agriculture news in marathi Buy kharif season maize in Nashik with Rabbi | Page 2 ||| Agrowon

रब्बीसोबत नाशिकमधील खरीप हंगामातील मका खरेदी करा

टीम अॅग्रोवन
शनिवार, 23 मे 2020

फक्त रब्बी हंगामातील मका खरेदीचे आदेश देण्यात आले आहेत. शेतकऱ्याकडे ९० टक्के मका मागील खरीप हंगामातील आहे. रबी हंगामात अत्यल्प मका आहे. तो अद्याप काढलेला नाही. त्यामुळे खरीब, रब्बी असा भेदभाव न करता सरसकट खरेदी करून मका उत्तपादकांना न्याय द्यावा. 
- कुबेर जाधव, समन्वयक, स्वाभिमानी शेतकरी संघटना, नाशिक 

अतिवृष्टीमुळे खरिपातील मका सोंगणीला उशीर झाला. त्यामुळे आता मळणी करून मका तयार आहे. मात्र, शासनाच्या चुकीच्या धोरणामुळे खरेदी केंद्रावर विक्री करता येईना. सरकारने तातडीने खरीप मका खरेदीचा निर्णय घेऊन खरिपाच्या तोंडावर दिलासा द्यावा. 
- किरण लभडे, मका उत्पादक शेतकरी, निमगाव मढ, ता. येवला 
 

नाशिक : २०१९-२० च्या रब्बी हंगामात किमान आधारभूत किंमत योजनेंतर्गत ज्वारी व मका खरेदीसाठी जिल्ह्यात ९ खरेदी केंद्रे सुरू करण्यात आली आहेत. या कामी जिल्ह्यातील खरेदी विक्री संघ काम पाहतील. ही खरेदी ११ मे ते ३० जून दरम्यान होणार असल्याची घोषणाही झाली. मात्र, गेल्या दोन दिवसांपूर्वीच ऑनलाइन पद्धतीने पोर्टलवरून नोंदणीला सुरुवात झाली. जिल्हा विपणन अधिकारी संध्या पांडव यांनी दिलेल्या माहितीनुसार अवघ्या ९० शेतकऱ्यांनी विक्रीसाठी नोंदणी केली आहे. त्यामुळे प्रतिसाद अत्यल्प असल्याचे दिसून येत आहे. 

शासन निर्णयानुसार एफ.ए.क्यू दर्जाच्या खरेदी होणाऱ्या मक्याला प्रतिक्विंटल १७६० रुपये दर जाहीर करण्यात आले. मात्र, यात रब्बी हंगामातील मका खरेदी होणार आहे. खरिपातील पडलेल्या मक्याचे काय करावे, हा प्रश्न शेतकरी उपस्थित करत आहेत. प्रामुख्याने जिल्ह्यात मोठ्या प्रमाणावर खरीप हंगामातील मका शिल्लक आहे. तो खरेदी करण्याची प्रमुख मागणी आहे. मात्र, निर्णय फक्त रब्बी हंगामातील मका खरेदीचा असल्याने शेतकऱ्यांमध्ये नाराजी आहे. 

खरीप हंगामातील शिल्लक मका नोंदणीसाठी शेतकरी केंद्रावर येत आहेत. ही टक्केवरी ९० टक्के, तर रब्बीत नोंदणी करण्यासाठी येणाऱ्यांची टक्केवारी अवघी १० टक्के आहे. याबाबत येवला खरेदी विक्री संघाकडे चौकशी केली असता ५० टक्के खरीप मका विक्रीविना असल्याची माहिती समोर आली आहे. त्यामुळे शासनाने मका उत्पादक शेतकऱ्यांची मागणी विचारत घ्यावी, असे शेतकऱ्यांनी सांगितले. 

 


इतर ताज्या घडामोडी
बारामतीत हमीभाव हरभरा खरेदी केंद्र सुरूपुणे ः शेतकऱ्यांच्या उत्पादित हरभऱ्यांला हमीभाव...
सेंद्रिय शेतीचे शेतकरी गटांना शेतातच...पुणे ः कृषी विभाग, आत्मा आणि बारामती कृषी विज्ञान...
कोरोना संसर्ग रोखण्यासाठी दक्षता घ्या ः...वाशीम ः कोरोना विषाणू संसर्ग रोखण्यासाठी जिल्हा...
उजनी धरणातील पाणी पातळी उणे ११...सोलापूर ः सोलापूरची वरदायिनी असलेल्या उजनी...
लातूरमध्ये १ लाख १४ हजार क्विंटलवर...लातूर : जिल्ह्यातील ३४ हजार ९४८ हरभरा उत्पादकांनी...
मका खरेदीसाठी संदेश पाठवूनही खरेदी...औरंगाबाद : जिल्ह्यात सुरू झालेल्या ८ हमी...
उच्चदाब वीजग्राहकांना दीडपट ते दहापट...इचलकरंजी, जि. कोल्हापूर : महाराष्ट्र विद्युत...
अकोल्यात कोरोनाचा कहर कायम विदर्भात...अकोला ः जिल्ह्यात कोरोना विषाणूचा संसर्ग...
निर्यातदारांनी निर्यातीच्या द्राक्षांचे...नाशिक : जिल्ह्यातील द्राक्ष हंगाम सुरू...
नांदेडमध्ये ८६२ शेतकरी गटांतर्फे थेट...नांदेड : जिल्ह्यातील १६ तालुक्यांतील ८६२ शेतकरी...
परभणीत दोन महिन्यात १३०० टन फळे,...परभणी : कृषी तंत्रज्ञान व्यवस्थापन यंत्रणा (आत्मा...
नाशिक : अफवेमुळे दरावर परिणाम; टोमॅटो...नाशिक  : कसमादे पट्ट्यातील अनेक शेतकऱ्यांनी...
लातूरमध्ये टाळेबंदीत शेतकऱ्यांच्या...लातूरः टाळेबंदीच्या काळात लातूर बाजार समितीचा अडत...
अन्य जिल्ह्यातून परभणीत येण्यास कृषी...परभणी : वसंतराव नाईक मराठवाडा कृषी विद्यापीठातील...
बहुभक्षीय उपद्रवी कीड ः वाळवंटी टोळवाळवंटी टोळ किंवा नाकतोडा ही कीड मोठ्या प्रमाणात...
उन्हाळ्यातील केळी बागेचे व्यवस्थापनउष्णलाटांमुळे बागेतील तापमान वाढते, आर्द्रता कमी...
नियोजन संत्रा बाग लागवडीचे..हलक्‍या जमिनीत निचरा चांगला होतो. मात्र या...
प्रत्येकी १० गुंठ्यात पिकवा विविध...भविष्यात किंवा येत्या खरीपापासून त्यासाठी...
समजाऊन घ्या ग्रामपंचायतीचा अर्थसंकल्प ‘आमचं गाव-आमचा विकास' या लेखमालेमध्ये आपण शाश्वत...
असे करा द्राक्षबागेतील स्ट्रोमॅशिअम...खोडकिडीचे प्रौढ भुंगेरे साधारणतः मान्सूनपूर्व,...