Agriculture news in marathi To build sustainable irrigation facilities to help farmers: Bitter | Agrowon

शेतकऱ्यांच्या साह्यासाठी शाश्‍वत सिंचन सुविधा उभारू ः कडू 

टीम अॅग्रोवन
शुक्रवार, 23 एप्रिल 2021

पुलवजा बंधारे उभारून शाश्‍वत सिंचन सुविधा उभारण्यात येणार आहे. या उपक्रमामुळे संत्रा बागायतदारांसह इतर शेतकऱ्यांना सिंचनासाठी पाणी उपलब्ध होईल. तसेच शेतशिवारात पोहोचण्यासाठी पाणंद रस्ताही उपयोगी पडेल, असे जलसंपदा राज्यमंत्री ओमप्रकाश ऊर्फ बच्चू कडू यांनी सांगितले. 

अमरावती : शेतकऱ्यांना शाश्‍वत सिंचन सुविधा उपलब्ध व्हावी म्हणून नदी प्रवाहाच्या मार्गात पुलवजा बंधारे उभारून शाश्‍वत सिंचन सुविधा उभारण्यात येणार आहे. या उपक्रमामुळे संत्रा बागायतदारांसह इतर शेतकऱ्यांना सिंचनासाठी पाणी उपलब्ध होईल. तसेच शेतशिवारात पोहोचण्यासाठी पाणंद रस्ताही उपयोगी पडेल, असे जलसंपदा राज्यमंत्री ओमप्रकाश ऊर्फ बच्चू कडू यांनी सांगितले. 

चांदूर बाजार तालुक्यातील चिंचोली (ब्राह्मणवाडा) येथे राज्यमंत्री कडू यांच्या हस्ते तीन ठिकाणच्या ३ कोटी रुपयांच्या पुलवजा बंधारा निर्मितीच्या कामाचे भूमिपूजन करण्यात आले. त्या वेळी ते बोलत होते. जलसंपदा विभाग, लघू पाटबंधारे विभागाचे वरिष्ठ अभियंता, शलाका कन्स्ट्रक्शन कंपनीचे नाना ठाकरे या वेळी उपस्थित होते. 

श्री. कडू म्हणाले, की राज्यात सिंचनाचा अनुशेष सर्वांत जास्त विदर्भात आहे. सिंचनाअभावी विदर्भाच्या काळ्या कसदार जमिनीची अत्युच्च उत्पादकता असूनही शेतकरी प्रति हेक्टरी उत्पादकता वाढविण्यात कमी पडत आहे. शाश्‍वत सिंचन नसल्यामुळे वर्षात केवळ खरीप हंगामातील पिकांवरच शेतकरी अवलंबून राहतो. परंतु, रब्बी व खरीप अशा दोन्ही हंगामांत बंधाऱ्याच्या माध्यमातून पाण्याची उपलब्धता झाल्यास त्या त्या क्षेत्रातील बागायतदार शेतकऱ्यांसह इतर शेतकऱ्यांनाही सिंचनाची सुविधा उपलब्ध होईल. पर्यायाने पीक उत्पादनात वाढ होईल, त्यांना आर्थिक स्थैर प्राप्त झाल्यास शेतकरी बांधव सुखावला जाणार, विदर्भातील सिंचनाचे प्रमाण वाढून जास्तीत जास्त संख्येने शेतकरी बागायतदार व्हावे, या उद्देशाने शासनाने शाश्‍वत सिंचनासाठी विदर्भ सघन सिंचन विकास कार्यक्रम आणला आहे. या उपक्रमाचा शेतकऱ्यांनी लाभ घ्यावा, असे आवाहनही त्यांनी या वेळी केले. 

