मोहोळ, जि. सोलापूर ः ‘‘मोहोळ येथील दुय्यम निबंधक कार्यालयात होत असलेल्या खरेदी-विक्री व्यवहारातील खरेदी घेणारे व देणारे या दोघांनाही आता कोरोनाची चाचणी बंधनकारक करण्यात आली आहे,’’ अशी माहिती प्रभारी दुय्यम निबंधक एम. व्ही. कानडे यांनी दिली.
मोहोळमधील या नवीन नियमामुळे सर्वसामान्यांची मोठी अडचण झाली आहे. गेल्या महिनाभरापासून कोरोनाच्या दुसऱ्या लाटेत राज्य, जिल्हा, तालुकास्तरावर कोरोना रुग्णांची संख्या वाढते आहे. त्यामुळे वरचेवर परिस्थिती हाताबाहेर जाऊ लागली आहे. कोरोना नियंत्रणासाठी शासन जशा अडचणी येत आहेत, तसे नवे निर्बंध लादत आहे.
मोहोळ हे मुंबई-हैदराबाद महामार्गावरील मध्यवर्ती ठिकाण आहे. राज्यात कुठेही जाण्याची सुविधा इथून आहे. मोहोळचे शहरीकरण होत आहे. सहाजिक मोठी वर्दळ या मार्गावर आणि गावात होते आहे. मोहोळच्या दुय्यम निबंधक कार्यालयातही दररोज मोठ्या संख्येने गर्दी होते आहे. या गर्दीला आवर घालण्यासाठी आता खरेदी देणार व घेणाऱ्यांच्या कोरोना चाचण्या बंधनकारक आहेत.
संसर्ग रोखण्यासाठी नागरिकांनी गाफिल न राहता नियमाचे पालन करणे आवश्यक आहे. स्वतःची आणि आपल्या कुटुंबाची काळजी घेणे सर्वस्वी आपल्या हातात आहे. - सचिन ढोले, प्रातांधिकारी, पंढरपूर.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.