Agriculture news in Marathi The capacity of the Central Warehousing Corporation will be multiplied | Agrowon

केंद्रीय गोदाम महामंडळाची क्षमता अनेक पटींनी वाढविणार

टीम अॅग्रोवन
गुरुवार, 4 मार्च 2021

साठवणक्षमता देण्यासाठी याची नितांत गरज असल्याचे मत केंद्रीय ग्राहक व्यवहार, अन्न व सार्वजनिक वितरण, रेल्वे आणि वाणिज्य व उद्योग मंत्री पीयूष गोयल यांनी व्यक्त केले.

नवी दिल्ली ः केंद्रीय गोदाम महामंडळाची क्षमता सध्याच्या १३० लाख टनांवरून लवकरात लवकर अनेक पटींनी वाढविण्याची वेळ आता आली आहे. वाढत्या कृषी क्षेत्राची आव्हाने पेलण्यासाठी तसेच शेतकऱ्यांसाठी अत्यावश्यक असलेली साठवणक्षमता देण्यासाठी याची नितांत गरज असल्याचे मत केंद्रीय ग्राहक व्यवहार, अन्न व सार्वजनिक वितरण, रेल्वे आणि वाणिज्य व उद्योग मंत्री पीयूष गोयल यांनी व्यक्त केले. केंद्रीय गोदाम महामंडळाच्या ६५ व्या स्थापना दिनाच्या निमित्ताने आयोजित कार्यक्रमात ते बोलत होते.

भारतात अंतिम वस्तूंच्या किमतीत पुरवठा साखळी खर्च १३ ते १४ टक्के असतो. त्या तुलनेत इतर देशात तो खर्च फक्त सात ते आठ टक्केच असतो. तो कमी झाल्यास भारताची निर्यातीत स्पर्धात्मकता वाढेल, असे गोयल म्हणाले.

आर्थिक वर्ष २०१९-२० मध्ये केंद्रीय गोदाम महामंडळाची उलाढाल विक्रमी एक हजार ७१० कोटी रुपये होती. केंद्रीय गोदाम महामंडळ शेतकऱ्यांना किंवा शेतकरी उत्पादक कंपन्यांना गोदाम व्यवस्थापनाशी निगडित सेवा पुरवू शकेल, असेही गोयल म्हणाले. येत्या पाच वर्षांत महामंडळाच्या उलाढालीत काही पटीत वाढ होण्याची शक्यता आहे. त्यासाठी खासगी कंपन्यांकडून सहभागाची गरज आहे, असे गोयल यांनी सांगितले.

आज देशभरातील २१७ कोटी रुपयांच्या गोदाम प्रकल्पाचे उद्‌घाटन होत असून, त्यामुळे साठवणक्षमता वाढेल. तसेच पायाभूत सुविधा बळकट होतील व शेतकऱ्यांना या सर्वांशी जोडले जाईल, असेही ते म्हणाले. पंतप्रधान गरीब कल्याण योजनेअंतर्गत सीडब्ल्यूसीने ३५ लाख टन अन्नधान्याची तसेच सार्वजनिक वितरण प्रणाली (पीडीएस)साठी १८९ लाख टन धान्याची साठवण व वाहतूक केली होती.

केंद्रीय गोदाम महामंडळाने (सीडब्ल्यूसी) ग्राहक व्यवहार विभागाबरोबर काम करत २२ अत्यावश्यक वस्तूंच्या साठवण क्षमतेत वाढ करण्यासाठी देशभर पसरलेल्या गोदामात बदल घडवण्याचे निर्देश या वेळी दिले आहेत. कृषी क्षेत्राला गोदाम सुविधा देण्याचे महत्त्वाचे काम केंद्रीय गोदाम महामंडळ करत आहे. भारत सरकारने २०१४ पासून १७७ गोदाम प्रकल्पांना मंजुरी दिली असून, यासाठी १ हजार कोटी रुपयांची गुंतवणूक झाली आहे.

