agriculture news in marathi, bollworm and milk rate issue may strongly discuss in this week, nagpur, maharashtrath | Agrowon

बोंड अळी नुकसानीची मदत, दूध दराचा मुद्दा तापणार

टीम अॅग्रोवन
सोमवार, 9 जुलै 2018

नागपूर   : फडणवीस सरकारने अट्टहासाने नागपुरात घेतलेल्या पावसाळी अधिवेशनात राज्यातील शेतकरीच केंद्रबिंदू राहणार हे स्पष्ट झाले आहे. विशेषतः विदर्भातील शेतकऱ्यांच्या दृष्टीने बोंड अळी नुकसानीपोटीच्या मदत वाटपातील विलंबाचा मुद्दा महत्त्वाचा राहणार आहे. तसेच आगामी आठवड्यात राज्यात दुधाचे आंदोलन तापणार आहे, त्याचेही पडसाद अधिवेशनात उमटणार आहेत.

नागपूर   : फडणवीस सरकारने अट्टहासाने नागपुरात घेतलेल्या पावसाळी अधिवेशनात राज्यातील शेतकरीच केंद्रबिंदू राहणार हे स्पष्ट झाले आहे. विशेषतः विदर्भातील शेतकऱ्यांच्या दृष्टीने बोंड अळी नुकसानीपोटीच्या मदत वाटपातील विलंबाचा मुद्दा महत्त्वाचा राहणार आहे. तसेच आगामी आठवड्यात राज्यात दुधाचे आंदोलन तापणार आहे, त्याचेही पडसाद अधिवेशनात उमटणार आहेत.

यापूर्वी तीनदा तर यंदाचे हे चौथे पावसाळी अधिवेशन मोठ्या कालखंडानंतर नागपुरात होत आहे. साहजिकच खरीप हंगामाच्या पार्श्वभूमीवर नागपुरात होत असलेल्या या अधिवेशनात विदर्भातील शेती आणि शेतकऱ्यांचे प्रश्नच ऐरणीवर राहणार आहेत. अधिवेशनाच्या पूर्वसंध्येला विरोधी पक्ष आणि राज्य सरकारनेसुद्धा शेतकरीविषयक मुद्यांना हात घालत याची प्रचिती आणून दिली आहे. मुख्यमंत्र्यांनी या पावसाळी अधिवेशनात केंद्रबिंदू अर्थातच खरीप हंगाम आणि शेतकऱ्यांचे प्रश्न असतील हे स्पष्ट केले आहे. तसेच शेतकऱ्यांचे विविध प्रश्न सोडविण्यासाठी या अधिवेशनात निर्णय घेतले जातील, असेही जाहीर केले आहे.

गेल्या वर्षीच्या बोंड अळीच्या नुकसानीचा मुद्दा अधिवेशनात तापणार हे गृहीत धरून श्री. फडणवीस यांनी या बोंड अळीग्रस्त शेतकऱ्यांना भरपाईपोटी २ हजार ३३७ कोटी रुपये द्यावयाचे होते. त्यापैकी आतापर्यंत २ हजार १०० कोटी रुपये देण्यात आले आहेत. उर्वरित रक्कम देण्याची प्रक्रिया सुरू असल्याचे स्पष्ट केले आहे. बोंड अळी नुकसानीची १८ लाख १६ हजार ५५७ शेतकऱ्यांना थेट मदत देण्यात आली आहे. याशिवाय नुकतीच ३०० कोटी रुपयांची मागणी आली आहे. तीही देण्यात येईल, असे सुरुवातीलाच जाहीर केले.

तसेच हंगामातील पीक कर्ज वाटपाचा मुद्दा तापणार असल्याचे विचारात घेत याकडे राज्य शासन गांभीर्याने पाहत असल्याचे स्पष्ट केले. यंदाच्या हंगामात आतापर्यंत २५ टक्क्यांपेक्षा जास्त शेतकऱ्यांना पीक कर्ज दिले आहे. पुढील महिन्यापर्यंत पीककर्ज वाटप सुरळीत होण्यासाठी प्रयत्न करीत आहोत, अशी माहितीही त्यांनी या वेळी दिली.

तूर आणि हरभरा खरेदीवरून विरोधक रान पेटविण्याचा अंदाज घेऊन मुख्यमंत्र्यांनी या आघाडीवर शासनाने केलेल्या कारवाईची माहिती जाहीर केली. राज्यात शेतकऱ्यांकडून तूर व हरभरा विक्रमी खरेदी करण्यात आल्याचे त्यांनी सांगितले. २०१७-१८ मध्ये २ लाख ६५ हजार ८५४ शेतकऱ्यांकडून १८३५ कोटींची ३ लाख ३६ हजार ७१८ टन तूर खरेदी करण्यात आली आहे. तसेच १ लाख ४० हजार शेतकऱ्यांकडून १ लाख ९४ हजार ६२६ टन हरभऱ्याची खरेदी करण्यात आल्याची माहिती मुख्यमंत्र्यांनी दिली. 

