Agriculture news in marathi Bullet train to run with 'Samrudhi'? | Agrowon

‘समृद्धी’च्या सोबतीने बुलेट ट्रेन धावणार?

टीम अॅग्रोवन
सोमवार, 8 मार्च 2021

राज्यात साकारत असलेल्या नागपूर-मुंबई समृद्धी महामार्गाला लागूनच बुलेट ट्रेनचा कॉरिडोअर उभारण्याची शक्यता असून, या दृष्टीने सर्वेक्षण हातात घेण्यात आले आहे.

अकोला : राज्यात साकारत असलेल्या नागपूर-मुंबई समृद्धी महामार्गाला लागूनच बुलेट ट्रेनचा कॉरिडोअर उभारण्याची शक्यता असून, या दृष्टीने सर्वेक्षण हातात घेण्यात आले आहे. काही ठिकाणी सॅटेलाईटच्या साह्याने शेतांमध्ये खुणा रोवण्यात आल्याने शेतकऱ्यांमधून विविध प्रश्‍न उपस्थित केल्या जाऊ लागले आहेत.

दोन वर्षांपूर्वी समृद्धी महामार्गाचे काम सुरू झाले त्यावेळी या रस्त्यासाठी मोठया प्रमाणात जमीन अधिग्रहीत करण्यात आली. या जमिनीचा योग्य मोबदला मिळवण्यासाठी शेतकऱ्यांनी ठिकठिकाणी आंदोलने केली. त्यानंतर शेतकऱ्यांना जमिनीचा मोबदला सुधारित दराने देण्यात आला. आता या समृद्धी महामार्गाचे काम बहुतांश पूर्णत्वास येत असतानाच आता या महामार्गाला लागून नागपूर ते मुंबई अशी बुलेट ट्रेन धावण्याची चिन्हे आहेत.

या हायस्पीड रेल्वे प्रकल्पाच्या अनुषंगाने सामाजिक परिणामाबाबत अभ्यास सुरू करण्यात आला आहे. पनवेल येथील एका संस्थेच्या वतीने हे सर्वेक्षण केले जात आहे. या अंतर्गत गावपातळीवर बाधित खातेदारांचे सामाजिक व आर्थिक सर्वेक्षण दोन महिन्यांत पूर्ण केले जाणार आहे. संभाव्य बाधित खातेदारांच्या याद्या या प्रकल्पाच्या अनुषंगाने जाहीर करण्यात आल्या आहेत. या शेतकऱ्यांचे काही म्हणणे असल्यास त्याबाबत माहिती गोळा केली जात आहे.

जमीन मालकी, प्रकार, जमिनीचा वापर, क्षेत्र, बागायती-कोरडवाहू, घर प्रमुख, जात, धर्म, घराची स्थिती, काही बांधकाम आहे का, जमिनीवर झाडे, विहीर, पाइपलाइन, असे विविध प्रश्‍नही भरून घेतले जात आहेत. या प्रकल्पाच्या अनुषंगाने एका पथकाने नुकतीच पाहणी सुद्धा केली आहे. रस्ते विकास महामंडळाच्या अखत्यारीत असलेली जागा या प्रकल्पासाठी दिली जाण्याची शक्यता आहे. या बुलेट ट्रेनचा प्रकल्प पूर्ण झाल्यास सुमारे ७४१ किलोमीटर नागपूर ते मुंबई हे अंतर अवघ्या चार तासांत गाठता येणे शक्य होऊ शकेल, असा अंदाज वर्तविला जातो आहे.

विदर्भातील नागपूर, वर्धा, पुलगाव, कारंजालाड, मालेगाव, मेहकरसह जालना, औरंगाबाद, शिर्डी, नाशिक, इगतपुरी, शहापूर, मुंबई, अशा मार्गाने ही रेल्वे धावू शकते.  बुलेट ट्रेनचा हा संभाव्य प्रकल्प पूर्णत्वास गेल्यास शेती तसेच पर्यटनाच्या दृष्टीने एक नवीन दालन खुले होऊ शकते.


इतर ताज्या घडामोडी
नांदेडमध्ये ४२ हजार ६४९ क्विंटल हरभरा...नांदेड : जिल्ह्यात किमान हमी दरानुसार सुरू...
व्हर्च्युअल क्लासरूममुळे कृषी शिक्षणाची...नगर ः व्हर्च्युअल क्लासरूम आणि अॅग्री-दीक्षा वेब...
‘एमआरपी’नुसारच खतांची खरेदी करावी सोलापूर ः यंदाच्या खरीप हंगामाच्या पार्श्‍वभूमीवर...
खरीप हंगामासाठी ११४० कोटी रुपये पीककर्ज...अकोला : अकोला जिल्ह्यात या खरीप हंगामासाठी ११४०...
सटाणा बाजार समिती आवाराबाहेर अवैध...नाशिक : सटाणा कृषी उत्पन्न बाजार समितीमध्ये काही...
नाशिक जिल्ह्यात विहिरींनी गाठला तळ नाशिक : जिल्ह्यात गत मॉन्सूनमध्ये अनेक भागांत...
भोकरखेडात चार वर्षांपासून शेतकरी वीज...वाशीम : शेतात वीज जोडणी घेऊन सिंचन करता येईल....
टेंभू योजनेचे पाणी सोडले; ‘बंदिस्त पाइप...आटपाडी, जि. सांगली : आटपाडी तालुक्‍यात टेंभू...
प्रत्येक गावाचा होणार कृषी विस्तार...जालना : कृषी विभागाच्या वतीने खरीप हंगामाचे...
तमाशा कलावंतांसाठी सरसावले मदतीचे हात नगर ः : कोरोना व्हायरसच्या संसर्गामुळे टाळेबंदी...
पंढरपूर विधानसभा पोटनिवडणुकीत चुरस सोलापूर ः पंढरपूर-मंगळवेढा विधानसभा...
कांदा बाजारावर ‘कोरोना’चा परिणाम नगर : कोरोना व्हायरसची बाधा वाढत असल्याचा बाजार...
महाराष्ट्राला रेमडिसिव्हिर देण्यास ‘...मुंबई : केंद्र सरकारकडून रेमडिसिव्हिर निर्यातीवर...
डाळिंब सल्लाहस्त बहर उशिरा घेतला असेल तर फळांना बटर पेपर बॅग...
कृषी सल्ला : आंबा, काजू, नारळ, सुपारीनवीन आंबा लागवडीसाठी निवडलेल्या क्षेत्रातील...
कृषी सल्ला : सुरु ऊस, कांदा, फळपिकेवातावरणातील उष्णता वाढल्यामुळे जनावरांच्या...
राज्यात उष्ण, ढगाळ हवामानसोमवार ते बुधवारपर्यंत (ता.१९ ते २१) १००८...
नांदेड जिल्हा बँकेच्या अध्यक्षपदी वसंत...नांदेड : नांदेड जिल्हा मध्यवर्ती सहकारी बँकेच्या...
देशात ‘जमीन सुपोषन व संरक्षण जनजागरण’...औरंगाबाद : संपूर्ण देशभरात मंगळवारपासून (ता. १३...
निराधार महिला शेतकऱ्यांसाठी ‘ट्रँक्टर...अमरावती : अचलपूर विधानसभा मतदारसंघातील निराधार,...