शेतकरी सन्मान योजनेच्या लाभार्थ्यांना पीककर्ज पुरवठ्यासाठी मोहीम : जिल्हाधिकारी हृषीकेश मोडक

शेतकरी सन्मान योजनेच्या लाभार्थ्यांना पीककर्ज पुरवठ्यासाठी मोहीम : जिल्हाधिकारी हृषीकेश मोडक
शेतकरी सन्मान योजनेच्या लाभार्थ्यांना पीककर्ज पुरवठ्यासाठी मोहीम : जिल्हाधिकारी हृषीकेश मोडक

वाशीम : जिल्ह्यातील प्रधानमंत्री शेतकरी सन्मान योजनेच्या ज्या लाभार्थी शेतकऱ्यांनी अद्याप कोणत्याही वित्तीय संस्था व बँकांकडून पीककर्ज घेतलेले नाही, अशा शेतकऱ्यांनी पीककर्ज पुरवठा करण्यासाठी विशेष मोहीम राबविण्यात येत आहे. जिल्ह्यातील शेतकऱ्यांनी या विशेष मोहिमेचा लाभ घेण्याचे आवाहन जिल्हाधिकारी हृषीकेश मोडक यांनी केले आहे. जिल्ह्यामध्ये २ लाख १७ हजार १९४ शेतकऱ्यांची प्रधानमंत्री शेतकरी सन्मान योजनेअंतर्गत लाभार्थी म्हणून नोंद झाली आहे. यांपैकी एक लाख ५६ हजार ८८५ लाभार्थी शेतकऱ्यांना वेगवेगळ्या वित्तीय संस्था व बँकाकडून पीक कर्जपुरवठा करण्यात आला आहे. कोणत्याही वित्तीय संस्था तसेच बँकांकडून पीककर्ज न घेतलेले प्रधानमंत्री शेतकरी सन्मान योजनेचे ६० हजार ३०९ लाभार्थी शेतकरी जिल्ह्यामध्ये आहेत. या शेतकऱ्यांना बँकिंग क्षेत्राकडून पीक कर्ज उपलब्ध करून देण्यासाठी विशेष मोहीम राबविण्याबाबत केंद्र शासनाच्या डिपार्टमेंट ऑफ फायनान्शियल सर्व्हिसेस तथा कृषी मंत्रालयाचे आदेश प्राप्त झाले आहेत. या शेतकऱ्यांना अर्ज करता यावा, यासाठी आयबीए संस्थेकडून एक पानी अर्जाचा नमुना सर्व बँकांना उपलब्ध करून देण्यात आलेला आहे. यानुसार शेतकऱ्यांनी पीककर्ज मिळवण्यासाठी लाभ घेण्याबाबतही आवाहन करण्यात आले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com