Agriculture news in marathi, Breaking of infected maize crop in Gevrai bajar | Page 3 ||| Agrowon

जालना : प्रादुर्भावग्रस्त मका पिकाची मोडणी

टीम अॅग्रोवन
मंगळवार, 10 सप्टेंबर 2019

जालना : जिल्ह्यातील गेवराई बाजार येथील शेतकऱ्याने सोशल मीडियाच्या माध्यमातून मका पिकावरील लष्करी अळीची तीव्रता निदर्शनास आणून दिली. त्याची दखल घेऊन २४ तासांच्या आत औरंगाबादच्या राष्ट्रीय कृषी संशोधन प्रकल्पासह खरपुडी कृषी विज्ञान केंद्राच्या तज्ज्ञांनी सोमवारी (ता. ९) पीक प्रादुर्भावग्रस्त शेतात जाऊन शेतकऱ्यांना मार्गदर्शन केले.

जालना : जिल्ह्यातील गेवराई बाजार येथील शेतकऱ्याने सोशल मीडियाच्या माध्यमातून मका पिकावरील लष्करी अळीची तीव्रता निदर्शनास आणून दिली. त्याची दखल घेऊन २४ तासांच्या आत औरंगाबादच्या राष्ट्रीय कृषी संशोधन प्रकल्पासह खरपुडी कृषी विज्ञान केंद्राच्या तज्ज्ञांनी सोमवारी (ता. ९) पीक प्रादुर्भावग्रस्त शेतात जाऊन शेतकऱ्यांना मार्गदर्शन केले.

मका उत्पादक शेतकरी लष्करी अळीच्या प्रादुर्भावग्रस्त पिकांची मोडणी करीत आहेत, अशी माहिती शेतकरी गणेश जोशी यांनी खरपुडी कृषी विज्ञान केंद्राकडे सोशल मीडियाच्या माध्यमातून पुरविली. त्याअनुषंगाने या तज्ज्ञांनी लागलीच प्रादुर्भावग्रस्त शेतांना भेट दिली. औरंगाबादच्या राष्ट्रीय कृषी संशोधन प्रकल्पाचे प्रमुख डॉ. एस. बी. पवार, खरपुडी कृषी विज्ञान केंद्राचे कीटकशास्त्रज्ञ प्रा. अजय मिटकरी, प्रा. पंडित वासरे, पशुतज्ञ प्रा. हनुमंत आगे, विभागीय कृषी विस्तार केंद्राचे रामेश्‍वर ठोंबरे, सेवानिवृत्त कृषी अधिकारी नंदकुमार पुंड आदींचा तज्ज्ञांमध्ये समावेश होता.   

ज्या शेतात प्रादुर्भाव झाला असेल आणि पीक शेतात उभे ठेऊन उत्पादन हाती येण्याची खात्रीच नसेल, अशी मका उपटून वाळवावी. त्यामुळे त्यावरील कीड नाहीशी होईल. नंतर तो सुका चारा म्हणून उपयोग होईल. १०० टक्के प्रादुर्भाव असेल, त्या ठिकाणच्या शेतकऱ्यांनी हिरवा मका चारा म्हणून उपयोग करू नये. मका पिकावर रब्बी ज्वारी पीक घेण्याऐवजी हरभरा पीक घेणे हिताचे ठरेल. कारण ही लष्करी अळी एकदल पिकात पोग्यात दडून बसते. त्यामुळे नियंत्रण करणे अवघड जाते. 

काही शेतकरी थेट मका पिकात रोटाव्हेटर मारून पीक नाहीसे करत असले, तरी त्यामुळे कीड नाहीशी होणार नाही, हे लक्षात घ्यावे. त्या ऐवजी पीक कापून उन्हात वाळवावे. साधारण महिनाभरानंतर चारा म्हणून वापर करता येईल. कोरडवाहू क्षेत्रातील मका पीक असेल आणि प्रादुर्भाव खूप असेल, अशा वेळी निदान रब्बी पीक तरी घेता आले पाहिजे. उपलब्ध ओलीवर रब्बी पीक उगवले पाहिजे,  हे पण लक्षात घ्यावे लागेल, असे तज्ज्ञांनी सांगितले.  