केंद्रीय गोदाम महामंडळाच्या दैनंदिन व्यवहारात साठवण क्षमतेची गुणवत्ता व प्रमाणीकरण हे मोहिमेप्रमाणे राबवले जायला हवे. भारत सरकारच्या प्राथमिकता यादीमध्ये कृषी क्षेत्रातील सुधारणांना महत्त्वाचे स्थान आहे. गोदाम व्यवस्थेच्या विस्ताराबरोबरच वाहतूक खर्च कमी केल्यास कापणीनंतरच्या मूल्य साखळीला अधिक पारदर्शक, एकीकृत व उत्पादक बनविण्याच्या दिशेने मोठा बदल घडवता येईल. यामुळे शेतकऱ्यांची मिळकत वाढेल.
- पीयूष गोयल, उद्योग मंत्री


इतर अॅग्रोमनी
सोयाबीनः सावध, ऐका पुढल्या हाका जगाची लोकसंख्या २०५० साली १० अब्ज...
सहकाराला मारक कायदे बदलण्याला प्राधान्य राज्यातील सहकारी बॅंकिंग व्यवस्थेचे अभ्यासक...
कापूस वायदा सरकारी रडारवरदेशात ऑगस्ट ते डिसेंबर या कालावधीत एकंदर नऊ कृषी...
सोयापेंडीच्या मागणीमुळे सोयाबीनचे दर...पुणे ः बाजारात सध्या सोयाबीन दर एका भावपातळीवर...
cotton market: पांढरं सोनं उद्योगाच्या... पुणे ः कापसाचे दर वाढल्याची हाकाटी पिटत कापड...
कृषी तंत्रज्ञान क्षेत्रातील गुंतवणूक १...देशभरातील कृषी तंत्रज्ञान क्षेत्रातील स्टार्ट...
हळद दराची वाटचाल दहा हजार रुपयांकडेनागपूर : लांबलेला पावसाळा, त्यामुळे शिवारात...
नाशिकमधील उन्हाळ कांद्याचा साठा अखेरीकडेनाशिक : फेब्रुवारी २०२१पासून उन्हाळ कांद्याची...
‘मँगोनेट’ अंतर्गत सात वर्षांत ४, ५६६... रत्नागिरी : हापूसची परदेशात निर्यात होऊन येथील...
साखर उत्पादनाची शतकी मजलकोल्हापूर : देशात यंदाचा साखर हंगाम सुरू...
हरभऱ्याची भिस्त नाफेडच्या खरेदीवरकमी मागणी, आयातीमुळे हरभरा दर दबावात पुणे -...
प्रयोग, वैविध्यपूर्ण फळबागेतून अर्थकारण...मांजर्डे (जि. सांगली) येथील उमेश पवार यांनी...
देशातील तूर उत्पादनात मोठी घटपुणे : देशात तूर पिकाला यंदा सततचा पाऊस, मर रोग,...
खर्चात बचत हाच नफ्याचा पायानांदेड शहरापासून ३० किलोमीटरवरील दापशेड (ता. लोहा...
बाजारातील असंतुलनामुळे सोयाबीनची दरवाढपुणे ः जागतिक बाजारात सध्या सोयाबीन दरात झालेली...
कापूस आवक वाढूनही दर स्थिरावले जळगाव ः  कापड उद्योगातील वाढती महागाई व...
सोयाबीनमधील तेजी कायम पुणे ः आवक कमी मात्र मागणी जास्त असल्याने देशातील...
सोयाबीन दरात सुधारणा पुणे ः सोयाबीन उत्पादक शेतकऱ्यांनी यंदा...
आयात उडदाला ग्राहक मिळेना पुणे : देशात यंदा उडीद उत्पादनात घट झाली मात्र...
तुरीचे दर स्थिरावले; नवीन तूर पुढील...पुणे : देशातील नवीन तूर डिसेंबरपासून बाजार येणार...