agriculture news in Marathi birthday celebration thorough fruits cutting Maharashtra | Agrowon

केकऐवजी फळे कापून वाढदिवस केला साजरा 

टीम अॅग्रोवन
शनिवार, 13 मार्च 2021

वाढदिवस साजरा करताना हजारो रुपयांचा केक कापून तो साजरा करण्याची प्रथा अलीकडच्या काळात मोठ्या प्रमाणात रूढ झाली आहे.

नांदेड : वाढदिवस साजरा करताना हजारो रुपयांचा केक कापून तो साजरा करण्याची प्रथा अलीकडच्या काळात मोठ्या प्रमाणात रूढ झाली आहे. याला बगल देऊन नांदेड शहरातील विठोबा नैसर्गिक भाजीपाला व फळे उत्पादक परिवारातील महिला सदस्या सविता पावडे यांचा वाढदिवस केकऐवजी सेंद्रिय व नैसर्गिक फळे कापून अनोख्या पद्धतीने साजरा करण्यात आला. अशा पद्धतीने वाढदिवस साजरा झाल्यानंतर समाज माध्यमांवर अनुकूल प्रतिक्रिया उमटल्या आहेत. 

शेतकऱ्यांनी सेंद्रिय नैसर्गिक पद्धतीने पिकवलेली फळे, भाजीपाला, शेतीमाल थेट ग्राहकांना मिळावा. यातून शेतकरी आणि ग्राहक दोघांचाही लाभ व्हावा, हीच चळवळ अधिकाधिक गतिमान व्हावी, यासाठी गेल्या एक वर्षापासून विठोबा परिवार निरंतरपणे प्रयत्न करीत आहे. यासाठी जिल्हाधिकारी डॉ. विपिन, जिल्हा परिषदेच्या मुख्य कार्यकारी अधिकारी वर्षा ठाकूर, जिल्हा अधीक्षक कृषी अधिकारी रविशंकर चलवदे यांचे या चळवळीला पाठबळ मिळत आहे. 

दरम्यान, बुधवारी (ता. १०) जिल्हाधिकारी कार्यालय परिसरात ‘विकेल ते पिकेल’ धोरणांतर्गत फळे विक्री स्टॉलचे उद्‌घाटन जिल्हाधिकारी डॉ. विपिन यांच्या हस्ते झाले. या वेळी उपस्थित श्री. चलवदे, एकनाथराव पावडे यांनी शेतकऱ्यांपासून टरबूज, खरबूज, पपई, मोसंबी, पेरू विकत घेऊन विठोबा परिवारातील सदस्या सविता पावडे यांचा त्याच दिवशी (बुधवारी) असलेल्या वाढदिवस केकऐवजी फळे कापून साजरा करण्याचा निर्णय घेतला. 

या अनोख्या कार्यक्रमासाठी जिल्हा अधीक्षक कृषी अधिकारी रविशंकर चलवदे, जिल्हा उद्योग अधिकारी जितेंद्र देशमुख, जीएसटीचे सहायक आयुक्त एकनाथ पावडे, राजमुद्राचे संगमेश्‍वर लांडगे, प्रगतीतील शेतकरी प्रकाश पाटील, ज्ञानेश्‍वर पावडे, दिलीप पावडे, उद्योजक उद्धव पावडे, प्रा. साहेबराव पावडे, वैशाली पावडे तथा परिवारातील सदस्य उपस्थित होते. 

प्रतिक्रिया 
वाढदिवसाचा सोहळा अधिक पर्यावरणस्नेही करण्याचा उपक्रम अभिनंदनीय आहे. युवावर्गापर्यंत अभिनव पद्धतीने वाढदिवस साजरा करण्याचा संदेश पोहोचविणे गरजेचे ठरेल. 
- डॉ. परमेश्‍वर पौळ, पर्यावरण व जलतज्ज, नांदेड 

फळे कापून वाढदिवस साजरा करण्याची प्रथा विठोबा परिवारातील सर्वच सदस्यांनी पाळण्याचे ठरविले आहे. कोरोना काळात प्रतिकारशक्ती वाढविण्यासाठी व समाजामध्ये आरोग्यभान निर्माण करण्यासाठी ‘विठोबा’चा हा उपक्रम यशस्वी ठरेल याची खात्री आहे. 
- सतीश कुलकर्णी- मालेगावकर, विठोबा चळवळीतील सक्रिय कार्यकर्ता 