सध्याच्या दूध दराच्या तिढ्यावर दूध उत्पादक शेतकऱ्यांना दिलासा देण्याच्या दृष्टीने यंदाच्या अधिवेशनात दुधाच्या संदर्भातील समग्र धोरण जाहीर करण्यात येईल, असेही त्यांनी सांगितले. दूधदराच्या प्रश्नावर येत्या आठवड्यात राज्यात तीव्र आंदोलन होणार आहे, त्याचेही तीव्र पडसाद अधिवेशनात उमटणार आहेत.

शेतकरी कर्जमाफीबाबत मुख्यमंत्री फडणवीस म्हणाले, की आतापर्यंत ४६ लाख खाती पूर्ण झाली असून ३८ लाख शेतकऱ्यांच्या खात्यांमध्ये कर्जमाफीचे पैसै जमा झाले आहेत. शेवटच्या पात्र शेतकऱ्याला कर्जमाफी मिळेपर्यंत ही योजना सुरू राहील, असे त्यांनी सांगितले. विरोधकांकडून शेती आणि शेतकरी प्रश्नावर मुद्यांवर सरकारला खिंडीत गाठण्याचा प्रयत्न होणार आहे. बोंड अळीग्रस्तांना मदत, शेतकरी कर्जमाफी, पीक कर्ज वाटप, तूर-हरभरा खरेदी, प्रोत्साहन अनुदान, नाणार प्रकल्प यावरून सरकारवर विरोधकांकडून जोरदार आक्रमण केले जाणार असल्याचा अंदाज आहे.


इतर अॅग्रो विशेष
सुर्डीतील तरुणांनी तेरा पाझर तलावांना...वैराग, जि. सोलापूर ः ‘वॉटर कप’ स्पर्धेत राज्यात...
कापूस विक्रीसाठी नोंदणी थांबविलीजळगाव ः शासकीय केंद्रात कापूस विक्रीसाठी बाजार...
प्रयोगशील दुग्ध व्यवसायातून पुढारले...माळीसागज (जि. औरंगाबाद) गावात कोरडवाहू क्षेत्र...
पाच हजार शेतकऱ्यांची ‘रिसोर्स बॅंक’कऱ्हाड, जि. सातारा ः शेतकऱ्यांवर सातत्याने...
राज्यात तुरळक ठिकाणी पावसाचा दणका पुणे ः राज्यात गेल्या दोन दिवसांपासून कोकणातही...
‘जीआय’प्राप्त शेतकरी ‘वापरकर्ते’ करणारपुणे: राज्यातील पिकांना भौगोलिक निर्देशांक मिळाले...
तीन दिवसांत मदतीबाबत निर्णय: मुख्यमंत्रीसोलापूर ः हवामान विभागाने आणखी दोन-तीन दिवस...
राज्यात पावसासाठी पोषक स्थिती पुणे ः बंगालचा उपसागर व दक्षिण आंध्रप्रदेश...
शेतकऱ्यांना मदतीसाठी कर्जाशिवाय गत्यंतर...तुळजापूर, जि. उस्मानाबाद: स्थानिक लोकांशी...
कोरोनामुळे वाढल्या कृषी व्यापार संधीचीनच्या तुलनेत आपली अर्थव्यवस्था मजबूत करायची...
कृषी ‘समृद्धी’चा मार्गबाळासाहेब ठाकरे मुंबई-नागपूर समृद्धी महामार्गालगत...
अकोले तालुक्यात होतेय डांगी गोवंशाचे...अकोले तालुक्यातील (जि. नगर) डोंगराळ, अति...
सोशल मिडीयावर ‘#ओला_दुष्काळ’ ट्रेंडनांदेड : राज्यात अतिवृष्टीमुळे उद्भवलेल्या पूर...
`समृद्धी`वर उभारणार गोदामे, शीतगृहे पुणेः मराठवाडा आणि विदर्भातील शेतकऱ्यांना शेतमाल...
पुण्यातील फूल बाजाराच्या कामाला गती पुणे: पुणे कृषी उत्पन्न बाजार समितीच्या वतीने...
राज्यात ठिकठिकणी जोरदार पाऊस पुणेः राज्यातील पावसाचा प्रभाव कमी...
केळी निर्यातीसाठी ‘बनानानेट’च्या...नागपूर: राज्यातून केळीची निर्यात वाढल्यानंतर आता...
देशातील सूतगिरण्या ९५ टक्के क्षमतेने...जळगाव ः देशातील सुमारे ७१५ सूतगिरण्या ९५ टक्के...
जिल्हानिहाय ऑनलाइन निविष्ठा परवाने वाटप...पुणे: राज्यात खते, बियाणे व कीडनाशकांच्या...
ओतूरमध्ये कांद्याला किलोला कमाल ८०...पुणे: पुणे जिल्ह्यातील जुन्नर बाजार समितीच्या...