गावोगावी ‘कमळा'ने रंगल्या घरांच्या भिंती; 'भाजप'ची प्रचारात आघाडी

गावोगावी ‘कमळा'ने रंगल्या घरांच्या भिंती; 'भाजप'ची प्रचारात आघाडी
गावोगावी ‘कमळा'ने रंगल्या घरांच्या भिंती; 'भाजप'ची प्रचारात आघाडी

पुणे : आगामी लोकसभा-विधानसभा निवडणुकांमध्ये शिवसेनेशी युती होऊ अगर न होऊ भाजपने मात्र ग्रामीण भागात ‘कमळ'' फुलविण्याची जोरदार तयारी केली आहे. ग्रामीण भागातील वाड्यावस्त्यांवरील घरांवर कमळासह विविध योजनांची घोषवाक्ये उमलल्याचे चित्र जुन्नर तालुक्यातील पश्‍चिम भागात प्रकर्षाने दिसून लागले आहे. विशेष म्हणजे जुन्नर तालुका लोकसभेच्या शिरूर मतदारसंघात येत असून, या मतदारसंघाचे शिवसेनेचे शिवाजारीव आढळराव पाटील हे असून, गेली १५ वर्षे प्रतिनिधित्व करत आहे. असे असतानादेखील भाजप या भागात मतदारसंघातील मतदारांवर ‘कमळ'' बिंबविण्याचे प्रयत्न करीत आहे. याबाबत बेलसर आणि बोतार्डे गावातील गावकरी आणि घरांच्या मालक म्हणाले, ‘‘दोन माणसे दुचाकीवर येऊन आमच्याकडून छापील संमतीपत्रावर सह्या घेतल्या व आमच्या घरांच्या भिंतीवर कमळ आणि बेटी बचाव- बेटी पढाओ, स्वच्छ भारत-सुंदर भारत, सबका साथ-सबका विकास ही घोषवाक्ये रंगविली आहेत. हा भाजपचा निवडणुकीचा प्रचार असल्याचेही गावकरी म्हटले.’’  एकीकडे भाजपा ग्रामीण भागात पक्षाचे चिन्ह पोचविण्यासाठी प्रयत्नशील असतानाचे दिसत आहे. मात्र सत्तारूढ शिवसेनेसह विरोधी पक्ष असलेले कॉँग्रेस, राष्ट्रवादी काँग्रेसचे स्थानिक नेते, कार्यकर्ते कोमातच असल्याची चर्चा राजकीय वर्तुळातू रंगू लागली आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com