खरेदी-विक्री संघांची खरेदी रखडणार

खरेदी-विक्री संघांची खरेदी रखडणार
खरेदी-विक्री संघांची खरेदी रखडणार

यवतमाळ : शासकीय हमीभाव खरेदीसाठी खरेदी-विक्री संघाकडे दहा लाख रुपयांचे भांडवल प्रमाणपत्र सक्‍तीचे करण्यात आले आहे. हे पैसे आणायचे कोठून, असा प्रश्‍न करीत खरेदीसंदर्भाने असलेल्या जाचक अटी रद्द करण्याची मागणी खरेदी-विक्री संघाच्या अध्यक्षांनी केली आहे. जिल्हा प्रशासनाला या संदर्भाने निवेदन देण्यात आले.

नाफेडचे सब एजंट म्हणून खरेदी विक्री संघ हमी केंद्रावर शेतमालाची खरेदी करणार आहेत. त्यापूर्वी नाफेडने काही जाचक अटी पूर्ण करण्याचे बंधन घातले आहे. यामध्ये चाळणी, ताडपत्री, आर्द्रता मीटर, आयटी रिटर्न भरल्याचे प्रमाणपत्र, धान्याची उलाढाल करताना तूट आल्यास ती भरून देण्याची जबाबदारी संघाची असणार आहे. तसेच संघाकडे दहा लाख रुपये भांडवल शिल्लक असावे लागणार आहे. तसे प्रमाणपत्र असेल तरच संघाला खरेदी करता येईल.

नाफेडने गेल्यावर्षीच्या शेतमाल खरेदीचे कमिशन खरेदी-विक्री संघाला अदा केलेले नाही. या मुळे वर्षभरापासून कर्मचाऱ्यांना वेतनही अदा करता आले नाही. संघाची संपूर्ण मालमत्ता बॅंकांकडे गहाण आहे. त्याची सोडवणूक करायची आहे. हे प्रश्‍न सुटल्यानंतरच संघ शेतमाल खरेदी करण्यास तयार होणार असल्याचे मत जिल्ह्यातील पदाधिकाऱ्यांनी व्यक्‍त केले. जिल्हाधिकाऱ्यांपुढे हा प्रश्‍न मांडण्यात आला.

या वेळी कळंब बाजार समितीचे सभापती प्रवीण देशमुख, यवतमाळ बाजार समितीचे सभापती रवींद्र ढोक, आर्णी बाजार समितीचे सभापती राजेंद्र पाटील, मारेगाव बाजार समितीचे नरेंद्र कोंबे, दत्तकुमार दरणे, राजकुमार गुघाणे यांची उपस्थिती होती.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com