चांदूरबाजार तालुक्यातील मौजा चिंचोली येथे पुलवजा बंधारा बांधण्यात येणार असून, या कामाची अंदाजित किंमत १ कोटी ५ लक्ष एवढी आहे. तसेच मौजा गौरखेडा येथे दोन ठिकाणी १ कोटीचे पुलवजा बंधारे उभारण्यात येणार आहे. हे बंधारा बांधकामाचे काम शलाका कन्स्ट्रक्शन कंपनीद्वारे करण्यात येणार आहे. या बंधाऱ्याच्या बांधकामामुळे त्या क्षेत्रातील शेतकऱ्यांना खऱ्या अर्थाने शाश्‍वत सिंचन सुविधा उपलब्ध होणार आहे. बंधाऱ्याच्या माध्यमातून तेथील संत्रा बागायतदारांसह इतर शेतकऱ्यांनाही खूप मोठा दिलासा मिळणार आहे, असेही श्री. कडू यांनी सांगितले. 
 


इतर ताज्या घडामोडी
पशुवैद्यक करणार घरपोच सेवा बंदनागपूर : पशुवैद्यकांना फ्रंटलाइन वर्कर्स व कोरोना...
सोयाबीन बियाणे निर्बंध मध्य प्रदेशकडून...पुणे ः परराज्यांत सोयाबीन बियाणे विक्रीवर निर्बंध...
‘महाबीज’चे सोयाबीन बियाणे दर ‘जैसे थे’अकोला : खरीप हंगामासाठी ‘महाबीज’ने सोयाबीन...
देशाच्या तुलनेत निम्मी साखर एकट्या...कोल्हापूर : देशाच्या साखरनिर्यात कोट्यापैकी जवळ...
‘गोकुळ’चा कल सत्तांतराकडेकोल्हापूर : अत्यंत चुरशीने झालेल्या कोल्हापूर...
‘सह्याद्री’च्या पर्वतरांगेमधून...नाशिक : सह्याद्रीच्या पर्वतरांगेत पश्‍चिम घाट...
राज्यात आंब्याचा हंगाम ऐन बहरातअकोल्यात बदाम आंबा ४००० ते ४५०० रुपये क्विंटल...
सोशल मीडियाद्वारे ६५ टन कलिंगड विक्रीपुणे : कोरोनामुळे सलग दुसऱ्या वर्षी एप्रिल...
मध्य प्रदेश सरकारकडून बियाणे विक्रीवर...पुणे ः सोयाबीन बीजोत्पादनात देशात सर्वात मोठा...
पशुखाद्य निर्मितीचा कच्चा माल दुपटीने...सांगली : पशुखाद्य तयार करण्यासाठी लागणाऱ्या...
दक्षिण भागात गारपिटीची शक्यतापुणे :  गेल्या काही दिवसांपासून उन्हाचा चटका...
परभणी जिल्ह्यात कडक निर्बंध लागूपरभणी ः  कोरोनाचा प्रसार रोखण्यासाठी...
परभणी जिल्ह्यात लघु तलावांत सरासरी १९...परभणी ः वाढते तापमान, बाष्पीभवनाचा वाढलेला वेग,...
नाशिक जिल्ह्यात बाजार समित्यांमध्ये...नाशिक : पणन विभागाच्या परिपत्रकात सलग ३...
नाशिक : 'ऑक्सिजन एक्स्प्रेस'द्वारे २७....नाशिक : ‘‘जिल्ह्यातील प्राणवायूची तूट भरून...
सांगलीत केळीच्या क्षेत्रात घट होण्याची...सांगली ः जिल्ह्यात गेल्या दोन वर्षात झालेल्या...
रत्नागिरीत ३७ टन काजू बी तारणरत्नागिरी ः काजूचे बाजारातील दर घसरल्यानंतर...
आदिवासी विकास मंडळ करणार गव्हाची खरेदीयवतमाळ : आदिवासी विकास महामंडळाकडून राज्यात...
परभणीत सोयाबीनचे दीड हजार क्विंटल...परभणी ः परभणी तालुक्यात यंदा ११० हेक्टरवर उन्हाळी...
भुईमुगाचे वाण निकृष्ट, कंपन्यांवर...यवतमाळ : जिल्ह्यात भुईमुगाच्या शेंगा न धरण्याचे...