agriculture news in Marathi, case against Lokmangal company due to illegal fertilizer, Maharashtra | Agrowon

बोगस खतप्रकरणी ‘लोकमंगल’वर गुन्हा
टीम अॅग्रोवन
शनिवार, 24 ऑगस्ट 2019

पुणे : राज्याचे सहकारमंत्री सुभाष देशमुख यांना कृषी विभागाने जोरदार झटका दिला आहे. मराठवाड्यातील शेतकऱ्यांना अप्रमाणित मिश्रखताचा पुरवठा केल्याबद्दल सहकारमंत्र्यांच्या कंपनीवर थेट फौजदारी गुन्हा दाखल करण्यात आला आहे.

पुणे : राज्याचे सहकारमंत्री सुभाष देशमुख यांना कृषी विभागाने जोरदार झटका दिला आहे. मराठवाड्यातील शेतकऱ्यांना अप्रमाणित मिश्रखताचा पुरवठा केल्याबद्दल सहकारमंत्र्यांच्या कंपनीवर थेट फौजदारी गुन्हा दाखल करण्यात आला आहे.

लोकमंगलवर कडक कारवाई करायची की नाही, याबाबत गेल्या तीन महिन्यांपासून कृषी खात्यात काथ्याकूट चालू होता. कृषी आयुक्त सुहास दिवसे व औरंगाबादचे जिल्हाधिकारी उदय चौधरी यांनी या प्रकरणाची सखोल माहिती घेतली. या प्रकरणाचे गांभीर्य लक्षात घेऊन अखेर फौजदारी कारवाईचा निर्णय घेतला गेला. मराठवाड्यात विकले जाणारे १८:१८:१०, २०:२०:० व १०:२०:२० ग्रेडचे मिश्रखत कृषी खात्याच्या रडारवर होते. या प्रकरणानंतर लाखो रुपयांचे खत जप्त करण्यात आले आहे, अशी माहिती सूत्रांनी दिली.

“कंपनी कोणाच्याही मालकीची असली, तरी शेतकऱ्यांची फसवणूक हेतूतः होत असल्यास कायद्यातील तरतुदीनुसार कामकाज करा, अशा सूचना गुणनियंत्रण निरीक्षकांना देण्यात आल्या. त्यामुळे गुन्हा दाखल करावा लागला,” अशी माहिती सूत्रांनी दिली. राज्याचे प्रभारी गुणनियंत्रण संचालक विजयकुमार घावटे, सहसंचालक प्रतापसिंह कदम, मुख्य गुणवत्ता नियंत्रण अधिकारी केशवराव मुळे यांच्या मार्गदर्शनाखाली कृषी विभागाने ही कारवाई केली.

“खत उत्पादन व विक्रीत गंभीर बाबी आढळल्यास गुन्हा दाखल करण्याबाबत जिल्हाधिकाऱ्यांना वस्तुस्थिती सादर करण्याचे आदेश कृषी आयुक्तांनी दिलेले आहेत. मेसर्स लोकमंगल बायोटेक प्रायव्हेट लिमिटेड (ए ६१, एमआयडीसी चिंचोली, सोलापूर) या खत उत्पादक कंपनीकडून प्रयोगशाळेतील विश्लेषण अहवालानुसार सहा नमुने अप्रमाणित निघाले. हे प्रकरण गंभीर असल्याने जिल्हाधिकाऱ्यांनी देखील गुन्हा दाखल करण्याचे आदेश दिले आहेत,” असे कृषी खात्याने पोलिसांना दिलेल्या माहितीत नमूद केले आहे. 

लोकमंगल बायोटेकचे मालक, संचालक, रसायनशास्त्रज्ञ, व्यवस्थापकाविरुद्ध भारतीय दंड संहितेच्या ४२० व ३४ कलमान्वये तसेच अत्यावश्यक वस्तू कायद्याच्या तीन व सात कलमान्वये गुन्हा दाखल करण्यात आला. कृषी आयुक्तांनी खते, बियाणे, कीडनाशके उद्योगातील को-मार्केटिंगमध्ये गुंतलेल्या ९३ कंपन्यांचे परवाने रद्द करण्यात आल्याचे गेल्याच आठवडयात घोषित केले होते. त्यानंतर गुणनियंत्रणाबाबत आणखी कडक कारवाईचे संकेत दिले होते. 