‘‘कुठलाही निर्णय घेण्यापूर्वी कृषी शास्त्रज्ञ, कृषी विभाग, कृषी विज्ञान केंद्रातील शास्त्रज्ञांच्या संपर्कात राहण्याचा सल्ला तज्ज्ञांनी दिला. 

डॉ. पवार म्हणाले, ‘‘मोठे पीक मोडून टाकणे योग्य नाही. इथून पुढे होणारे नुकसान १०० टक्‍के नसेल. ‘एफएओ’च्या तज्ज्ञांच्या मतानुसार होणारे नुकसान २० टक्‍क्‍यांपर्यंत असेल. ते ५० टक्‍क्‍यांपर्यंत झाले, तरी येणारे उत्पादन फायद्याचेच असेल. मक्याच्या सध्याच्या किमती ते सुचवित आहेत. त्यामुळे शेतकऱ्यांनी पर्यायाचा विचार करावा. पीक मोडून टाकण्याचा निर्णय तातडीने घेऊ नये.’’
 


इतर बातम्या
धरणांच्या पाणलोटात पावसाचा जोरपुणे : कोकण किनारपट्टीलगतच्या अरबी समुद्रात...
बुलडाण्यात मक्यावर ५ ते १० टक्के...बुल़डाणा  ः जिल्ह्यात या हंगामात मक्याची...
नगरमध्ये मका पिकावर अमेरिकन लष्करी...नगर  ः जिल्ह्यात गतवर्षीप्रमाणेच यंदाही मका...
पुणे जिल्ह्यात दीड हजार हेक्टरवर ...पुणे  ः गेल्या काही दिवसांपासून मक्यावर...
अमेरिकन लष्करी अळीचे मका पिकावर आक्रमणपुणे ः खरिपाची पेरणी होऊन महिना उलटत नाही तोच...
देशात ९२ लाख हेक्टरवर कापूसमुंबई: देशात कापूस लागवडीने वेग घेतला आहे....
रासायनिक अवशेष काढण्यासाठी 'अर्का...नाशिक ः फळे आणि भाजीपाला पिकांवर रासायनिक...
राज्यातील धरणांमध्ये २८ टक्के पाणीसाठापुणे : जून महिन्यात पावसाने सरासरी गाठली, तसेच...
`बॅलन्स`अभावी शेतकऱ्याला दिलेला चेक...अकोला ः अवेळी पावसामुळे झालेल्या नुकसानाची भरपाई...
मराठवाड्यात कपाशीची ८० टक्के पेरणीऔरंगाबाद :  सर्वसाधारण क्षेत्राच्या तुलनेत...
पेरणीसाठी ‘बीबीएफ’ तंत्राचा वापर करा :...औरंगाबाद : ‘‘बीबीएफ टोकण यंत्राचा वापर वेगवेगळी...
शेतीत आधुनिक तंत्रज्ञानाचा अवलंब करावा...जालना  : ‘‘शेतकऱ्यांनी शेतीत आधुनिक...
हतनूर धरणाची साठवण क्षमता घटलीभुसावळ, जि. जळगाव ः जिल्ह्यातील प्रमुख सिंचन...
जळगाव जिल्ह्यात राष्ट्रीयीकृत बॅंका पीक...जळगाव ः केंद्र व राज्य सरकार, प्रशासनातील वरिष्ठ...
खानदेशात सर्वदूर पावसाची हजेरीजळगाव ः खानदेशात पेरणी ८८ टक्‍क्‍यांवर पोचली असून...
रिसोड बाजार समितीत हळदीची दोन दिवस खरेदीअकोला ः गेल्या काही वर्षांत वाशीम तसेच अकोला...
नगर जिल्ह्यात साडेचार लाख हेक्टरवर पेरानगर ः यंदा रोहिणी, मृग, आर्द्रा नक्षत्रांमध्ये...
जुन्नरमध्ये निकृष्ट बियाणेप्रकरणी...पुणे ः यंदा खरीप हंगामात निकृष्ट दर्जाचे बियाणे...
सांगली जिल्ह्यात पावसाअभावी पेरणी वाया...सांगली : जिल्ह्यात गेल्या तीन आठवड्यांपासून...
रत्नागिरी जिल्ह्यातील भाजीपाला,...रत्नागिरी : कोरोना टाळेबंदीत जिल्ह्यातील महिला...