agriculture news in Marathi Brazil may import wheat, rice and other millets from India Maharashtra | Agrowon

ब्राझील भारताकडून गव्हासह भरडधान्य खरेदीची शक्यता 

कोजेन्सिस वृत्तसेवा
मंगळवार, 28 जानेवारी 2020

दक्षिण अमेरिकन देशांसोबत असलेल्या व्यापार संधींपेक्षा सध्या खूपच कमी व्यापार होत आहे. देशाचा ब्राझीलसोबत व्दिपक्षीय व्यापार २०१८-१९ मध्ये १०५ कोटी डॉलरचा होता. त्यामुळे या देशांसोबतच्या व्यापाराला प्रोत्साहन देण्याची आवश्‍यकता आहे. 
- नरेंद्रसिंह तोमर, केंद्रीय कृषिमंत्री 
 

नवी दिल्ली: दोन्ही देशांच्या कृषिमंत्र्यांमध्ये झालेल्या चर्चेनंतर ब्राझील भारताकडून गहू, भात आणि इतर भरडधान्य खरेदीची शक्यता आहे, अशी माहिती केंद्रीय कृषिमंत्रालयाने दिली. 

केंद्रीय कृषिमंत्री नरेंद्रसिंह तोमर आणि ब्राझीलच्या कृषिमंत्री टरेझा क्रिस्टीना कोरेआ डा कोस्टा डियाझ यांच्यामध्ये द्विपक्षीय व्यापार संधींबाबत नुकतीच चर्चा झाली. चर्चेमध्ये ब्राझीलच्या कृषिमंत्र्यांनी भारतातून भरडधान्य आयातीसाठी अनुकूलता दर्शविली. 

ब्राझील हा जगात गहू, भात आणि इतर धान्य आयात करणार महत्त्वाचा देश आहे. तर, भारत हा गहू आणि भात उत्पादनातील मोठा देश आहे. ‘‘२०१८-१९ मध्ये भारताचा ब्राझीलसोबत द्विपक्षीय व्यापार १०५ कोटी डॉलरचा होता. व्यापाराच्या संधी उपलब्ध असल्यांपैकी हा आकडा कमी असून भारत आणि दक्षिण अमेरिकन देशांमधील असलेल्या व्यापाराला प्रोत्साहन देण्याची गरज आहे,’’ असे मंत्री तोमर म्हणाले. 

कृषिमंत्री तोमर बैठकीत डियाझ म्हणाल्या, की ब्राझील भारतातून गहू, भात, भरडधान्य, तूर आयात करण्यासंबंधी अनुकूल आहे. ब्राझीलचा शून्य टक्के आयातशुल्काने साडेसात लाख टन गहू आयातीचा कोटा आहे. याचा वापर भारत ब्राझीलला निर्यात करण्यासाठी करतो. ब्राझील दरवर्षी ७० लाख टन गहू आयात करतो. 

ब्राझीलकडून गहू आणि भात आयातीसाठी दाखविलेल्या अनुकूलतेमुळे भारत सरकारलाही दिलासा मिळेल. केंद्राकडे सध्या गहू आणि भाताचा मोठा साठा शिल्लक आहे आणि हा साठा कमी करण्याचा प्रयत्न सरकारने अनेक दिवसांपासून करत आहे. त्यामुळे ब्राझीलसोबत झालेल्या चर्चेनंतर अतिरिक्त गहू आणि भाताची विल्हेवाट लावण्याचे आव्हान कमी होण्याची शक्यता आहे. 

भारताकडे अतिरिक्त बफरस्टॉक 
केंद्राकडे एक जानेवारी रोजी गव्हाचा ३२८ लाख टन एवढा बफरस्टॉक होता. प्रत्यक्षात अन्नसुरक्षाचा विचार करता १३८ लाख टन गव्हाचीच आवश्‍यकता आहे. तसेच ७६ लाख टन भाताच्या बफरस्टॉकची आवश्‍यकता असताना भाताचा २३७ लाख टन साठा आहे. त्यामुळे अतिरिक्त गहू आणि भाताची विल्हेवाट लावण्याचे आव्हान केंद्र सरकारपुढे आहे. हा साठा द्वीपक्षीय व्यापार करारातून कमी करण्याचा सरकारचा प्रयत्न आहे. 


इतर अॅग्रोमनी
बीटी वांग्याच्या दुसऱ्या टप्प्यातील...पुणे : देशभरात चर्चेत असलेल्या बीटी वांग्याच्या...
साखर निर्यातीचे करार ५७ लाख टनांवरकोल्हापूर : देशातल्या साखर निर्यातीचे करार आता ५७...
खरिपाचा पेरा सरासरी क्षेत्राच्याही पुढेनवी दिल्लीः कोरना देशात यंदा पाऊसमान चांगले...
फुलशेतीला सजावट व्यवसायाची साथकवठेपिरान (जि. सांगली) येथील अत्यल्पभूधारक अकबर...
हापूस आंब्यासाठी नव्या बाजारपेठांची गरजपोर्तुगिजांच्या काळात मुंबईच्या बाजारपेठेत हापूस...
ब्राझीलचे साखर उत्पादन वाढण्याचा अंदाजकोल्हापूर: गेल्या वर्षी इथेनॉल उत्पादनाकडे...
प्रक्रिया, सामूहिक विपणन, थेट...नाशिक: ‘कोरोना’च्या पार्श्वभूमीवर टाळेबंदी लागू...
खाद्यतेल आयातीवर निर्बंध आणा: सोपा नागपूर : देशातील नागरिकांचे आरोग्य जपण्याकरिता...
मत्स्यपालनाच्या शाश्वततेसाठी योग्य धोरण...जागतिक पातळीवर लोकसंख्या वेगाने वाढत असून,...
महागाई नियंत्रणासाठी रेपो दर 'जैसे थे' मुंबई: भारतीय रिझर्व्ह बँकेने आपले ऑगस्ट आणि...
देशभरात ‘नाफेड’कडून ८६ हजार टन कांदा...नाशिक: केंद्र सरकारच्या भाव स्थिरीकरण निधी...
कृषी सुधारणांचा वेळोवेळी आढावा घ्याः ‘...नवी दिल्लीः केंद्र सरकार ‘पीएम-किसान’...
काश्‍मिरी केशरला भौगोलिक मानांकनजम्मू: काश्‍मिरमध्ये उत्पादीत होणाऱ्या केशरला...
देशात खरिपाचा ६५ टक्के पेरा आटोपलानवी दिल्लीः देशात खरिपाखालील सरासरी क्षेत्र १...
‘स्ट्रॉबेरी‘ला बाजारपेठ विस्ताराची गरजस्ट्रॉबेरी उत्पादक पट्यात पॅकहाउस आणि शीतकरण...
भारतातून यंदा दशकातील विक्रमी साखर...कोल्हापूर: लॉकडाउनच्या संकटानंतरही साखर...
सांगली बाजारसमितीत हळद विक्रीत पाच लाख...सांगली ः सांगली बाजार समिती हळदीच्या...
शेतीमाल निर्यातीला चीन वादाचा फटका नाहीपुणे : महाराष्ट्रातून चीनला होणारी शेतीमालाची...
बिगर बासमती तांदळाच्या निर्यातवाढीसाठी...पुणे: तांदळाच्या जागतिक बाजारपेठेतील स्पर्धेत...
हिंगोलीत ई-नामअंतर्गत ६२२ क्विंटल हळद...हिंगोली ः हिंगोली कृषी उत्पन्न बाजार समितीच्या...