वृक्षमित्र चळवळीतील कार्यकर्ते यापुढील काळात वाढदिवस साजरा करण्यासाठी फळांचाच समावेश करणार असून, समाजातील विविध घटकांपर्यंत हा संदेश पोहोचविण्यासाठी कार्यरत राहणार आहेत. 
- संतोष मुगटकर, वृक्षमित्र चळवळीचे प्रणेते 


इतर ताज्या घडामोडी
पुणे जिल्ह्यातील तीन हजार कामे...पुणे : जिल्हा परिषदेने हाती घेतलेल्या शंभर दिवस...
जालन्यात गहु सोंगणीला सुरुवातपिंपळगाव रेणुकाई, जि. जालना : पिंपळगाव रेणुकाईसह...
बांबू प्रक्रियेसाठी कौशल्याची आवश्यकता...दापोली, जि. रत्नागिरी ः ‘‘विस्तार शिक्षण...
शेळी, मेंढीपालन व्यवसाय म्हणजे ‘एटीएम’...दोंडाईचा, जि. धुळे : कष्टकरी शेळी-मेंढीपालन...
ड्रॅगन फ्रूटची कलमे आगीत भस्मलांजा, जि. रत्नागिरी ः तालुक्यातील धुंदरे येथे डॉ...
नगर जिल्ह्यासाठी ५४० कोटी रुपयांचा निधी...नगर : नगर जिल्हा वार्षिक योजनेत २०२२-२३ या आर्थिक...
‘पोकरा’अंतर्गत ३२७ गावांसाठी १३०...औरंगाबाद : नानाजी देशमुख कृषी संजिवनी प्रकल्प (...
सोलापुरातील १३ साखर कारखाने ‘लाल यादी’तमाळीनगर, जि. सोलापूर ः यंदाच्या गाळप हंगामात...
जळगावात पावणेदोन लाख हेक्टरपर्यंत रब्बी...जळगाव ः जिल्ह्यात ऑगस्ट ते सप्टेंबर २०२१ दरम्यान...
खानदेशात कांदा पिकाची दहा हजार हेक्टरवर...जळगाव ः खानदेशात कांदा पिकाची लागवड सुरूच आहे....
‘गिरणा’चे वस्त्रहरण करणाऱ्यांवर कारवाई...चाळीसगाव, जि. जळगाव ः जळगाव जिल्ह्याची जीवनवाहिनी...
चांदवडमध्ये कांदा लिलाव सुरूनाशिक : अकरा जानेवारीपासून सोमवार (ता. १७) पर्यंत...
ग्रामपंचायतींना इंटरनेट सेवा त्वरित...सोलापूर : जिल्ह्यातील प्रत्येक ग्रामपंचायतींना...
ऊस तोडणीस विलंब; शेतकऱ्यांत चिंतासातारा ः अवेळी झालेल्या पाऊस, अनेक कारखान्यांची...
पुणे जिल्हा परिषदेवर प्रशासक?पुणे ः जिल्हा परिषदेसह जिल्ह्यातील विविध पंचायत...
गाव कोरोनामुक्त ठेवून ५० लाख जिंकापुणे ः कोरोनाच्या प्रादुर्भावापासून गावमुक्तीसाठी...
पाच जिल्ह्यांत १४ लाख हेक्‍टरवर रब्बीची...लातूर : विभागातील लातूर, उस्मानाबाद, परभणी,...
मिनी विधानसभेच्या निवडणुका मार्चमध्ये...मिनी विधानसभा समजल्या जाणाऱ्या राज्यातील १४...
गरज असलेल्या भागाला प्राधान्याने पाणी ः...नाशिक : मोठ्या प्रकल्पांमधील २०२१-२२ करिता...
पंचनामे झाले, नुकसान भरपाई कधी मिळणार?सांगली ः जिल्ह्यात डिसेंबर महिन्याच्या पहिल्या...