नांदेड : जिल्ह्यातील नायगाव येथील भारतीय कापूस महामंडाळाचे (सीसीआय) खरेदी केंद्र असलेल्या एका जिनिंग कारखान्यात आग लागली. त्यामुळे कापसाच्या गंजीने पेट घेतला. गुरुवारी (ता.२८) रात्री साडे दहाच्या सुमारास घडलेल्या आगीच्या या घटनेत कोट्यावधी रुपयांचा कापूस जळून नुकसान झाले.
नायगाव येथे ‘सीसीआय’तर्फे कापूस खरेदी केली जात आहे. खरेदी केंद्र असलेल्या भारत जिनिंग कारखान्यामध्ये ‘सीसीआय’तर्फे खरेदी केलेल्यापैकी सुमारे ९ हजार क्विंटल आणि खासगी खरेदीचा कापूस गंजीत शिल्लक राहिला होता. गुरुवारी (ता.२८) रात्री साडेदहाच्या सुमारास जिनिंग कारखान्यातील यंत्रात आग लागली.
ही आग पसरत गेली. परिसरातील कापसाच्या गंजीनी पेट घेतला. त्यात कोट्यावधी क्विंटल कापूस जळला. शुक्रवारी (ता.२९) सकाळी अकरा वाजेपर्यंत आग विझविण्याचे काम सुरु होते. या प्रकरणी जिनिंग मालक तसेच ‘सीसीआय’तर्फे पोलिसात तक्रार दिली असल्याची माहिती केंद्र प्रमुख गणेश सोनुने यांनी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.