीषण जलसंकट

मराठवाड्यात भीषण जलसंकट
मराठवाड्यात भीषण जलसंकट

औरंगाबाद : मराठवाड्यातील ८२४ लघू मध्यम प्रकल्पांपैकी तब्बल ७०५ प्रकल्पांतील पाणीसाठ्याची स्थिती चिंताजनक आहे. त्यामध्ये कोरडेठाक पडलेल्या ३६, तर पाणी जोत्याखाली गेलेल्या ३४० प्रकल्पांचा समावेश आहे. एकूण ८७२ प्रकल्पांमधील उपयुक्‍त पाणीसाठा १.८९ टक्‍क्‍यांवर आला आहे. त्यामुळे मराठवाड्यातील जलसंकट भीषण टप्प्यावर आले आहे. 

मराठवाड्यातील लघू प्रकल्पांची अवस्था दुष्काळाने कमालीची बिकट बनली आहे. औरंगाबाद जिल्ह्यातील ९३ लघू प्रकल्पांपैकी ६२ कोरडेठाक, तर १८ प्रकल्पांतील पाणीसाठा जोत्याखाली आहे. जालन्यातील ५७ लघू प्रकल्पांपैकी ४७ कोरडे आहेत. ८ मधील पाणीसाठा जोत्याखाली गेला आहे. बीड जिल्ह्याची स्थितीही यापेक्षा वेगळी नाही. तेथील १२६ लघू प्रकल्पांपैकी ८८ प्रकल्प कोरडे, तर २६ प्रकल्पांतील पाणीसाठा जोत्याखाली गेला आहे. लातूर जिल्ह्यातील १३२ लघू प्रकल्पांपैकी ३८ कोरडे, तर ८० मधील पाणीसाठा जोत्याखाली गेला आहे. 

उस्मानाबाद जिल्ह्यातील सर्वाधिक २०५ लघू प्रकल्पांपैकी ९८ प्रकल्पांत पाण्याचा थेंब नाही. दुसरीकडे ७७ प्रकल्पांतील पाणीसाठा जोत्याखाली आहे. नांदेड जिल्ह्यातील ८८ लघू प्रकल्पांपैकी ६२ मधील पाणीसाठा जोत्याखाली गेला आहे. परभणीतील २२ लघू प्रकल्पांपैकी १९ मधील पाणीसाठा जोत्याखाली, तर हिंगोलीतील २६ पैकी २३ लघू प्रकल्पांमधील पाणीसाठा जोत्याखाली आहे. 

औरंगाबाद जिल्ह्यातील १६ मध्यम प्रकल्पांपैकी ११ प्रकल्पात पाण्याचा थेंब नाही. दुसरीकडे ३ मध्यम प्रकल्पातील पाणीसाठा जोत्याखाली गेला आहे. जालन्यातील ७ मध्यम प्रकल्पांपैकी ३ कोरडे, तर ४ मधील पाणी जोत्याखाली आहे. बीडमध्ये १६ मध्यम प्रकल्पांपैकी ९ कोरडे, तर ६ मधील पाणीसाठा जोत्याखाली गेला आहे. लातूर जिल्ह्यातील ८ मध्यम प्रकल्पापैकी एका प्रकल्पात पाणी नाही. चार प्रकल्पांतील पाणीसाठा जोत्याखाली आहे. 

उस्मानाबादेत ८ प्रकल्प कोरडे उस्मानाबाद जिल्ह्यातील १७ मध्यम प्रकल्पांपैकी ८ प्रकल्प कोरडे, तर ५ प्रकल्पांतील पाणीसाठा जोत्याखाली आहे. नांदेडमधील ९ मध्यम प्रकल्पांपैकी ३ मधील पाणीसाठा जोत्याखाली आहे.  परभणीतील दोन्ही मध्यम प्रकल्पातील पाणीसाठा जोत्याखाली गेला आहे. उर्वरित १६ मध्यम प्रकल्पांमध्येही २५ टक्‍क्‍यांच्या आतच पाणी उपलब्ध असल्याची माहिती जलसंपदा विभागाच्या सूत्रांनी दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com