agriculture news in Marathi, boll worm attack on everywhere in state, Maharashtra | Agrowon

बोंड अळी सर्वत्रच

टीम अॅग्रोवन
शनिवार, 11 ऑगस्ट 2018

पुणे: शेतकऱ्यांना लवकर बियाणे न विकण्याची कंपन्यांना तंबी, कोट्यवधी रुपयांचा प्रसारप्रचारावर खर्च करूनही यंदादेखील गुलाबी बोंड अळीचे राज्यभर आक्रमण झालेले आहे. बोंड अळीच्या संभाव्य नुकसानीचा अंदाज अजून तरी काढता येणार नाही, असे कृषी विभागातील सूत्रांनी स्पष्ट केले. 

कपाशीच्या पिकांमध्ये बोंड अळीने आर्थिक नुकसानीची पातळी (ईटीएल) ओलांडली असलेल्या गावांची संख्या दिवसेंदिवस वाढते आहे. मात्र, गेल्या हंगामाइतका प्रादुर्भाव अद्याप नसला तरी पुढे या गावांच्या संख्येत किती वाढ होईल याचा अंदाज आम्हाला आलेला नाही, असे सूत्रांचे म्हणणे आहे. 

पुणे: शेतकऱ्यांना लवकर बियाणे न विकण्याची कंपन्यांना तंबी, कोट्यवधी रुपयांचा प्रसारप्रचारावर खर्च करूनही यंदादेखील गुलाबी बोंड अळीचे राज्यभर आक्रमण झालेले आहे. बोंड अळीच्या संभाव्य नुकसानीचा अंदाज अजून तरी काढता येणार नाही, असे कृषी विभागातील सूत्रांनी स्पष्ट केले. 

कपाशीच्या पिकांमध्ये बोंड अळीने आर्थिक नुकसानीची पातळी (ईटीएल) ओलांडली असलेल्या गावांची संख्या दिवसेंदिवस वाढते आहे. मात्र, गेल्या हंगामाइतका प्रादुर्भाव अद्याप नसला तरी पुढे या गावांच्या संख्येत किती वाढ होईल याचा अंदाज आम्हाला आलेला नाही, असे सूत्रांचे म्हणणे आहे. 

गुलाबी बोंड अळी नियंत्रणाकरिता कृषी विभाग सर्व पातळ्यांवर धडपड करतो आहे. त्यामुळेच आतापर्यंत सव्वाचार लाख सापळे लावले गेले आहेत. मात्र, प्रयत्न करूनही काही गावांमध्ये आर्थिक नुकसान पातळीच्यावर बोंड अळी पसरली आहे, अशी माहिती सूत्रांनी दिली. 

फवारणीद्वारे बोंड अळीचे नियंत्रण करण्यासाठी आठ कोटी रुपयांचे कीटकनाशक वाटली जात आहेत. त्यासाठी शेतकऱ्यांना जास्तीत जास्त दीड हजार रुपयांपर्यंत अनुदान दिले जात आहे. बोंड अळीमुळे यंदा निश्चित किती नुकसान होईल, याचा अंदाज कृषी खात्याला आलेला नाही, अशी माहिती सूत्रांनी दिली. 
कृषी आयुक्त सच्चिंद्र प्रताप सिंह यांनी बोंड अळीसाठी सुरवातीपासून उपाययोजना केलेल्या आहेत. कापूस उत्पादक पट्ट्यातील ग्रामपंचायतींना बोंड अळी नियंत्रण मोहिमेत सहभागी करून घ्या, तसेच गावागावात फिरून कापूस उत्पादक शेतकऱ्यांना सल्ला आणि दिलासा द्या, अशा सूचना आयुक्तांनी दिलेल्या आहेत. 

गुलाबी बोंड अळीने गेल्या हंगामात ३४ लाख ३५ हजार हेक्टरवरील कपाशीचा फडशा पाडला होता. त्यामुळे १३ लाख ५९ हजार शेतकऱ्यांना आर्थिक फटका बसला. यंदा काही भागात गुलाबी बोंड अळीमुळे कपाशीची उत्पादकता घटू शकते. मात्र, पुढील दोन महिन्यानंतर उत्पादकेतेविषयी चित्र स्पष्ट होईल, असे एका अधिकाऱ्याने सांगितले. चालू हंगामात शेतकऱ्यांनी ४० लाख हेक्टरच्या आसपास कपाशीचा पेरा केला आहे. बोंड अळी तसेच बोगस बियाणे यामुळे काही भागातील शेतकऱ्यांना उत्पादनात फटका बसण्याची शक्यता आहे. 

क्रॉपसॅपच्या माध्यमातून आम्ही गुलाबी बोंड अळीचे सर्वेक्षण राज्यभर हाती घेतले आहे. सामूहिक नियंत्रणासाठी सध्या २० जिल्ह्यांमध्ये चार लाख २० हजार सापळे देण्यात आलेले  आहेत. सापळ्यातील ल्युअर्स मुदतीत न बदल्यात या सापळ्याचा काहीही उपयोग होत नाही. त्यामुळे आम्ही आम्ही साडेबारा लाख ल्युअर्स पुरविले आहेत, असे कृषी विभागाचे म्हणणे आहे. 

