Agriculture news in marathi Bullion kharif crop insurance Tolvatolvi revealed on the question | Agrowon

बुलडाण्यातील खरीप पीकविमा प्रश्नावर टोलवाटोलवी उघड 

टीम अॅग्रोवन
शनिवार, 24 जुलै 2021

बुलडाणा जिल्ह्यातील शेतकऱ्यांना गेल्या खरीप हंगामात झालेल्या नुकसानीपोटी पीकविमा दिला जावा, या मागणीसाठी स्वाभिमानी शेतकरी संघटनेने सोमवारी (ता.२६) कृषी आयुक्तालयासमोर उपोषणाचा इशारा दिला.

बुलडाणा : जिल्ह्यातील शेतकऱ्यांना गेल्या खरीप हंगामात झालेल्या नुकसानीपोटी पीकविमा दिला जावा, या मागणीसाठी स्वाभिमानी शेतकरी संघटनेने सोमवारी (ता.२६) कृषी आयुक्तालयासमोर उपोषणाचा इशारा दिला. या प्रकरणी कृषी आयुक्तालयाने संघटनेचे विदर्भ अध्यक्ष प्रशांत डिक्कर यांना पत्र देत विमा कंपनीला निर्देश दिल्याचे सांगितले. मात्र, कंपनीने निवेदनात नमूद तक्रारीप्रमाणे नुकसान भरपाई देता येत नसल्याचे निदर्शनास आणून दिल्याची बाब या पत्रात स्पष्ट करण्यात आली आहे. 

गेल्या हंगामात जिल्ह्यातील २ लाख ९६ हजार २३१ शेतकरी सहभागी झाले होते. २ लाख २७ हजार हेक्टरचा विमा त्यांनी उतरविला होता. यापोटी सुमारे २२ कोटी २२ लाख रुपये विमा हप्ताही शेतकऱ्यांनी भरला होता. या हंगामात आपत्तीमुळे शेतकऱ्यांचे मोठे नुकसान झाले होते, असे असतानाही केवळ २६ हजार २१८ शेतकऱ्यांसाठी १७ कोटी ९२ लाख रुपये भरपाई विमा कंपनीकडून देण्यात आली होती.

हजारो सोयाबीन, कापूस उत्पादक शेतकऱ्यांना एक दमडीही मिळालेली नाही. वास्तविक जिल्ह्याची पैसेवारीही कमी निघालेली होती. त्यामुळे नुकसानभरपाई दिली जावी यासाठी जिल्ह्यातील लोकप्रतिनिधी, स्वाभिमानी शेतकरी संघटना व इतर संघटनांनी सातत्याने आंदोलने केली. स्वाभिमानी शेतकरी संघटनेने हा मुद्दा आता थेट कृषी आयुक्तांपर्यंत पोचवून उपोषण करण्याचा इशारा दिला होता. या प्रकरणी कृषी आयुक्तालयाने डिक्कर यांना उलट टपाली पत्र दिले असून, उपोषण न करण्याची विनंती केली. यासाठी विमा कंपनीने दिलेले स्पष्टीकरण मांडले आहे. 

पंतप्रधान पीकविमा योजनेअंतर्गत नुकसान भरपाई देण्यासाठी नैसर्गिक आपत्तीमुळे झालेल्या नुकसानीचे पंचनामे विमा कंपनीने ग्राह्य धरून जिल्हा प्रशासनाच्या सहकार्याने नुकसान भरपाई देण्याबाबत कार्यवाही करण्यासाठी संबंधित विमा कंपनीला निर्देश दिल्याचे म्हटले. परंतु केंद्र शासनाच्या मार्गदर्शक सूचनांनुसार नुकसान भरपाई देता येत नसल्याचे विमा कंपनीने निदर्शनास आणून दिले आहे. पंतप्रधान पीकविमा योजना केंद्र शासनाच्या मार्गदर्शक सूचना व शासन निर्णयातील तरतुदींच्या आधारे राज्यात राबविण्यात येत आहे. ही योजना केंद्राची असल्याने त्याबाबत केंद्र शासनाकडे पाठपुरावा करण्यात येत आहे असेही कृषी संचालकांनी दिलेल्या पत्रात म्हटले आहे. 

ती बैठकही झाली होती रद्द 
कृषिमंत्री दादा भुसे यांच्या निर्देशानुसार २२ जुलैला मंत्रालयात या प्रश्नावर चर्चेसाठी तातडीची बैठक बोलविण्यात आली होती. या बैठकीकडे जिल्ह्यातील हजारो शेतकऱ्यांच्या नजरा लागल्या होत्या. मात्र, ही बैठकच एका पत्राद्वारे रद्द करण्यात आल्याचे संबंधितांना कळविण्यात आले. 

बुलडाण्यातील पीकविम्याची स्थिती 

  • २ लाख ९६ हजार २३१ शेतकरी सहभागी 
  • २ लाख २७ हजार हेक्टरचा विमा उतरविला 
  • सुमारे २२ कोटी २२ लाख रुपये विमा हप्ताही भरला 
  • हंगामात आपत्तीमुळे शेतकऱ्यांचे मोठे नुकसान 
  • केवळ २६ हजार २१८ शेतकऱ्यांसाठी १७ कोटी ९२ लाख रुपये भरपाई मिळाली 

इतर ताज्या घडामोडी
मुंबै बँकेची चौकशी केवळ सुडाने आणि...मुंबई ः मुंबै बँकेच्या विरोधात चौकशी करण्याचा...
नाशिक जिल्ह्याच्या पश्चिम भागात पावसाची...नाशिक : जिल्ह्यात पावसाने ओढ दिल्यानंतर पुन्हा...
तापी, वाघूर, गिरणा नदीला पुन्हा पूरजळगाव  : जिल्ह्यात महत्त्वाच्या मानल्या...
‘येलदरी’च्या १०, ‘सिद्धेश्‍वर’च्या १२...परभणी ः परभणी, हिंगोली जिल्ह्यांत बुधवारी (ता. २२...
‘मांजरा’ ४२ वर्षांत पंधरा वेळा भरलेलातूर ः लातूर, उस्मानाबाद आणि बीड जिल्ह्यांच्या...
परभणी : ‘ई-पीक पाहणी’वर ७७ हजार...परभणी ः ‘‘ई-पीक पाहणी मोबाईल ॲपद्वारे यंदाच्या...
पुण्यातील धरणांच्या पाणलोटात पावसाचा...पुणे : गेल्या दोन दिवसांपासून धरणक्षेत्रात...
साताऱ्यात ई-पीक पाहणीस अल्प प्रतिसाद सातारा : सातारा जिल्ह्यात ई-पीक पाहणी प्रक्रियेस...
बुलडाण्यात ७४ टक्के शेतकऱ्यांना मिळाले...बुलडाणा : यंदाच्या खरीप हंगामासाठी नियोजित...
नांदेड : पीकविमा कंपनीच्या विरोधात धरणे...नांदेड : मुखेड तालुक्यात इफ्को टोकियो पीकविमा...
जनावरांचे बाजार कोल्हापुरात सुरू कोल्हापूर : कोरोनामुळे बंद असलेले जनावरांचे बाजार...
अकोला : पावसामुळे सोयाबीन, कापूस...अकोला : आठवडाभराच्या विश्रांतीनंतर या भागात...
नागपुरात पीक नुकसानीचे  पंचनामे सुरू...नागपूर : गेल्या काही दिवसांत नागपूर जिल्ह्यात...
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...