Agriculture news in marathi; Buldana district again rains on the Ghats | Agrowon

बुलडाणा जिल्ह्यात घाटावर पावसाचा पुन्हा तडाखा

टीम अॅग्रोवन
मंगळवार, 8 ऑक्टोबर 2019

बुलडाणा  ः जिल्ह्यात घाटावरील काही तालुक्यांमध्ये रविवारी (ता. ६) जोरदार पाऊस झाला असून बुलडाणा तालुक्यातील काही गावांमध्ये गारपीटही झाली. सोयाबीन ऐन काढणीचे दिवस सुरू झालेले असताना अशाप्रकारचा जोरदार पाऊस झाल्याने शेतकऱ्यांचे मोठे नुकसान झाले आहे. 

बुलडाणा  ः जिल्ह्यात घाटावरील काही तालुक्यांमध्ये रविवारी (ता. ६) जोरदार पाऊस झाला असून बुलडाणा तालुक्यातील काही गावांमध्ये गारपीटही झाली. सोयाबीन ऐन काढणीचे दिवस सुरू झालेले असताना अशाप्रकारचा जोरदार पाऊस झाल्याने शेतकऱ्यांचे मोठे नुकसान झाले आहे. 

रविवारी दुपारनंतर बुलडाणा, चिखली, मेहकर या तालुक्यांमध्ये अनेक ठिकाणी पाऊस झाला. प्रामुख्याने बुलडाणा तालुक्यात नांद्राकोळी, रुईखेड, सव, खुपगाव, अजिसपूर या परिसरात जोरात पाऊस झाला. यादरम्यान काही मिनिटे गारांसह पाऊस झाला. यामुळे सोयाबीन, कापूस, भाजीपाल्याच्या पिकांचे मोठे नुकसान झाले आहे. प्रशासनाने यंत्रणांना पाहणी करून अहवाल सादर करण्याचे आदेश दिले आहेत.

बुलडाणा जिल्ह्यात बुलडाणा तालुक्यावर यावर्षी पावसाची चांगली कृपा झालेली आहे. गेल्यावर्षी दुष्काळी झळा झेलणाऱ्या या भागात यावर्षी सरासरीपेक्षा अधिक पाऊस पडला. सध्या या भागात सोयाबीन सोंगणीचे सार्वत्रिक काम सुरू आहे. अनेक शेतांमध्ये सोयाबीनच्या सुड्या रचण्याचे काम सुरू होते. तर काही ठिकाणी सोयाबीनची सोंगणी केली जात होती. गेल्या आठ-दहा दिवसांत पावसाने उसंत दिल्याने सोयाबीन काढणीचे काम वेगाने सुरू झाले होते. अचानक आलेल्या या पावसाने शेतकऱ्यांची सोयाबीन गोळा करण्यासाठी एकच पळापळ झाली.

सोयाबीन ओली झाल्याने मळणीचे काम लांबेल. रविवारी झालेल्या पावसाने सोंगून ठेवलेल्या तसेच सोंगणी व्हायची असलेल्या सोयाबीनचे मोठे नुकसान केले आहे. गारपीट झालेल्या भागात सोयाबीनच्या शेंगा गळून पडल्या. कपाशीची पाने, बोंड्या जमिनीवर आल्या. या भागात रब्बी मक्याची लागवड सुरू झालेली आहे. बऱ्याच ठिकाणी मका अंकुरला असून गारींचा या पिकालाही तडाखा बसला. या भागात भाजीपाल्याची पिके मोठ्या क्षेत्रावर घेतली जातात. या पिकांनाही गारपिटीमुळे नुकसान झेलावे लागले.

