जळगाव : जळगाव जिल्हा बँक संचालकपदाच्या निवडणुकीवर भारतीय जनता पक्षाने बहिष्कार टाकला आहे. पक्षाचे नेते गिरीश महाजन यांच्यासह सर्व उमेदवारांनी माघार घेतली आहे. माघारीच्या अंतिम दिवशी विविध कार्यकारी सोसायटीच्या १५ पैकी ११ जागा बिनविरोध झाल्या आहेत. चार विविध कार्यकारी सोसायटी व सहा राखीव मतदारसंघात लढत होत आहे.
अर्ज माघार घेण्याची सोमवारी (ता. ८) अंतिम मुदत होती. भाजपने निवडणुकीवर बहिष्कार टाकण्याची घोषणा केली. जामनेर विविध कार्यकारी सोसायटी मतदारसंघातून आमदार गिरीश महाजन, तर जळगाव विविध कार्यकारी सहकारी सोसायटी मतदारसंघातून आमदार सुरेश भोळे यांनी माघार घेतली. पण भुसावळा सोसायटी मतदारसंघातून भाजपचे आमदार संजय सावकारे यांनी माघार घेतलेली नाही. तर तांत्रिक कारणामुळे भुसावळातून माघार होवू शकली नाही, असे स्पष्टीकरण आमदार सुरेश भोळे यांनी दिले.
बिनविरोध उमेदवार ः जळगाव : जयश्री सुनील महाजन महापौर (शिवसेना), मुक्ताईनगर : एकनाथ खडसे (राष्ट्रवादी), चाळीसगाव : प्रदीप रामराव देशमुख (राष्ट्रवादी), पाचोरा : आमदार किशोर धनसिंग पाटील (शिवसेना), धरणगाव : संजय मुरलीधर पवार (राष्ट्रवादी), बोदवड : रवींद्र प्रल्हादराव पाटील (राष्ट्रवादी), भडगाव : प्रताप हरी पाटील, पारोळा : आमदार चिमणराव रूपचंद पाटील (शिवसेना), एरंडोल : अमोल चिमणराव पाटील (शिवसेना), जामनेर : नाना राजमल पाटील (राष्ट्रवादी), अमळनेर : आमदार अनिल भाईदास पाटील (राष्ट्रवादी).
या मतदारसंघात होणार लढत
विश्वासघात, दडपशाहीचा निषेध : महाजन भाजपने निवडणुकीवर बहिष्कार टाकला, याबाबत भाजप नेते आमदार गिरीश महाजन म्हणाले, की महाविकास आघाडीच्या तिन्ही पक्षांनी बिनविरोध निवडणूक करण्याचा निर्णय घेतला होता. त्याला भाजपनेही सहमती दर्शविली होती. आमच्या बैठका झाल्या. मात्र ऐनवेळी तिन्ही पक्षांनी विश्वासघात केला व सर्वपक्षीय पॅनेलला नकार दिला. त्यानंतर अधिकाऱ्यावर दबाव आणून आमच्या उमेदवारांचे अर्ज बाद केले. नाशिक येथील अधिकाऱ्यांनीही आमचे ऐकले नाही.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.