agriculture news in marathi, candidate starts to doing preparation for assembly election, mumbai, maharashtra | Agrowon

लोकसभा निवडणुकीत पराभूत उमेदवारांना विधानसभेचे वेध

टीम अॅग्रोवन
बुधवार, 29 मे 2019

मुंबई : लोकसभा निवडणुकीत पराभूत झालेल्या उमेदवारांना आता विधानसभा निवडणुकीचे वेध लागले आहेत. विधानसभा मतदारसंघनिहाय झालेले मतदान लक्षात घेऊन इच्छुकांनी मोर्चेबांधणी सुरू केली आहे. ज्या विधानसभा मतदारसंघात चांगली मते मिळवली आहेत तेथून अपक्ष तसेच लहानमोठ्या पक्षांचे पराभूत उमेदवार विधानसभेच्या मैदानात उतरण्याची शक्यता आहे.

मुंबई : लोकसभा निवडणुकीत पराभूत झालेल्या उमेदवारांना आता विधानसभा निवडणुकीचे वेध लागले आहेत. विधानसभा मतदारसंघनिहाय झालेले मतदान लक्षात घेऊन इच्छुकांनी मोर्चेबांधणी सुरू केली आहे. ज्या विधानसभा मतदारसंघात चांगली मते मिळवली आहेत तेथून अपक्ष तसेच लहानमोठ्या पक्षांचे पराभूत उमेदवार विधानसभेच्या मैदानात उतरण्याची शक्यता आहे.

येत्या ऑक्टोबर महिन्यात होऊ घातलेल्या विधानसभा निवडणुकीची चाचपणी करण्यासाठी काही उमेदवारांनी अपक्ष म्हणून किंवा लहान पक्षांच्या तिकिटावर लोकसभेची निवडणूक लढवली. लोकसभेच्या निमित्ताने या उमेदवारांना विधानसभेसाठी कोणती रणनीती ठरवावी लागेल याचा अंदाज आला आहे. त्यादृष्टीने पुढील पाच महिने इच्छुक उमेदवार कामाला लागलेले दिसतील.

औरंगाबाद लोकसभा मतदासंघात अपक्ष म्हणून लढणाऱ्या हर्षवर्धन जाधव यांनी दोन लाखांहून अधिक मते घेतली. लोकसभा निवडणुकीत पराभव झाला असला तरी ते कन्नडमधून विधानसभेची निवडणूक लढवतील. भंडारा-गोंदियात पराभूत झालेले राष्ट्रवादीचे उमेदवार नाना पंचबुद्धे, बुलडाण्यातील डॉ. राजेंद्र शिंगणे, वंचित बहुजन आघाडीचे बळीराम सिरसकर, धुळ्यातील आमदार कुणाल पाटील, अनिल गोटे, दिंडोरीचे धनराज महाले, गडचिरोलीतील काँग्रेसचे डॉ. नामदेव उसेंडी, रमेशकुमार गजबे हे विधानसभेसाठी दावा करण्याची शक्यता आहे.

हातकणंगले लोकसभा मतदारसंघाचे दोन टर्म प्रतिनिधीत्व केलेले शेतकरी संघटनेचे राजू शेट्टी यांना या निवडणुकीत शिवसेनेच्या धैर्यशील माने यांनी अस्मान दाखवले. २००९ मध्ये लोकसभेची पहिली निवडणूक लढणारे शेट्टी आधी आमदार होते. २००४ मध्ये ते शिरोळमधून निवडून गेले होते. लोकसभेला पराभूत झाल्याने शेट्टी १५ वर्षांनंतर विधानसभेची निवडणूक लढवू शकतात. जळगावमधून राष्ट्रवादीच्या गुलाबराव देवकर यांचा पराभव झाला. त्यामुळे देवकर पुन्हा एकदा विधानसभेला आपले नशीब अजमावून पाहू शकतात.

माढामधून राष्ट्रवादीचे संजयमामा शिंदे, नागपूरमधील काँग्रेसचे पराभूत उमेदवार नाना पटोले, नंदूरबारमधील पराभूत के. सी. पाडवी हे विधानसभेचे उमेदवार असू शकतात.काँग्रेस प्रदेशाध्यक्ष अशोक चव्हाण लोकसभेची निवडणूक लढण्यास तयार नव्हते. तरीही काँग्रेसने त्यांना उमेदवारी दिली. आता चव्हाण विधानसभेची निवडणूक लढण्याची शक्यता आहे. 

