Agriculture news in Marathi Brazilian sugar caused prices to fall | Agrowon

ब्राझीलच्या साखरेमुळे दर घसरले

राजकुमार चौगुले
शुक्रवार, 3 जुलै 2020

वाहतुकीतले अडथळे दूर झाल्याने ब्राझीलची साखर मोठ्या प्रमाणात जगभरातील महत्त्वाच्या बाजारपेठांमध्ये दाखल होत आहे. परिणामी, गेल्या सप्ताहापासून आंतरराष्ट्रीय बाजारात साखरेचे दर ४० ते ४५ डॉलरनी घसरले आहेत.

कोल्हापूर : गेल्या हंगामाच्या तुलनेत यंदा ब्राझीलमध्ये साखरेच्या उत्पादनात साठ टक्क्यांपेक्षा अधिक वाढ झाल्याने त्याचा परिणाम आता साखरेच्या आंतरराष्ट्रीय बाजारपेठेवर दिसून येत आहे. वाहतुकीतले अडथळे दूर झाल्याने ब्राझीलची साखर मोठ्या प्रमाणात जगभरातील महत्त्वाच्या बाजारपेठांमध्ये दाखल होत आहे. परिणामी, गेल्या सप्ताहापासून आंतरराष्ट्रीय बाजारात साखरेचे दर ४० ते ४५ डॉलरनी घसरले आहेत. आठवड्यापूर्वी असणारा टनाचा दर ३९६ अमेरिकन डॉलरवरून ३५१ डॉलरवर आला आहे. दराचा घसरता आलेख भारतासाठीही धोक्‍याची घंटा आहे. आणखी दर खाली येण्याअगोदर उद्दिष्टांपैकी शिल्लक साखर तातडीने निर्यातीची गरज निर्माण झाली आहे.

जागतिक बाजारात ब्राझीलच्या साखरेचा दबदबा आहे. गेल्या वर्षी ब्राझीलने इथेनॉलनिर्मितीला प्राधान्य दिले होते; परंतु इथेनॉलला अपेक्षित दर न मिळाल्याने यंदा ब्राझीलने परत साखर उत्पादन वाढविले. ब्राझीलचा हंगाम मार्चपासून सुरू झाला आहे. दोन महिन्यांत ब्राझीलच्या साखर उत्पादनात गेल्या वर्षीच्या तुलनेत साठ टक्के वाढ झाली. गेल्या वर्षी ४८ लाख टन उत्पादन पहिल्या दोन महिन्यांत होते. हेच उत्पादन आता ८० लाख टनापर्यंत पोचले. पहिल्या दोन महिन्यांत साखर उत्पादित तर झाली; परंतु वाहतूक होत नसल्याने ब्राझीलमध्ये साखरेचे साठे तसेच पडून होते. यामुळे आंतरराष्ट्रीय पातळीवरही साखरेची हालचाल थांबली होती.

जून महिन्यापासून जगात अनेक ठिकाणी अनलॉकची प्रक्रिया सुरू झाल्याने निर्यातीलाही चालना मिळाली. ब्राझीलचे अडथळे दूर झाल्याने ब्राझीलची साखर गतीने आंतरराष्ट्रीय बाजारात दाखल होत आहे. याचा नकारात्मक परिणाम लंडनसह अन्य बाजारपेठांतील साखर दरावर होत आहे. साखर जादा येत असल्याने दरातही घसरण सुरू झाली आहे. याचा फटका आता भारतालाही बसण्याची शक्‍यता निर्माण झाली आहे.

सुधारित साखर कोट्याची प्रतीक्षा  
अजूनही भारतीय साखरेला अनेक देशांकडून मागणी आहे. ब्राझीलची साखर वेगात बाजारपेठांमध्ये जाण्याअगोदर भारतीय साखर संबंधित देशांकडे पोच होणे गरजेचे आहे. केंद्राने जे साखर कारखाने साखर निर्यात करणार नाही त्या कारखान्यांचा कोटा कमी करून ज्यांनी अगोदरच कोट्याइतकी साखर निर्यात केली आहे त्यांना अतिरिक्त कोटा देण्याबाबत मार्चमध्ये आदेश काढले होते. साठ लाख टन उद्दिष्टांपेक्षा अद्याप दहा ते पंधरा लाख टन साखर निर्यात झाली नाही. हे कोटे तातडीने संबंधित साखर कारखान्यांना मिळाल्यास आणखी दर घसरण्याअगोदर नव्याने कोटा मिळालेले कारखाने साखर निर्यात करू शकतील, असे साखर उद्योगातील सूत्रांनी सांगितले.

