परभणी : परभणी कृषी उत्पन्न बाजार समितीकडे यापूर्वी (ऑफलाइन) नोंदणी केलेल्या परभणी तालुक्यातील शेतकऱ्यांचा कापूस खरेदी करावा, अशी मागणी राष्ट्रवादी कॉंग्रेसचे जिल्हाध्यक्ष प्रा. किरण सोनटक्के यांनी जिल्हाधिकारी दीपक मुगळीकर यांच्याकडे केली.
परभणी कृषी उत्पन्न बाजार समितीच्या कार्यक्षेत्रातील परभणी तालुक्यातील अनेक शेतकऱ्यांनी शासकीय खरेदी केंद्रावर कापूस विक्रीसाठी मार्च महिन्यामध्ये नोंदणी केली. बाजार समितीने शेतकऱ्यांच्या नोंदणीनुसार यादी तयार केली होती. परंतु, त्यानंतर प्रशासनाने गुगल लिंकव्दारे ऑनलाइन नोंदणी सुरु केली.
नोंदणीनुसार कापूस खरेदी केली जात आहे. परंतु, त्याआधी बाजार समितीकडे नोंदणी केलेल्या शेतकऱ्यांचा विचार केला जात नाही. त्यामुळे ऑनलाइन नोंदणी प्रमाणे कापूस खरेदी करत असताना बाजार समितीकडे नोंदणी केलेल्या शेतकऱ्यांचा देखील कापूस खरेदी करावा, अशी मागणी राष्ट्रवादी कॉंग्रेसचे शहर जिल्हाध्यक्ष प्रा. सोनटक्के, तालुकाध्यक्ष संतोष देशमुख, संदिप देशमुख, मधुकर कदम, शंकर देशमुख आदींनी जिल्हा प्रशासनाकडे केली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.