नाशिकमध्ये माणिकराव कोकाटे यांनी युतीच्या उमेदवाराविरोधात बंड केले होते. कोकाटे यांनी १ लाख ३४ हजार मते घेतली. त्यामुळे ते सिन्नरमधून निवडणूक लढवू शकतात. उस्मानाबादमधून राणा जगजीतसिंह पाटील, सांगलीतील ‘वंचित बहुजन’चे गोपीचंद पडळकर, विशाल पाटील, शिर्डीतील भाऊसाहेब कांबळे विधानसभेची निवडणूक लढण्यास इच्छुक असल्याची चर्चा आहे.

लोकसभेतील पराभूतांची विधानसभेसाठी तयारी

  • अशोक चव्हाण - भोकर
  • राजू शेट्टी - शिरोळ
  • हर्षवर्धन जाधव - कन्नड
  • बळीराम सिरसकर - बाळापूर
  • के. सी. पाडवी - अक्कलकुवा
  • कुणाल पाटील - धुळे ग्रामीण
  • अनिल गोटे - धुळे शहर
  • माणिकराव कोकाटे- सिन्नर
  • भाऊसाहेब कांबळे - श्रीरामपूर
  • नाना पटोले - साकोली

इतर ताज्या घडामोडी
पुणे शहरालगतच्या रुग्णालयांमधील ८०...पुणे  : शहरालगतच्या गावांमध्ये कोरोनाबाधित...
कोल्हापुरात आज घरगुती वीज बिलांची होळी ...कोल्हापूर  : दिल्ली सरकारने शंभर...
शेळ्या, मेंढ्यांचे बाजार सुरु करण्याची...नगर  ः सध्या आषाढ महिना सुरु असून या...
गोसेखुर्द प्रकल्प पूर्ण करण्यासाठी...भंडारा   : गोसेखुर्द प्रकल्प २०२३...
खासगी दूध संघांनी दुधाला २५ रुपये दर...नगर ः दुधाला दर मिळत नसल्याने दुग्धोत्पादन अडचणीत...
नांदेड जिल्ह्यात ९२ टक्के क्षेत्रावर...नांदेड ः यावर्षीच्या (२०२०) खरीप हंगामात नांदेड...
नगर जिल्ह्यात युरियाची टंचाई कायम नगर  ः खरीप पिके जोमात असून आता पिकांना...
नगर जिल्ह्यात युरिया टंचाई कायमनगर ः खरीप पिके जोमात असून आता पिकांना युरिया...
पुणे विभागात खरिपाचा सव्वासात लाख...पुणे ः जूनच्या सुरुवातील पुणे विभागातील अनेक...
आमगाव खडकी गावाने सहायता निधीला मदत देत...वर्धा  ः गावातील मार्गावरुन जाणाऱ्या...
लासलगाव बाजार समितीत आजपासून शेतमालाचे...नाशिक : लासलगाव कृषी उत्पन्न बाजार समिती आवारात...
औरंगाबादेत २४ लाख क्विंटल कापूस खरेदीऔरंगाबाद : जिल्ह्यात कापूस पणन महासंघ (सीसीआय),...
नांदेड, परभणी, हिंगोलीत हरभऱ्याची...नांदेड ः किमान आधारभूत किंमत खरेदी योजनेअंतर्गत...
गुजरातमधील अवैध एचटीबीटी उत्पादनाला...नागपूर ः बीटी नंतर एचटीबीटी (तणनाशक सहनशील)...
खाजगी दुध संघांनी दूधाला २५ रुपये दर ...नगर  ः दुधाला दर मिळत नसल्याने दुग्धोत्पादक...
कोल्हापुरात आज घरगुती वीज बिलांची होळीकोल्हापूर : दिल्ली सरकारने शंभर युनिटपर्यंतचे वीज...
पुणे विभागात खरिपाची सात लाख ३४ हजार...पुणे   ः जूनच्या सुरूवातील पुणे...
पुण्यात सर्वच भाजीपाल्याच्या दरात...पुणे ः गुलटेकडी येथील पुणे कृषी उत्पन्न बाजार...
अन्नधान्यासह हाताला काम मिळणे गरजेचे ः...नाशिक : आपली अर्थव्यवस्था अत्यंत नाजूक...
तापमान वाढीची प्रक्रिया रोखण्यासाठी...ओस्लो (नॉर्वे) येथील ‘सेंटर फॉर इंटरनॅशनल...