agriculture news in Marathi case didnt file in Jalylyukt fraud Maharashtra | Agrowon

उपलोकायुक्त, सचिव, आयुक्तांनी सांगूनही ‘फौजदारी’ होईना 

टीम अॅग्रोवन
रविवार, 25 जुलै 2021

जलयुक्त शिवार अभियानावर खर्च दाखवलेल्या १२६ कोटी रुपयांच्या कामांमध्ये कोट्यवधी रुपये गडप झाल्याचा निष्कर्ष काढून विरोधात फौजदारी कारवाई करण्याची शिफारस दस्तुरखुद्द उपलोकायुक्त, कृषी सचिव, कृषी आयुक्तांनी केली आहे. 

पुणे ः जलयुक्त शिवार अभियानावर खर्च दाखवलेल्या १२६ कोटी रुपयांच्या कामांमध्ये कोट्यवधी रुपये गडप झाल्याचा निष्कर्ष काढून विरोधात फौजदारी कारवाई करण्याची शिफारस दस्तुरखुद्द उपलोकायुक्त, कृषी सचिव, कृषी आयुक्तांनी केली आहे. मात्र घोटाळेबाजांना अटक सोडाच; पण साधा ‘एफआयआर’ देखील नोंदविला जात नसल्याने आश्‍चर्य व्यक्त केले जात आहे. 

कृषी खात्यातील गैरव्यवहार मोडून काढण्याचा प्रयत्न केल्यास अधिकाऱ्यांची लॉबी किती चिवटपणे विरोध करते, याचे झगझगीत उदाहरण म्हणून या प्रकरणाकडे पाहिले जात आहे. सातारा जिल्ह्यात २०१४ ते २०१७ या दरम्यान ‘जलयुक्त’ची बोगस कामे करून कृषी खात्यातील अधिकारी आणि परराज्यातील ठेकेदारांनी कोट्यवधी रुपयांचे अनुदान घशात घातले आहे. 

‘जलयुक्त’ गैरव्यवहाराबाबत फौजदारी कारवाईचे आदेश मंत्रालयाने दिल्यानंतर कृषी आयुक्त धीरज कुमार यांनी कोल्हापूरचे कृषी सहसंचालक उमेश पाटील यांना ८ जून २०२१ रोजी एक गोपनीय पत्र (क्र.१७८८९) पाठविले आहे. ‘‘या प्रकरणात ५ हजार ३१६ कामांवर सरकारी खर्च १२६ कोटी रुपये इतका झालेले आहेत. त्यात ३ कोटी १६ लाख रुपये वसूलपात्र असल्याचे नमुद केले आहे,’’ अशी नोंद या पत्रात करून गुन्हा दाखल करण्यास सांगण्यात आले आहे. 

उच्चपदस्थ सूत्रांच्या म्हणण्यानुसार, ‘‘तत्कालीन कृषी आयुक्त सुनील केंद्रेकर यांना ‘जलयुक्त’मधील घोटाळ्याची कुणकुण लागली होती. त्यामुळे त्यांनी १०० टक्के तपासणी करण्याचे आदेश दिले होते. मात्र पूर्ण तपासणी झालीच नाही. पुढे केंद्रेकरांची बदली घडवून आणली गेली.’’ 

केंद्रेकर यांच्यानंतर तत्कालीन आयुक्त सच्चिंद्र प्रताप सिंह यांनी चौकशी सुरू ठेवली. आयुक्तांच्याच अखत्यारित असलेल्या दक्षता पथकाचे प्रमुख रफिक नाईकवडी व किसन मुळे यांच्या नेतृत्वाखाली ही चौकशी झाली. तत्कालीन मृद्‌संधारण संचालक डॉ. कैलास मोते यांनी या प्रकरणी तत्कालीन आयुक्त सच्चिंद्र प्रताप सिंह यांना पुराव्यासहित अहवाल दिला होता. ‘‘चौकशी अहवालानुसार संबंधितांवर कडक प्रशासकीय कारवाई करावी,’’ अशी शिफारस केली होती. आयुक्तांनी त्यावर आस्थापना सहसंचालक सुधीर ननावरे यांना कारवाईचे आदेश. मात्र, अंतिम कारवाई संशयास्पदरित्या रेंगाळत राहिली. 

सर्व अधिकारी एकत्रितपणे हा घोटाळा दाबत असल्याचे पाहून थेट लोकायुक्तांपर्यंत प्रकरण गेले. राज्याचे उपलोकायुक्त संजय भाटिया यांनी या गैरव्यवहाराची सुनावणी घेतली आहे. भाटिया यांनी ७ जून २०२१ रोजी थेट फौजदारी कारवाईचे आदेश काढले आहेत. दुसऱ्या बाजूला सचिव एकनाथ डवले यांनीही गांभीर्य पाहून फौजदारी कारवाईसाठी मान्यता दिली आहे. मात्र इतके मोठे महाभारत होऊनही पोलिसांकडे तक्रार करण्यात आलेली नाही. 