पाऊस आता पुरेसा
सलग पावसामुळे खरीप हंगामातील पिकांचे आता नुकसान सुरू झाले आहे. गेल्या वर्षी कमी पावसामुळे दुष्काळाला सामोरे गेलेल्या या जिल्ह्यात आता सलग पावसामुळे ओल्या दुष्काळाची चिन्हे तयार होऊ लागली आहेत. सतत पाऊस होत असल्याने शेतीतील कामे रखडणे, काढणीला आलेले पीक ओले होत असल्याने नुकसान सहन करण्याची वेळ आली आहे. कापसाची वेचणीही सुरू होत आहे. हा कापूसही ओला होत आहे. रब्बी हंगाम लवकरच सुरू होत आहे. यासाठी आता पावसाने ब्रेक घेणे खूप गरजेचे असल्याचे शेतकरी सांगत आहे. 


इतर ताज्या घडामोडी
मिरज पूर्व भागाला पाणीपट्टी भरूनही पाणी...आरग, जि. सांगली ः नेहमीच दुष्काळी भागाला जीवनदायी...
लालपरीतून हापूस पोचला औरंगाबादलाराजापूर, जि. रत्नागिरी ः लॉकडाऊनमुळे आर्थिक...
सिंधुदुर्ग जिल्ह्यात एक जूनपासून...सिंधुदुर्ग ः जिल्ह्यात १ जूनपासून मासेमारी बंद...
कोल्हापुरात महावितरणची वीजबिल भरणा...कोल्हापूर : गेली दोन महिने लॉकडाऊनमुळे बंद असलेली...
बाजरीची शासकीय खरेदी सुरू करा,...जळगाव : खानदेशातील बाजार समित्यांमध्ये बाजरीची...
मॉन्सूनच्या पार्श्‍वभूमीवर उपाययोजनांची...औरंगाबाद : ‘‘पावसाळ्यात उद्भवणाऱ्या समस्यांची...
नांदेड जिल्ह्यात जागेअभावी दोन...नांदेड : जिल्ह्यातील भारतीय कापूस महामंडळ (सीसीआय...
पीक विम्याची रक्कम बचत खात्यांत जमा...नाशिक : बॅंकांनी कोरोनाच्या काळात पीक...
हिंगोलीत १० हजार ८६६ शेतकऱ्यांना पीक...हिंगोली : जिल्ह्यात शुक्रवार (ता.२२) पर्यंत १०...
केंद्र सरकारच्या पॅकेजच्या निषेधार्थ...नांदेड : शेतकऱ्यांना खरिप हंगामासाठी तत्काळ...
सटाणा येथे मका खरेदी, विक्रीचे कामकाज...नाशिक : राज्य शासनातर्फे किमान आधारभूत किंमत...
उस्मानाबादमध्ये हरभरा विक्रीसाठी २०...उस्मानाबाद : जिल्ह्यात हरभऱ्याच्या खरेदीसाठी सुरु...
पत संरचनेवर टाळेबंदीचे परिणाम, उपाय...मुंबई : कोरोना महामारीला प्रतिबंध घालण्यासाठी...
नाशिक : शेतकरी संघटनांच्या...नाशिक : केंद्र सरकारच्या दुर्लक्षामुळे शेती आणि...
खते, बियाणे थेट बांधावर उपलब्ध करुन...अकोला ः या खरीप हंगामासाठी मुबलक प्रमाणात खते,...
प्रोत्साहनात्मक अनुदान शेतकऱ्यांच्या...कोल्हापूर : प्रामाणिकपणे कर्ज भरणाऱ्या...
राज्यातील कापूस खरेदी पंधरा जूनपर्यंत...मुंबई : कोरोनाच्या पार्श्वभूमीवर कापूस खरेदीसाठी...
दापोली : कृषिमंत्री भुसे आज साधणार...चिपळूण, जि. रत्नागिरी ः दापोली येथील डॉ....
पेठ येथे कृषी मंत्र्यांच्याहस्ते कृषी...बुलडाणा ः अकोला येथील विभागीय खरीप आढावा बैठक...
लोकसहभागातून मैराळडोह येथे पांदण...वाशीम ः सध्या लॉकडाऊन सुरू असून या फावल्या वेळेत...