agriculture news in Marathi, break in rain for a week, Maharashtra | Agrowon

आठवडाभर पावसाचा खंड कायम

टीम अॅग्रोवन
शनिवार, 11 ऑगस्ट 2018

मॉन्सूनच्या आसाची नैसर्गिक स्थिती बदलून तो उत्तरेकडे म्हणजेच हिमालयाच्या पायथ्याकडे सरकला तर उत्तर भारतात मुसळधार पाऊस पडतो, त्या वेळी मध्य भारतात पाऊस कमी असतो. हीच स्थिती गेल्या काही दिवसांपासून आहे. त्यामुळे महाराष्ट्रात पाऊस कमी झाला आहे. मात्र पुढच्या आठवड्यापासून मध्य भारतात मॉन्सून पुन्हा सक्रीय होऊन पाऊस सुरू होण्याची शक्यता आहे. 
- के. एस. होसळीकर, ज्येष्ठ हवामान शास्त्रज्ञ, हवामान विभाग

पुणे : महाराष्ट्रात मॉन्सूनने चांगली सुरवात केल्यानंतर जुलैच्या अखेरच्या आठवड्यापासून राज्याच्या बहुतांश भागात पावसाने खंड दिला आहे. हा खंड आणखी आठवडभर राहण्याची शक्यता हवामान तज्ज्ञांनी वर्तवली आहे. तर ऑगस्ट महिन्याच्या तिसऱ्या आठवड्यापासून (ता. १६) पावसाला पोषक स्थिती तयार होणार असल्याने राज्यात पुन्हा पाऊस सुरू होणार असल्याचे तज्ज्ञांनी स्पष्ट केले.  

गतवर्षीही जुलै-ऑगस्टमध्ये माॅन्सूनने जवळपास ५५ दिवसांचा ब्रेक घेतला होता. याचीच पुनरावृत्ती यंदा होत असल्याचे दिसून येत आहे. मध्य महाराष्ट्र, मराठवाडा आणि विदर्भाला पावसातील या खंडाचा सर्वाधिक फटका बसणार आहे. त्यामुळे आता शेतकऱ्यांच्या सर्व आशा परतीच्या पावसावरच असून, आतापर्यंत सप्टेंबरमधील पावसानेच या भागाला तारले आहे.

भारतीय हवामानशास्त्र विभागाच्या (आयएमडी) गुरुवारी (ता. ९) प्रसिद्ध करण्यात आलेल्या साप्ताहिक अहवालानुसार, १५ ऑगस्टपर्यंत नैऋत्य माॅन्सून देशाच्या उत्तर भागात जास्त सक्रिय राहील. मॅान्सूनचा ट्रफ उत्तरेकडे असल्याने उत्तरेकडील राज्यांमध्ये पाऊस अधिक असेल. तर राज्यात मराठवाड्यात पावसाची उघडीप राहणार, उर्वरित भागात हलक्या सरी पडतील. १३ ऑगस्टपर्यंत बंगालच्या उपसागरात कमी दाबाचे क्षेत्र तयार होण्याचे संकेत आहेत. माॅन्सूनचा आसही दक्षिणेकडे येऊन तिसऱ्या आठवड्यात (१६ ते २२ ऑगस्ट) महाराष्ट्रासह मध्य भारतात पाऊस सुरू होण्याची शक्यता आहे. 

प्रतिक्रिया
महाराष्ट्रात हवेचा दाब वाढला असून, उत्तर महाराष्ट्रात हे दाब १००६ तर दक्षिणेकडे १००८ हेप्टपास्कल झाले अाहेत. वाऱ्यांची दिशा बदलण्यास सुरवात झाली आहे. सध्या राज्यात मॉन्सूनला जोर राहिलेला नाही. आठवडाभरात उत्तर भारतात पाऊस अधिक असेल, कोकणात काही ठिकाणी पाऊस पडणार असून, उर्वरित राज्यात तुरळक ठिकाणी पाऊस पडेल. तर त्यानंतर १६ ते १८ ऑगस्ट या कालावधीत राज्यात सर्वदूर हलका पाऊस पडण्याची शक्यता आहे. 
-डॉ. रामचंद्र साबळे, ज्येष्ठ हवामानतज्ज्ञ


इतर अॅग्रो विशेष
पिंपळगावला आडत्याकडून शेतकऱ्याला मारहाण नाशिक: निफाड तालुक्यातील कारसूळ येथील शेतकरी...
अवजारे अनुदानाचे निकष वाढवलेपुणे : राज्यात कृषी अवजारे अनुदानासाठी...
तुरळक ठिकाणी पावसाची शक्यता पुणे ः कोकण व मध्य महाराष्ट्रात तुरळक ठिकाणी हलका...
बदल्या, मारहाण, लाचखोरीने गाजतेय राहुरी...पुणे: महात्मा फुले कृषी विद्यापीठाच्या आवारात...
मॉन्सूनच्या माघारीस पोषक वातावरण पुणे : मॉन्सून दोन दिवसांत उत्तर महाराष्ट्र व...
काही ठिकाणी जोरदार सरीपुणे ः राज्यातील काही भागांत पावसाचा जोर कमी झाला...
व्यापाऱ्यांवरील कांदा साठा...पुणे/नाशिक: पुरवठा कमी असल्याने देशभरात कांद्याची...
पावसानं पांढऱ्या सोन्याची झाली माती !औरंगाबाद: यंदा पाऊस चांगला सांगितल्याने शेतीच्या...
चौथ्या बैठकीतही ऊसतोडणी दरवाढीवर तोडगा...नगर ः ऊसतोडणी मजुरांच्या तोडणी दरात वाढ करावी...
बिस्कीट निर्मितीतून महिलांनी घेतली...सांगली जिल्ह्यातील नवेखेड (ता.वाळवा) येथील...
शेतीला मिळाली प्रक्रिया उद्योगाची जोडखोपी (ता.भोर,जि.पुणे) येथील अंजना नारायण जगताप...
राज्यात पाऊस कमी होणारसोमवारपासून ढगाळ हवामानासह पावसाची उघडीप राहणार...
कृषी सुपर मार्केट ः संकल्पना आणि संधीजागतिकीकरणाच्या पार्श्‍वभूमीवर शेती हा एक आर्थिक...
बदल हवेत दिलासादायकहवामान आधारीत फळपीक विमा योजनेत केळी पिकासाठी...
नैसर्गिक आपत्तीत पीकच नाई, तर बापही...यवतमाळः नैसर्गिक आपत्तीत आमी पीकच नाई, त आमचा...
राज्यात गाईच्या दूध खरेदी दरात कपात नगर ः लॉकडाऊन उघडल्यानंतर दुधाची मागणी वाढल्यावर...
कोरडवाहू, बागायतीसाठी हेक्टरी १० हजार...मुंबई: अतिवृष्टीमुळे राज्यभरातील शेतकऱ्यांचे...
थकबाकीदार ७१ कारखान्यांचे गाळप परवाने ‘...पुणे: राज्यात चालू हंगामात ऊस गाळपासाठी अर्ज...
शेडनेट, फळबागेतून मिळालेल्या ओळखीसह...धुळे जिल्ह्यातील फागणे (ता. धुळे) येथील उमेश व...
कष्ट, नियोजनपूर्वक उभारली आंबा, नारळ,...शासकीय योजनांचा पुरेपूर वापर करताना वरवडे (ता. जि...