बुरेवी चक्रीवादळ निवळू लागले; थंडी वाढली 

बुरेवी चक्रीवादळ तमिळनाडू व आंध्र प्रदेशाच्या किनारपट्टीवरून जमिनीवर आल्यानंतर हळूहळू तीव्रता कमी होऊ लागली आहे.
Hawaman
Hawaman

पुणे ः बुरेवी चक्रीवादळ तमिळनाडू व आंध्र प्रदेशाच्या किनारपट्टीवरून जमिनीवर आल्यानंतर हळूहळू तीव्रता कमी होऊ लागली आहे. शुक्रवारी (ता. ४) या चक्रीवादळाचे खोल कमी तीव्र दाबाच्या क्षेत्रामध्ये रूपांतर झाले. हे चक्रीवादळ पश्‍चिम वायव्य भागाकडे सरकत असून, गल्फ व मन्नार आणि रामानाथापुरमच्या किनारपट्टीच्या भागाजवळ शांत होण्याचा अंदाज हवामान विभागाच्या सूत्रांनी दिला आहे.  तमिळनाडू, आंध्र प्रदेश, केरळच्या भागांत धुमाकूळ घातल्यानंतर बुरेवी चक्रीवादळाची तीव्रता कमी होऊ लागल्याने वाऱ्याचा वेग कमी होऊ लागला आहे. त्यामुळे दक्षिण भारतातील लक्षद्वीप, केरळ, कन्याकुमारी, आंध्र प्रदेश, तमिळनाडू या भागांत वादळी वाऱ्यांसह, मध्यम ते जोरदार स्वरूपाचा पाऊस पडत आहे. या चक्रीवादळाची तीव्रता आज (ता. ५) आणखी कमी होणार असून, उद्या आणखी प्रभाव कमी होणार आहे. शुक्रवारी (ता. ४) हे चक्रीवादळ रामानाथापूरमपासून नैर्ऋत्य भागात ४० किलोमीटर अंतरावर होते. पाम्बनपासून पश्‍चिम दक्षिण भागाकडे ७० किलोमीटर, तर कन्याकुमारीपासून ईशान्य भागाकडे १६० किलोमीटर अंतरावर होते. 

थंडी वाढली  मध्य महाराष्ट्रासह, मराठवाडा व विदर्भात काही भागांत थंड वारे वाहत असल्याने किमान तापमानात घट झाली आहे. त्यामुळे मराठवाडा व विदर्भातील अनेक भागात थंडी वाढली आहे. शुक्रवारी (ता.४) सकाळी आठ वाजेपर्यंत मराठवाड्यातील परभणी कृषी विद्यापीठ येथे ९.४ अंश सेल्सिअसची किमान तापमानाची नोंद झाली. 

चक्रीवादळासाठी पुन्हा पोषक वातावरण  गेल्या काही दिवसांपासून बंगालच्या उपसागरात चक्रीवादळाची साखळी सुरूच आहे. बुरेवी हे चक्रीवादळ निवळत असताना पुन्हा दक्षिण अंदमान समुद्र व मलाय पेनिनसुलाजवळा पुन्हा चक्रीवादळासाठी पोषक वातावरण तयार होत आहे. 

शुक्रवारी (ता. ४) सकाळपर्यंत विविध शहरांतील किमान तापमान, कंसात वाढ, घट झालेले तापमान, अंश सेल्सिअसमध्ये ः  मुंबई (सांताक्रूझ) १९.० (-१), ठाणे २४, अलिबाग १९.४, रत्नागिरी २०.२ (-१), डहाणू २०.४ (१), पुणे ११.९ (-१), जळगाव १३.६ (१), कोल्हापूर १७.२ (१), महाबळेश्‍वर १३.४ (-१), मालेगाव १४ (१), नाशिक १४.१ (२), निफाड १०.६., सांगली १५.२ (-१), सातारा १२.९ (-२), सोलापूर १४.५ (-२), औरंगाबाद १२.८, परभणी ११.१ (-३), परभणी कृषी विद्यापीठ ९.४, नांदेड १४, उस्मानाबाद १५.१ (१), अकोला १३.१ (-२), अमरावती १५ (-१), बुलडाणा १४.४ (१), चंद्रपूर १६.४ (२), गोंदिया १०.६ (-३), नागपूर १२.१ (-१), वर्धा १२.४ (-२), यवतमाळ १३ (-२).   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com