‘एमएसपी’वाढीकडे लक्ष
साखरेचा प्रस्तावित किमान विक्री दर (एमएसपी) तातडीने वाढविला तर याचा फायदा देशांतर्गत साखर विक्रीसाठी होऊ शकतो. किमान विक्री दर वाढीची अंमलबजावणी तातडीने झाल्यास स्थानिक बाजारपेठेत दर चांगला मिळेल. केंद्राने तातडीने याबाबतची कार्यवाही करावी, अशी मागणी साखर कारखानदारांची आहे.

ब्राझीलच्या साखरेमुळे जागतिक बाजारात साखरेचे दर कमी झाले आहेत. गेल्या महिनाभरात भारतातील साखरही निर्यात होण्याच्या हालचाली वाढल्या. आंतरराष्ट्रीय बाजारात आणखी दर कमी होण्याअगोदर उद्दिष्टाइतकी साखर निर्यात करण्यासाठी केंद्र व कारखाना दोन्ही स्तरांवर वेगाने प्रयत्न होणे आवश्‍यक आहे.
— अभिजित घोरपडे,  साखर निर्यातदार, कोल्हापूर


इतर अॅग्रोमनी
दराचे संरक्षण देणाऱ्या योजना राबवाव्यात पुणे ः ‘एनसीडीईएक्स’ने ‘पुट ऑप्शन’मधून शेतकरी...
‘बासमती’ची तांदळाचा तुटवडाकोल्हापूर: गेल्या महिन्यापासून सुरु असलेल्या...
सोयाबीन बाजारात तेजीचेच संकेतपुणे ः शेतकरी आणि व्यापाऱ्यांनी ८० टक्के सोयाबीन...
तांदळाच्या विक्रमी निर्यातीची यंदा शक्‍...कोल्हापूर : देशात यंदा भाताचे चांगले उत्पादन...
कापसाच्या दरात सुधाराची चिन्हेपुणे ः ‘सीसीआयने’ कापसाला हमीभावापेक्षा  ३००...
केंद्रीय अर्थसंकल्पातून होणार सवलतींची...नवी दिल्ली ः कोरोनाच्या संसर्गामुळे...
मालविक्रीसाठी ३५ शेतकरी कंपन्या एकाच...शेतकऱ्यांना ‘शेतीमाल पिकवता येतो, मात्र विकता येत...
हंगामाच्या प्रारंभीच कोलम, आंबेमोहोर...कोल्हापूर: देशातील तांदळाचा हंगाम सुरु झाला आहे....
राष्ट्रीय सहकारी साखर कारखाना महासंघ...कोल्हापूर : राज्य सहकारी साखर कारखाना...
सुताच्या दरात मोठी वाढजळगाव ः जगभरातील प्रमुख आयातदारांकडून सुताची मोठी...
कारखान्यांपुढे साखर विक्रीचे आव्हानकोल्हापूर : गेल्या काही दिवसांत देशात वाढणारी...
हमीभावाने १८ टक्के अधिक धान्य खरेदी :...नवी दिल्ली : केंद्र सरकारने नोव्हेंबरअखेर खरीप...
कापूस गाठींच्या दरात सुधारणाजळगाव ः जगातील वस्त्रोद्योग ९५ ते ९७ टक्के...
आंतरराष्ट्रीय बाजारात साखरेला दराचा...कोल्हापूर : आंतरराष्ट्रीय बाजारात गेल्या पंधरा...
खाद्यतेल आयातीत १२ टक्के घटपुणे ः देशात २०१९-२० (नोव्हेंबर ते ऑक्टोबर) मध्ये...
चांगल्या बाजारभावासाठी ‘एनसीडीईएक्स’चा...शेतकऱ्यांसाठी दराचे संरक्षण (प्राइज इन्शुरन्स)...
‘जीआय’प्राप्त उत्पादनांच्या ब्रँडिंगवर...नाशिक : भारतीय शेतीमाल व खाद्यपदार्थांना जगभर...
ग्राहकांच्या अपेक्षेनुसार उत्पादन...सध्या शेतकरी कायद्यामध्ये बदल झाल्यानंतर करार...
जळगावच्या सुवर्ण बाजाराला झळाळीजळगाव ः शुद्धता, सचोटीसाठी प्रसिद्ध असलेल्या...
सोयाबीनची चाल पाच हजारांकडे  पुणे ः देशांतर्गत बाजारातील कमी आवक, शिकागो बोर्ड...