‘एसीबी’कडूनही टाळाटाळ 
एका उच्चपदस्थ अधिकाऱ्याच्या म्हणण्यानुसार, ‘‘धडधडीत पुरावे असताना पोलिस खात्याने गुन्हा दाखल केला नाही. उलट हे प्रकरण लाचलुचपत प्रतिबंधक (एसीबी) विभागाकडे पाठवले आहे. दस्तुरखुद्द राज्याच्या उपलोकायुक्ताने गुन्हा दाखल करण्याचे आदेश असताना एसीबीच्या अधिकाऱ्याने वरिष्ठांकडे हे प्रकरण ढकलले आहे. त्यामुळे कृषी खाते आणि पोलिस खाते कारवाईऐवजी एकत्रितपणे घोटाळा कसे दडपतात हेच यातून दिसते आहे.’’ 

सहसंचालकांनी फोडले फाटे 
कोल्हापूरचे कृषी सहसंचालक उमेश पाटील यांनी स्वतः एफआयआर दाखल करावी, असे लेखी आदेश कृषी आयुक्तांनी 
दिलेले आहेत. मात्र सहसंचालकांनी तसे न करता उलट आयुक्तांनाच पत्र लिहून आवश्यक पुरावे व कोणावर गुन्हा दाखल करायचा त्यांची नावे कळविण्याची मागणी केली आहे. यामुळे आजी-माजी कृषी आयुक्त, कृषी सचिव आणि लोकायुक्ताने आतापर्यंत वेळोवेळी कारवाईची केलेली शिफारस चुकीची होती का, असा प्रश्‍न कर्मचारी उपस्थित करीत आहेत. एफआयआर दाखल करणे ही पहिली कृती सहसंचालकाने करणे अपेक्षित होते. आरोपीचा शोध घेण्याची व पुरावे गोळा करण्याची जबाबदारी पोलिसांची होती,’’ असे आयुक्तालयातील सूत्रांचे म्हणणे आहे. 


इतर अॅग्रो विशेष
राज्यात हलक्या पावसाची शक्यता पुणे : राज्यात पावसाचा जोर ओसरला आहे. आज (ता. १६...
सोयाबीनचा उच्चांकी दर मिळतोय अत्यल्प...अकोला ः सध्या बाजारात सोयाबीनला कुठे दहा हजार,...
...तर ‘त्या’ नेत्यास एकरभर जमीन बक्षीस...कोल्हापूर : केंद्र व राज्य सरकारकडून एकरकमी...
पाणलोट चळवळीचे आधारवड फादर हर्मन बाखर...नगर ः महाराष्ट्रातील दुष्काळी भागासाठी आयुष्‍य...
रब्बी हंगामात होणार ८४८३ शेतीशाळा पुणे ः रब्बी हंगामात राज्यातील शेतकऱ्यांना...
सोयाबीन उत्पादकांनी टार्गेट ठेवूनच...पुणे : मध्य प्रदेशात सोयाबीनची आवक हळूहळू वाढत...
खानदेशात केळी दर स्थिरजळगाव : खानदेशात कांदेबाग केळीची आवक दिवसागणिक...
घोटभर पाणी बेतले मायलेकीच्या जिवावरउंडवडी, जि. पुणे :  पिण्यासाठी पाणी काढताना...
हरभरा पीक करणार यंदाही रब्बीचे नेतृत्व पुणे ः राज्यात खरीप हंगामात मुख्य पीक म्हणून...
मोसंबी, शेडनेटसह सेंद्रिय पद्धतीने...पारंपरिक मोसंबी बागेतील लागवड अंतर व वाणातील बदल...
‘कोरोना’नंतर आकार घेतेय फुलांची...गेल्या दोन वर्षांपासून कोरोना संकटामुळे पुणे...
‘मामा’ तलाव रुतले गाळात साकोली, जि. भंडारा : भंडारा, गोंदिया जिल्ह्यांतील...
‘इंडो- इस्राईल तंत्रज्ञानातून संत्रा...नागपुरी संत्र्याची हेक्टरी उत्पादकता वाढण्यासाठी...
राज्यात उद्यापासून पावसाची उघडीप शक्यपुणे : राज्यात सुरू असलेला पाऊस उद्यापासून (ता....
कीडनाशके साठ्यांच्या होणार संगणकीय नोंदीपुणे ः देशातील कीडनाशके विक्री करणाऱ्या दुकानात...
ई-पीक पाहणी ॲपमध्ये आंतरपीक नोंदणीला ‘...पथ्रोट, जि. अमरावती : शासनाच्या ई-पीक पाहणी...
मानवाधिकार आयोगाची शेतकरी आंदोलनावरून...नवी दिल्ली ः राष्ट्रीय मानवाधिकार आयोगाने (...
ई-पीक पाहणीबाबत काही भागांतून तक्रारीपुणे ः आपल्या शेतातील पिकाची नोंद स्वतः...
पालघर, नाशिकमध्ये मुसळधारपुणे : पावसाला पोषक हवामान असल्याने राज्यात अनेक...
कोकण, मध्य महाराष्ट्रात मुसळधारेचा इशारापुणे : पोषक हवामानामुळे राज्यात सर्वदूर पावसाचा...