परभणी ः वनस्पती रोगशास्त्र विभागातर्फे निर्मित बायोमिक्स या जैविक घटक उत्पादनाच्या विक्रीतून विद्यापीठाच्‍या इतिहासात प्रथमच एका आर्थिक वर्षात एका कृषी निविष्‍ठापासून अडीच कोटींपेक्षा जास्‍त महसूल प्राप्‍त झाला. बायोमिक्‍सने विद्यापीठास वेगळी ओळख प्राप्‍त करून दिली आहे, असे गौरवोद्‍गार वसंतराव नाईक मराठवाडा कृषी विद्यापीठाचे कुलगुरू डॉ. अशोक ढवण यांनी केले.
परभणी कृषी महाविद्यालयातील वनस्पती रोगशास्त्र विभाग प्रमुख डॉ. कल्‍याण आपेट यांना भारतीय वनस्पती रोगशास्त्र संस्‍था, नवी दिल्‍ली आणि अकोला येथील डॉ. पंजाबराव देशमुख कृषी विद्यापीठातील वनस्पती रोगशास्‍त्रज्ञ संस्‍थेच्‍या वतीने वनस्पती रोगशास्‍त्रात केलेल्‍या उत्‍कृष्‍ट कार्याबद्दल बुधवारी (ता. २४) डॉ. ढवण यांच्‍या हस्‍ते गौरव करण्यात आला.
या वेळी संशोधन संचालक डॉ. दत्तप्रसाद वासकर, शिक्षण संचालक डॉ. धर्मराज गोखले, प्राचार्य डॉ. सय्यद इस्‍माईल, ऑनलाइन माध्यमातून संस्‍थेचे अध्‍यक्ष डॉ. बी. टी. राऊत, सचिव डॉ. आर. एम. गाडे, डॉ. के. डी. ठाकूर, डॉ. ए. पी. सूर्यवंशी आदींची प्रमुख उपस्थिती होती.
डॉ. ढवण म्‍हणाले, की डॉ. आपेट, त्‍यांचे सहकारी यांच्‍या अविरत परिश्रमामुळे बायोमिक्स या जैविक मिश्रणाचा शेतकऱ्यांमध्ये मोठ्या प्रमाणात प्रसार झाला. बयोमिक्‍स हे उपयुक्‍त सूक्ष्‍मजीवांचे मिश्रण आहे. जैविक कीडनाशक व रोगनाशक म्हणून विविध पिकांवर कार्य करते. याचा शेतकरी फळे, भाजीपाला, हळद आदी पिकांत मोठ्या प्रमाणात करत आहेत.
ऑनलाइन पुरस्‍कार वितरण कार्यक्रमाचे सूत्रसंचालन डॉ. योगेश इंगळे यांनी केले. या वेळी डॉ. के. डी. नवगिरे, डॉ. विक्रम घोळवे, डॉ. महेश दडके, डॉ. मिनाक्षी पाटील, डॉ. सी. व्ही. अंबाडकर, डॉ. संतोष पवार आदींसह संस्‍थेचे सदस्‍य ऑनलाइन माध्यमातून उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.