वाघी खुर्द येथे तुरीची सुडी जळून खाक

वाघी खुर्द येथे तुरीची सुडी जळून खाक
वाघी खुर्द येथे तुरीची सुडी जळून खाक

शिरपूरजैन  ः येथून जवळच असलेल्या वाघी खुर्द येथील शिवाजी आरू यांच्या  दोन एकर शेतातील तुरीच्या गंजीला अज्ञात इसमाने आग लावल्याची घटना मंगळवारी (ता. ११) रात्री घडली. यामध्ये शेतकऱ्याचे हजारो रुपयांचे नुकसान झाले असल्याची तक्रार त्यांनी पोलिसात दिली आहे.  या वर्षी तुरीच्या काढणीच्या काळामध्ये ढगाळ हवामान असल्यामुळे चिंता वाढली होती. शेतकऱ्यांना तुरीची काढणी करणे कठीण झाले होते. त्यामुळे अनेक शेतकऱ्यांनी तुरीची सोंगणी करीत शेतातच सुडी लावली होती. मात्र, अज्ञात व्यक्तींकडून शेतमाल पेटवून दिल्याच्या घटना वाढल्या आहेत. वाघी खुर्द येथील शिवाजी भागवत आरू यांनी दोन एकरात तुरीची लागवड केली होती.  तुरीची सोंगणी करून एका ठिकाणी सुडी लावून ठेवली. ते बाहेरगावी गेल्याचे पाहून मंगळवारी रात्री उशिरा किंवा बुधवारी (ता. १२) पहाटेच्या सुमारास अज्ञात व्यक्तीने या सुडीला आग लावली. हा प्रकार बुधवारी सकाळी दिसून आला. आगीत संपूर्ण तूर जळून खाक झाली. याप्रकरणी पोलिसांनी तक्रार दाखल करून घेतली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com