‘लोकमंगल’मुळे खत लॉबीला हादरा
मिश्रखत उद्योगातील सर्वांत मातब्बर अशा ‘लोकमंगल’वर गुन्हा दाखल झाल्यामुळे खत लॉबीला मोठा हादरा बसला आहे. राज्याचे सहकारमंत्री सुभाष देशमुख यांच्या मालकीच्या लोकमंगल उद्योग समूहाने खतनिर्मितीसाठी ‘लोकमंगल बायोटेक प्रायव्हेट लिमिटेड’ ही स्वतंत्र कंपनी उघडली आहे. सहा राज्ये आणि एक हजार डिलरचा ताफा, तसेच प्रतिवर्षी २५ हजार टन खतनिर्मितीची क्षमता कंपनीकडे आहे. ‘लोकमंगल बायोटेक’चे  मुख्यालय सोलापूरला असून, खत कारखाना सोलापूर चिंचोली एमआयडीसीत आहे. गुजरात, आंध्र प्रदेश आणि अकोला भागात कंपनीने शाखा उघडल्या आहेत.
 

इतर अॅग्रो विशेष
महाराष्ट्राप्रमाणे आम्हालाही विकसित...पुणे : महाराष्ट्रातील शेतकरी पीक उत्पादन...
कांदा खाणाऱ्यांचा विचार करता, मग...नाशिक : कांद्यातील भाववाढीला आळा घालण्यासाठी...
द्राक्षपंढरीत गोड्या छाटण्यांना सुरवातनाशिक : चालू वर्षीच्या द्राक्ष हंगामाला सुरवात...
युरियाशिवाय शेती विचार रुजला तरच...नागपूर ः सेंद्रिय शेतीचा विचार गेल्या अनेक...
...अखेर ऊसतोड कामगार महामंडळ स्थापनमुंबई ः गेल्या अनेक वर्षांपासून प्रलंबित असलेल्या...
जलसमृद्धी बक्षीस योजनेतील चौथ्या आणि...पुणे : ॲग्रोवन जलसमृद्धी बक्षीस योजनेची सोडत...
नागपूर जिल्हा बॅंक घोटाळा निकाली...नागपूर ः नागपूर जिल्हा मध्यवर्ती बॅंकेतील...
शेतकरी कंपन्यांकडून हमीभावाने खरेदीची...पुणे : किमान हमीभाव खरेदीच्या कार्यक्रमात शेतकरी...
राज्यात उद्यापासून पावसाची शक्यतापुणे : राज्यात पावसासाठी पोषक हवामान होत असल्याने...
राज्यात नवे जलधोरणपुणे : राज्याच्या जुनाट जलधोरणाला अखेर मूठमाती...
कृषी विभाग उभारणार गाव पातळीवर शेतकरी...नागपूर ः ग्रामपंचायत कार्यालयात कृषी सहायकांकरिता...
अनुदान अर्जांना १०० टक्के पूर्वसंमती...पुणे : कृषी विभागाच्या विविध योजनांमधील...
गुरुवारपासून पावसाचा जोर वाढणारपुणे : काहीशी विश्रांती घेतल्यानंतर अरबी...
कीडनाशके विक्री पात्रतेचा तिढा सुटलापुणे : देशात कीडनाशके विक्रीसाठी शैक्षणिक...
‘अमूल’कडून राज्यात कडवे आव्हानपुणे : राज्याच्या दूध उद्योगात ‘अमूल’चा होत...
मॉन्सूनचा मुक्काम लांबणारपुणे : निम्मा सप्टेंबर उलटूनही परतीच्या...
अकोला जिल्ह्यात हजारो हेक्टर शेती नापेरअकोला ः अनियमित पावसाचा यंदा खरिपाला मोठा फटका...
नाशवंत शेतमालाचे नुकसान टाळण्यासाठी...पुणे : राज्यातील नाशवंत शेतमालाचे काढणीपश्‍चात...
शेतमाल प्रक्रिया उद्योगातून मिळाला...नांदेड जिल्ह्यातील बहाद्दरपुरा (ता. कंधार) येथील...
कुक्कुटपालनातून मिळाली स्वयंपूर्णतापरिसरातील बाजारपेठेची मागणी लक्षात घेऊन वळके...