यवतमाळ : केंद्र सरकारच्या कृषी संबंधित नव्या विधेयकाला विरोध करणाऱ्या शेतकरी व नेत्यांना अभिनेत्री कंगना राणावत हिने दहशतवादी संबोधले होते. तिच्या या वक्तव्याचा शेतकरी विधवांनी निषेध करीत कंगनाच्या पुतळ्याचे दहन केले.
शेतकरी, शेतकरी नेते, शेतकरी संघटना यांना विश्वासात न घेता व विधेयकामधील तरतुदीबाबत कोणत्याही प्रकारची चर्चा न करता केंद्र सरकारने शेती संबंधित तीन विधेयकांना मंजुरी दिली. त्यामुळे शेतकऱ्यांमध्ये केंद्र सरकारप्रती अविश्वासाचे वातावरण आहे. केंद्र सरकारकडून हे विधेयक शेतकरी हिताचे असल्याचे दावा केला जात असला तरी या विधेयकांना मंजूर करण्याची कार्यपद्धती मात्र अविश्वासाची नाही. याचा देशातील काही शेतकरी संघटना, शेतकऱ्यांनी निषेध केला.
लोकशाहीत शासन निर्णयाला पाठिंबा किंवा विरोध होत असतो. याची माहिती असताना देखील कंगना राणावत हिने शेतकऱ्यांचा आत्मसन्मान दुखावेल असे अपमानास्पद वक्तव्य केले. यावेळी अपर्णा मालोकर, भारती पवार, सुनिता पेंदोर, रेखा गुरनुले, सरस्वती अंबरवार यांची उपस्थिती होती.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.