अनेक जिल्ह्यांत प्रादुर्भाव
बोंड अळीने आतापर्यंत नाशिक जिल्ह्यात दोन, नगर जिल्ह्यात ३० , सोलापूर एक, औरंगाबाद जिल्ह्यात १५, बीड १६, जालना दोन, हिंगोली ८, हिंगोली ९, लातूर २, उस्मानाबाद ३, परभणी ४५, नांदेड २५, अकोला १३, अमरावती ३, बुलडाणा ३८, वाशीम ७, यवतमाळ २२, नागपूर १०, चंद्रपूर ५, तर वर्धा जिल्ह्यात एकूण १२ गावांमधील कपाशीच्या क्षेत्रात आर्थिक नुकसानीची पातळी (ईटीएल) ओलांडली आहे.  

यंदाही कंपन्यांच्याविरोधात कारवाईची शक्यता
बोंड अळीमुळे यंदा शेतकऱ्यांचे जादा नुकसान झालेच तर संबंधित कापूस उत्पादक कंपन्यांच्या विरोधात महाराष्ट्र कापूस बी-बियाणे कायदा २००९ मधील तरतुदीप्रमाणे कारवाई होण्याची शक्यता यंदाही आहे. शेतकऱ्यांना भरपाई मिळण्यासाठी पंचनामेदेखील करावे लागतील. याबाबत अंतिम चित्र मात्र दिवाळीनंतरच स्पष्ट होईल, असे एका विभागीय कृषी सहसंचालक कार्यालयाने स्पष्ट केले.


इतर अॅग्रो विशेष
संगमनेर तालुका संघाकडून ५० टक्के...नगर: संगमनेर तालुका सहकारी दूध संघाने दूध...
उगाव येथे सामूहिक पातळीवर दशपर्णी अर्क...नाशिक: निफाड तालुक्यातील उगाव येथील श्री. श्री....
किसान क्रेडिट कार्डवर बिनव्याजी कर्ज...नाशिक: शेतकऱ्यांना शेतीकामासाठी आर्थिक मदत करणे...
दुधाला दर नसल्याने, दुभती जनावरे ...सोलापूर ः दुधाला मागणी असूनही केवळ योग्य तो दर...
मराठा समाजाला विश्वासात घेणार : अशोक...मुंबई : मराठा आरक्षणाच्या न्यायालयीन लढाईत राज्य...
पुण्यात शेतमाल पुरवठा देखील बंद पुणे: कोरोनाची उफाळून आलेली साथ रोखण्यासाठी...
देशाच्या सूत निर्यातीत मोठी घट जळगाव ः कोरोना व इतर संकटांमध्ये देशातील सूत...
मराठवाड्यात २६ टक्के पीककर्ज वितरणऔरंगाबाद : मराठवाड्यातील आठही जिल्ह्यांत...
कृषी निविष्ठा विक्रेत्यांचा राज्यात बंद...औरंगाबाद: कृषी निविष्ठा विक्रेत्यांच्या...
राज्यात पावसाला पोषक हवामानपुणे : राज्यात पावसाला पोषक हवामान होत असल्याने...
जलसंधारण,शिक्षण अन् कृषी विकासाचा रचला...सुदृढ, आत्मनिर्भर समाज घडविणे या उद्देशातून जळका...
दुग्ध व्यवसाय ठरतोय शेतीला आधारपनवेल येथील बांधकाम व्यावसायिक अनिल लक्ष्मण...
कृषी आयुक्त दिवसेंची बदली, गायकवाड...मुंबई : राज्य सरकारने शनिवारी महत्त्वपूर्ण...
कृषी निविष्ठा विक्रेत्यांना आरोपी नव्हे...पुणे : राज्यात खते, बियाणे, कीटकनाशकांची विक्री...
आनंदाची पातळी बदलतेय उत्पन्नांनुसारआजच्या जगामध्ये सामाजिक आर्थिक निकषांमध्ये वेगाने...
शेती क्षेत्रातील बदल टप्याटप्याने...नागपूर ः शेतकऱ्यांच्या बांधापर्यंत कृषी...
राज्यात कृषी सेवा केंद्रांचा बंद सुरूपुणेः सोयाबीन बियाणे न उगवल्या प्रकरणी...
औरंगाबाद जिल्ह्यातील थेट शेतमाल विक्री...औरंगाबाद : कोरोना संकटामुळे शेतकरी ते ग्राहक...
रुतलेले अर्थचक्राने विकासालाही ‘ब्रेक’''मूडी'' या पतमानांकन संस्थेने अलीकडेच आपला अहवाल...
बेलखेडा होणार संत्रा उत्पादक गावरिसोड, जि. वाशीम ः तालुक्यातील दोन हजार लोकसंख्या...